عرض للطباعة
مساء الخير على الكل جميعا وعساكم طيبيين ان شاء الله
بس ابغى عرف كيف الواحد ممكن يسد وقت الفراغ الطويل بالغربه لان الضيقه تطفش تخلي الواحد حتى الدراسه مايقدر يدرس من الطفش وكذا هل يشترك بنادي او بيستغل المكتبه او.....
انا بروح يوم 18 ابريل مدينه هالي فاكس يالشمال عدد سكانها لايتجاوز ال90000 فريبه من ليدز ومانشستر ارجو الافاده وشكرا
هلا اخوي
بالعكس..الكلام هذا يقوله الي هنا في السعوديه. مشكلتنا هنا انو مافيه اي نوع من الانشطه في البلد. خليك ايجابي ولا تبدا من الحين تطفش نفسك
الشباب برا جزء من يومهم انو يروح للجيم...روح للجيم بشكل شبه يومي وكل يوم اتمرن تمارين غير...تشغل وقتك..تتعرف على ناس..تحس بنشاط لانو الجلسه تجيب الكسل...صحه...شكلك يصير حلو هههه...واهم شي نومك يصير مريح ومنتظم لانك تتعب في الليل وتنام بدل الارق.
غير الجيم ..اذا انتا تحب تلعب كوره روح الجامعه وبتلقى شباب يلبعون ..العب معهم.
استغل الفتره هناك انو ماعندك التزامات عائليه واجتماعيه مثل الي في السعوديه وطور شخصيتك...اقرأ كتب..بتتفاجئء هناك انو العشب بختلف طبقاته الصاحي والصايع كلو يقرأ...
خذ معاك بلي ستيشن...
تابع تلفزيون ...مسلسلات..رياضه..ستاند اب كوميدي..افلام..انتا واهتمامك.
اتمشى هناك في المدن الصغيره الي حوالين هاليفاكس وصور ...
اتعلم طبخ! كبسه وحركات
انترنت
فيس بوك
الاشياء ما تنتهي
موفق ان شاء الله
إذا كنت بتدرس في معهد اللغة, طبعا راح تقضي معظم اليوم في المعهد يعني على الأقل من التاسعة صباحا إلى الثالثة بعد الظهر.
إلى حد ما الوضع يكون ممل لو ما سويت لك علاقات اجتماعية مع محيطك لأن المحلات والمقاعي تغلق أبوابها عند السادسة تقريبا. وبعد هذا الوقت تفتح المطاعم والحانات.
طبعا لو تشترك في نادي بيكون جدا ممتاز. أعتقد إنك بتدرس في كلية كالديرديل ولا لأ!؟
أكيد فيها نادي أو حاجة من هالنوع تقدر تدور لك أي جمعية تناسب ميولك والكلية تسوي نشاطات كثيرة ممكن تشترك فيها.
شكرا اخوي على المرور وكلام صحيح وجميل شكر ا مره ثانيه اخوي عبدالله10
اهلا وسهلا اخوي بالفعل راح ادرس بهذه الكليه (عندك معلومات عنها)اقتباس:
المشاركة الأصلية كتبت بواسطة مهياوة
وفعلا الواحد لازم يتحرك وشكرا على مرورك
تبي النصيحة لاتزيدها على حالك ولا تفكر بالطفش
والله انا واحد من الناس لو يقطوني بأعيوج لينه لحالي ما أطفش حالي
فيه اولا الانترنت فيه الجيم مثل ماقالوا فيه التمشيات فيه السينما فيه لعب الكورة فيه التسوق فيه
الواحد يروح يتقهوى يروح لمطعم يروح لبحيرة او نهر يتابع مباريات مانشستر لانها قمة المتعة
... إلخ
يعني لو انك بالسعودية كان ممكن تسأل هالسؤال لكنك ببريطانيا والفرق جدا مختلف
اقتباس:
المشاركة الأصلية كتبت بواسطة وهم
اهلا وسهلا صادق لكن الواحد مع الغربه احيانا مايلاقي احد يحاكيه هذا الي انا خايف منه
وشكلك منشستراوي انا مدريدي ولو ان لغه اسبانيا الانجليزي كان درست بالبيرنابيو