عرض للطباعة
السلام عليكم ورحمه الله وبركاته
يالله حيكم جميعًأ .. يخوان باختصار شديد جدًا رأيكم بالمدينة والجامعة و هل هي رخيصة أو لا ؟؟
لاني سالتهم عن المعيشة وكذا حسبوا لي السنة ب 7000 باوند طبعًا أدرس لغة ثم ألتحق بالجامعة كذا يعني ..
كذلك بي اعبي الأبلكيشن حقهم ولا عرفت مع الأسف .. ياليت تفيدوني ياخون و جزاكم الله خيرًا
ياخوان تكفون شدو حيلكم شوي وردوا والله جدًا محتار 😪💔
^^^
زرت المدينه يوم واحد ويبدو لي إنها جميله!
ما عندي فكرة عن الدراسه فيها، لكن لا اعتقد ان 7000 جنيه تكفيك سنه للدراسه وكافة تكاليف المعيشه!!
مع العلم ان المدينه العام الماضي أغرقتها المياه تماما وتعرض سكانها لمشاكل كثيره بسبب هذه الفيضانات!!!
عجيييييب !!اقتباس:
المشاركة الأصلية كتبت بواسطة الكهل الطموح
والله انا اخذت هالكلام من المعهد قالوا لي 7000£ تشمل الدراسة بالسكن
وودي أسالك لو تكرمت لو ان تدرس ببريطانيا وش تنصحني ابي جامعة كويسه و متعمده و مب صعبة ولا سهلة ثم اتوهق .. و جزاك الله خير
^^^
وش قصدهم تشمل الدراسه بالسكن! وهل السكن مع عائله أو سكن خاص بالمعهد؟
لا تنسى التكاليف الأخرى مثل الأكل والشرب والكتب والملابس والرحلات والمواصلات...الخ!!!
----
انا لا أدرس ولم أدرس في الماضي ببريطانيا!
أنا كنت مرافق بأيرلندا وبريطانيا قبل كم سنه!!
-----
نصيحه: أدرس اللغة ببريطانيا أو غيرها من البلدان حتى تتمكن منها!
وبعدما تتحسن لغتك تدرب على اختبارات الآيلتس وتقدم لأختبارته بأي مكان مناسب لك بالعالم حتى بالمملكه!!!
وبعد حصولك على الدرجة المناسبة من الآيلتس لدخول الجامعة سواء بكالوريوس أو ماجستير أبحث عن الجامعات المتوفر تخصصك بها !!!
أهم شيئ إن الجامعة معتمدة وموصى بها من الوزاره...والأفضل إن تكون من الجامعة المميزة والمدرجة بقائمة الوزاره للدارسين على الحساب الخاص!!!!
======
وفقك الله بمن يفيدك بما يفيدك.
اقتباس:
المشاركة الأصلية كتبت بواسطة الكهل الطموح
جعلك تسلم يالذييب والله ما قصرت .. المبلغ هو فقط دراسة مع 3 وجبات يعني البكج حقهم زي ما انت عارف واذا تبيه علمني عشان ارسله لك أو احطه هنا