مبتعثااات بريطانيا..لقد صعقت من واقع بعضكن..!!!

تدرون وين الطامة الكبرى

لما يكون بلد الابتعاث دولة عربية مثل مصر .. والحجاب ينزع فيها والسفور يكون كامل

صار معروف انه بمصر محجبات مثل السعوديات حتى الواحد لما يشوفهم يفتكرهم سعوديات

ولما يشوف السعوديات يفتكرهم مصريات ؟؟؟؟


عن نفسي لو ربنا أراد .. وسافرت .. بإذن الله النية موجودة إني أحافظ على نفسي ولا أعصي ربي على شيء ما يستاهل .. لكن ما راح ألبس اللون الاسود .. لإني انسانة ما تحب المشاكل وما ابغى أعرض نفسي لأشياء انا في غنى عنها مع ناس تنكر وجود الرب

الله يستر على جميع بنات المسلمين ويهديهم

مشكورة أختي على الموضوع وجعله في ميزان حسناتك

الاستاذة ريم

تسلم اناملك على هذة الكلمات التى سطرت هذه العبارات التي اتمنى ان تقرائها كل مسلمة ومبتعثة .
وما نراه ونستكره من بعض اخواتنا المبتعثات من التبرج الخالع وبعض الملابس التي لا تليق بها كمسلمه . ( واللي قاهرني اكثر اللي تتحجب ولابسه بنطلون محدد جميع ما لا يذكر وأعتقد انها ما تحجبت الا من الممكن ما فيها تستشور الكدش ).

وأسال الله العظيم في هذا الشهر الكريم ان يصلح حال اخواننا واخواتنا المبتعثين و يحميهم من كل سواء . وان يسدد خطاهم ، ويدلهم لما فيه الخير لدينهم ودنياهم .

السلام عليكم..
شكرا اخت ريم ولكل من عقب على موضوعك وجزاكم الله خير..
عندي مداخله لو تكرمتو..
يجب علينا أن لا ننسا انه إذا كان شكل الحجاب الشرعي الظاهر هو غطاء الرأس والوجه فعلينا أن لا ننسا مضمون الحجاب..
الحجاب يعني العفه والحياء وتجنب الرجال بقدر المستطاع .. يعني بالعربي ما أفلها مع الرجال وسواليف وضحك وسعة صدر..
يعني مو تحجبنا سواء غطينا وجيهنا أو ماغطيناها يعني عادي أنا محجبه بسولف وأضحك مع الرجال
وأطقها سوالف :|
تذكرو أن الإنسان خصيم نفسه يوم القيامه والله لايورينا وجيهنا في النار
وأنصح للبنات أنها تسئل وتفصفص المدينة اللي بتروح لها قبل ماتروح وتتجنب المدن العنصريه حتى لاتضطر ويجيها بليس ويقول ((ياشيخة شيلي الحجاب عشان مايبقسونك والا يتهزون بكك))

جد يعني ترا واجد مدن بريطانية وعلى كلام اللي عندهم خبرة تتقبل الحجاب الكاااااااااااامل
أمي رايحة لندن هالصيفية وتقول والله اني قاعدة بعبايتي السودا ولا أحد أنفسسسسسسسس
وأنا جربت الحجاب في أوروبا وكندا وكلش مالقيت من الاجانب الا كل الاحتراااااام وتوزيع الابتسامات


ونصيحة كمان أخيرة..
لاتبينين ضعفك للرجال والاجانب .. أدخلي عليهم بعين قوية
صحيح كنت انصحكم بالحياء والعفة بس مو معناها تصيرين كسيرة..
وترا الاجانب اللي فيهم شر لين شافوك عينك قوية بعدو عنك
حسسي نفسك بأنك دايم ماشيه وشايله العجرا..


وشكرا

فعلا سود الله وجه هالمتبرجه مثل ماسودت وجيهنا ...
استاذه ريم .. ياليت هالبنات عندهم مثل رجاحة عقلك فعلا
بعضهم تتبرج بداعي التطور والأتكيت
مادرت ان كل ذئب بشري ينظر لها ومعجب فيها له هدف فقط
مجرد حصوله على الهدف راح يحتقرها ويمقتها
ماأقول الا الله يهدي شبابنا وبناتنا

جزاك الله الف خير وانا ازيد على كلامك للبنات المتبرجات ان كيف ترجى توفيق ربي وحمايته في غربتها وهي تعصيه...؟؟؟؟

الله يجيرنا من النار والله اني شايله هم لو انقبلت في البعثه كيف راح اكون هناك يارب احميني من الفتنه انا وزوجي واولادي وكل المبتعثين ياااااااااارب وخليني محافظه على حجابي انا وكل مسلمه اللهم امين....
والف شكر ياغاليه على الموضوع الهادف...

والله انتس صادزه

كلمتي اللي دائما اقولها الحمدلله ان ديرتي مافيها سعوديات تقريبا

ما أقدر أشوف وحده سعودية فالتها ومتحررة الا انصحها واتمشكل وأعصب عليها غصب عني

اللي سمعته من خويانا بالمدن الأخرى ان فيه سعوديات متحررات نوعا ما ولهن صداقات لبعض

الشباب من الجنسيات الأخرى وهالشيء والله يضيق الصدر ...

نسأل الله السلامة

وجزاتس الله أكثر من نيتتس ماراح اقول على قدها يا ريم وليت الكل مثلتس

جزاك الله الف خير .. والله يصلح الجميع طلاب وطالبات ،،

مشقاص

سعدت بوجودك..والحمدلله انتهى النقاش على خير ..

فلاغنى للرجل عن المرأه ولاغنى للمرأه عن الرجل