الفزعة يا طلاب المملكة المتحدة
السلام عليكم و رحمة الله وبركاته
أخواني الأعزاء ..
أنا ان شاء الله الشهر الجاي رايح على المملكة المتحدة - مانشستر لدراسة باكلريوس قانون و أبغى نصايحكم و تجاوبوني على بعض الأسئلة ما عليكم أمارة..
1- كيف الخليجيين في مانشستر و كيف طبيعة الحياة فيها ؟
2- للي عندهم فكرة عن دراسة القانون في بريطانيا هل فعلا صعب جدا كما قيل لي ؟ وهل اللغة هي ما تشكل الصعوبة؟ و على ماذا تعتمد دراسة القانون هناك؟ علما اني راح ادرس في جامعة مانشستر.
3- تنصحوني أسوق سيارتي الخاصة هناك ام استخدم المواصلات العامة؟
تفضلوا بقبول فائق الاحترام والتقدير ~
رد: الفزعة يا طلاب المملكة المتحدة
أهلا..
الخليجيين تواجدهم في اماكن معينه مثل رشولم وممكن تصادف في بعض المجمعات .. بالنسبة للقانون مااعرف انا تخصصي هندسة .. نصيحة لاتفكر تسوق سيارة المواقف شحيحة واذا وقفت بدون ماتدفع الاجرة بيخالفونك .. والنقل العام متوفر بكل مكان وباسعار جداً رخيصة .. خصوصا للطلاب ..يعني تشترك بالمواصلات بقيمة 200 باوند لمدة 10 شهور ..
أرجو اني اكون فدتك .. أهلاً بك في مانشستر ^_^ ...
رد: الفزعة يا طلاب المملكة المتحدة
مشكور يا خويه و ما قصرت و الله يوفقك و عقبال ما ترجع المملكة و ترفع راسنا ..
أتمنى من الاخوان اللي عندهم معلومات اضافية ما يبخلون علينا..
رد: الفزعة يا طلاب المملكة المتحدة
عن السعوديين والخليجيين فهم كثيرين جدا ولكنهم في شارع محدد فيه مقاهي ومطاعم عربية
المدينة بحد ذاتها حياة ووناسه اللهم انها ببعيدة شوي عن لندن ومو ذاك البعد
بخصوص القيادة انا انصحك تجي هنا تشوف العالم كيف تسوق والانظمه وثوانين القيادة لا تنسى انك القيادة هنا على اليمين
بعد شهر تستاجر سيارة فيها كامل التامين وتاخذها مدة اسبوع وتجرب وتشوف
ناسبتك اشتر سيارة ما ناسبتك خلك ع المواصلات
بس ما انصح ابدا تجي وتنشب نفسك في سيارة ع طول
ولو احتجت سيارة بلغني ان شاء الله اوفر لك ..
رد: الفزعة يا طلاب المملكة المتحدة
ما قصرت يا خويه سعود و بيض الله ويهك ..
الظاهر اني بجي بريطانيا و بشوف نظامهم و بعدها بقرر بخصوص السيارة ..
أتمنى من طلبة القانون ما يبخلون علينا فالرد ..
رد: الفزعة يا طلاب المملكة المتحدة
رد: الفزعة يا طلاب المملكة المتحدة
الخليجين بكل محل موجودين لاتحاتى و الامور سهله و نحن اخوه و بالخصوص العرب فى بلاد الغرب بس مو اى واحد توثق فيه...
اما بالنسبه للموصلات انا مانصحك بالسياره لانهم عكسنا مابتعرف تسوق لهم غير الضرايب و المواقف و دفع الفلوس و التأمين و الخربطه ..... استخدم المواصلات اريح لك و لاتحاتى شى اركب الباص ولف الغتره على راااسك و نام اذا كان المشوار طويل اشوى
بالتوفيق ياخوك