استفسارات للدراسة في بريطانيا ( بورنموث )

السلام عليكم
شباب أنا بدرس في معهد في بورنموث فترة الصيف لمدة شهرين إلى 3 أشهر وعندي بعض الاستفسارات وأتمنى المساعدة :

1- إذا أرسلوا لي المعهد القبول كيف أطلع الفيزا هل أروح للسفارة أو أرسلها لهم ؟
2- إذا وصلت مطار لندن كيف أروح لبورنموث علماً بأني أول مرة أسافر بريطانيا ؟
3- كيف الأجواء في بورنموث في فترة الصيف يعني عشان أجهز الملابس وكذا ؟
4- بالنسبة للفلوس والمصروف هل أحول فلوس هنا وآخذها كاش هناك ولا بطاقة ووش طريقتها ؟
5- بالنسبة للجوال هل أطلع خط جديد هناك أوفر ولا نفس جوالي السعودي ؟
6- هل فيه اشتراك معين في الباصات داخل المدينة ؟

وشكراً ..

بورتموث في الصيف يكثر بها الطلاب العرب فتقل الاستفادة خاصة في المحادثة

اقتباس:

---

المشاركة الأصلية كتبت بواسطة -hossam-1992

السلام عليكم
شباب أنا بدرس في معهد في بورنموث فترة الصيف لمدة شهرين إلى 3 أشهر وعندي بعض الاستفسارات وأتمنى المساعدة :

1- إذا أرسلوا لي المعهد القبول كيف أطلع الفيزا هل أروح للسفارة أو أرسلها لهم ؟
خذ صورة القبول للسفاره وبرضو خلها معك بالمطار لما تجي
2- إذا وصلت مطار لندن كيف أروح لبورنموث علماً بأني أول مرة أسافر بريطانيا ؟
ابد كنك واصل مطار الملك خالد .. اطلع من الباب القزاز بتحصل مكتب صغير عليه رسمة باصات
اطلب منهم تذكرة لمدينة بورنموث و اسال متى بيمشي
الباص بيشيل الركاب من قدام هالمكتب وينزلك بوسط بورنموث
بمكان مليان تكاسي
سهل جداً
3- كيف الأجواء في بورنموث في فترة الصيف يعني عشان أجهز الملابس وكذا ؟
اقصى درجة 27 تقريباً
4- بالنسبة للفلوس والمصروف هل أحول فلوس هنا وآخذها كاش هناك ولا بطاقة ووش طريقتها ؟
جب معك شوية كاش "باوند"
وخذ معك بطاقة "تسوق" حقت الراجحي تحتاجها هنا كثير وراس مالها 100 ريال بس
5- بالنسبة للجوال هل أطلع خط جديد هناك أوفر ولا نفس جوالي السعودي ؟
جب معك نوكيا كشاف حط فيه رقمك السعودي " انتبه لمقاس الشريحه"
و بمطار هيثرو بتحصل جهاز مثل حق البيبسي
تدخل 10 باوند وتختار الشركه اللي تبي وتطلع لك الشريحه
وانصحك تاخذ شركة "3"
نت نفتوحه و 300 دقيقه داخل بريطانيا بـ 15 باوند بس
6- هل فيه اشتراك معين في الباصات داخل المدينة ؟
اي نعم
فيه شركتين ازرق و اصفر
شف الاقرب لسكنك اشترك فيها
واذا سكنك قريب للمعهد لا تشترك
تقدر تركب بتذكره يوميه للمشاوير الثانيه
وشكراً ..
عفواً
واذا تبي اي خدمه انا في بورنموث .. نعين و نعاون

---

اتمنى اكون افدتك يارب

الله بجزاك خيير
ما قصرت يالغالي ..