نصيحة من اخ لكم في شفلد !! لكل المبتعثين !!

نصيحة يا اخواني لحد يسكن مع عائلة

فالعوائل الانجليزية هنا غير مهتمة بالنظافة

ولا يجلسون معك للدردشة فهم مشغولون او لا يبالون سواء بالمال اخر الشهر

بالنسبة لمن يقول ارخص ويوفرون عليك الاكل والغسيل فليس بصحيح

فالاكل مالك الا كورن فلكس فطور والعشاء عبارة عن مكرونه واحيانا ماكو احد يعشيك

الملابس يخلطونها مع بعض وهم للامانه قذرين!!

هذا غير الخمرة اللي دايرة في البيت وتقوم الصباح تلاقي الخمرة في كل البيت والشباب مع صاحباتهم نايمين على الارض دون لباس يسترهم!!

نصيجة من اخوكم لا احد يسكن مع عئلة اذا ارد الراجة النفسية !!

انا صارلي اسبوع مع العائلة وشفت الهوائل ولمن طلبت اغيرهم رفضت الجامعه!! وقالو ما نغسرهم شوف لك انت سكن !! والله خسارة الثلاثين باوند اللي اخذوها!!

عموما انا باقي لي اسبوع عندهم وقاعد ادور سكن لي لوحدي لا عائلة بعد اليوم!!


الا هل بلغت !! اللهم فاشهد!!

الله يكون بعونك

الله يمضيلك دا الاسبوع على خير وتلاقي سكن احسن ..معليه شد حيلك والله يعينك

الله يعينك يارب و يسهلك وشكرا على النصيحة

لا حس ولا خبر

يلا الله يعين قولوا امين


الصلاة عماد الدين

اسمع و انا اخوك

السكن مع هؤلاء الحيوانات مذلة للإنسان المسلم

حاول تنهي العقد معهم بأسرع وقت

و شف لك مكان نظيف يعزك والله

فاروق إذا ما كنت غلطانة إنتا معايا في دفعتي 2006 تقنية :D
الله يهديك إنتا ليش رايح شيفلد .. ترا نص الدكاترة في الكلية عندنا منها و في المختبرات ترا ما سارت زي زمان مستواها نزل حبتيين :S انا كل ما إستشرت دكتور يقولي روحي شيفلد :S:S:S ولا مانشيستر عشان تخصص الفيروسات إللي أبغاه .. شوف كل المعيدين و المعيدات الجدد إللي من دفعتنا رفضوا يروحوا شيفلد ترا كدا حا نكرر نفس التجربة و مجالنا سار فيه تطورات كثيرة ليش نرجع للقديم :S
على كل حال إذا إنتا مرتاح الله يسيرلك و يوفقك بس بما إنك لسه تدرس لغة فكر تاني و أستخير إذا ما أرتحت :)

اهلين اخوي فاروق


ولو اني مااتفق معك في كلامك ,,, صحيح فيه عوايل تخلي الواحد ينقرف

لكن مايمنع انه فيه عوايل جدا ممتازه ,,, وهذا الكلام اقوله من تجربه وانا اخوك

فحرام نعمم الكلام على كل العوايل ,,,

وهذي ترى مشكلتنا ندفع قبل نشوف ,, واحيان ندفع مقدما حق مده طويله ,,

افضل شي انك تدفع لهم كل اسبوع ,, عشان اذا ماارتحت تغير العايله او السكن ,,,

واذا تبغى نصيحتي غير العايله ولو انه ماعندي فكره قويه عن شيفلد ,,,

مع انه اعرف واحد ساكن فيها ومرتاح ,,,

والعوايل باختصار في جميع بريطانيا حضظك ونصيبك ,, احيان تتوفق فيهم

واحيان تغير ثلاث اربع مرات عشان تحصل عايله كويسه ,,,

هذا وبالتوفيق لك وللجميع ,,,

تقبل تقديري ...

انا اختلف معك اخوي اذا انت تقصد جميع العوائل في بريطانيا..

انا ساكن مع عائله مكونه من اب وام وثلاث عيال..
عايش مثل الملك عندهم احترام وتقدير اللهم لك الحمد..

انا اشوف تغير العائله احسن لانك محتاج السكن مع العائله الفترة الاولى من الدراسه..

اتمنى لك التوفيق وللجميع المبتعثين..

وأنا أتفق مع الإخوان في تغيير العائلة لآن العائلة حظ ونصيب

وأنا أعرف شخص سكن مع عائلة و المفاجأة انها ما كانت عائلة كانت عشيق وعشيقة وكانوا فقراء بعد فسكنوه في صندقة عندهم مثل المستودع والطاولة جابوا له سحارة خشب كبيرة وحطوا عليها قماش وقالوا هذي طاولتك ومسكين صارت حالته حاله

وشخص آخر صار الحظ حليفه وطاح على عائلة مسلمة والقرآن دائما يشتغل في الصباح والأذان وقت الصلاة وغيره وارتاح جدا معهم

فالمسألة مسألة حظ ويمكنك ان تجرب لأسبوع كما ذكر الأخوة وإذا ما عجبك الوضع غير

تحياتي>> خيالي