للي مسافر بريطانيا كم العفش اللي مسموح فيه؟

احنا مسافرين على حساب الوزارة الى بريطانيا

على درجة السياحة مكتوب في التذاكر مسموح ب20 كيلو للشخص
بس البعض قال لنا ان الطلاب لهم اكثر من :pissed:20
اللي عنده خبر اكيد يعلمنا رجاءا

الخطوط السعودية تسمح كحد أقصى 32 كيلو. ما عندك مشكلة في السعودية أبدا ولكن المشكلة في بريطانيا لو كنت بتسافر على خطوط داخلية في بريطانيا راح تتمشكل لو كان وزن شنطك اللي بتدخلهم للشحن أكثر من 20 كيلو للشنطة الوحدة لكل تذكرة.
يسمح لك 10 كيلو لشنطة يد واحدة فقط بما فيها شنطة اللاب توب. يعني لو تشيل شنطة يد بالإضافة إلى شنطة اللاب توب ما راح يسمحون لك تدخلونها, الإستثناء الوحيد للأمتعة المحمولة هي في حالة وجود طفل معكم.
وتذكر ممنوع تشيل سوائل من أي نوع في شنطة اليد ولا أدوية بدون وصفة. لو تبي تشيل أدوية أحسن لك تحطهم في الشحن لأن لو شافوا عندك أدوية بدون وصفة راح يرمونها في الزبالة.

والله موضوع مهم وأنا الحين محتاس مره من سالفة الوزن
مره أزود ومره أنقص من الأغراض , أقول بيني وبين نفسي ياولد ضروري هذا لازم تأخذه,
وشوي أشوف الوزن زاد عندي وأنقص من الأغراض حاله بس خله على ربك .

آنا أنصح أخواني الطلاب أنهم يأخذون الضروري فقط. يعين لا تكثرون ثياب وأشياء مالها داعي.

لأنهم في المطارات البريطانية يأخذون فلوس كثيرة على الوزن الزائد.

اول مره اسمع بزيادة العفش للطلاب !

بس خلي حسابك كما هو محدد بالتذكرة
واذا شي ضروري خذه لو تدفع زيادة يبقى "ضروري " :)

الخطوط السعودية 32 كيلو

والخطوط البريطانية في الرحلات الداخلية 20 كيلو



أخلص التحايا

يا شباب هل الخطوط السعوديه يتساهلون من لندن الى الرياض بالعفش الزائد مثل لو انا بالرياض
وكم الbmi يعطونك حد بالعغش ؟

عزيزي...

الخطوط السعودية مافي مشكلة لين 32 لكن غيرها 25 بالكثير ولا بياخذون وزن زايد الكيلو ب 90 ريال تقريبا وعليك الحسبة.

ولا انصحك بالشحن خويك شحن لبريطانيا مطار غاتويك وفعلا طلع رخيص 45 كيلو ب 350 ريال لكن بعدين فدغت اجره للمطار واجرة للقطار من والى المطار وتاخير وصلت كلها نفس قيمة الشحن وانصحك لاتاخذ كثير.