سؤال: الممنوعات في مطار هيثرو ؟!

القصه حدثت معي عام 2004 وكنت أول مره اسافر فيها لندن بحياتي .. انا ماكنت افكر في بريطانيا لاني بعيد عنكم مدمن ( لبنان ) منذو مبطي ,, لكن تحت اصرار أحد الشباب كان يبي يروح يسجل في الجامعه لاكمال الماجستير فجلس يحاول فيني وقدم لي عروض مغريه الفندق على حسابه والاكل على حسابه والتذاكر ..

لدرجة ان زميلي قال ياخي انت بصراحه اول شخص يسافر لندن ومتدلع كللش على حساب غيره

وأنا فرحاااان

هههههههههههههههههههههههههههه <<< فرحان يخويه دا انتا حتاكل ضرب على قفاك

المهم أول ماوصلنا المطار وطلعنا مع الجوزات واخذنا الشناط .. فجأه ثلاثه افراد شرطه واقفين يطالعون فينا من بعيد ..

قال زميلي : الله يستر

قلت : وش فيه عسى ماشر

قال: الله يستر شكلهم اكتشفونا

قلت : ينهار اسود يكتشفون ايش وش سوينا عشان يكتشفونا


قال : اسمع امش عادي وخللك طبيعي لاتناظر فيهم

المهم وهو يقول امش طبيعي وانا تتصافق ركبي وكل ماقربنا منهم يطالعون فينا وحسيت فعلا انهم رح يستوقفونا


وصلنا ومدّ يده الضابط ووقفنا

سألنا من وين جايين ؟؟

قلنا : من السعوديه

قال : وش عندكم هنا ؟؟ <<< حلوه وش عندكم تقول هيئه ماسكينك في مخطط فاضي

قال زميلي : جاي اراجع الجامعه واكمل التسجيل

قال الضابط : ونت يبو الشباب .. يقصدني انا

قلت : أنا جاي اشيل الشنطه لخويي <<<< حلوه أشيل راح فيها ابو الشباب


المهم قال الضابط لزميلي : بعد اذنك بفتح الشنطه .

قال زميلي : تفضل

فتح شنطة زميلي ويوم فتح الشنطه فغر فغره وقاااال أووه مااااااااااي قااااااااااااااد

وطلع ربطة فلوووووووس ملياااااااااااااااااانه

قلت لزميلي : انت صاحي ؟؟ اشلون تاخذ معك هالمبلغ

قال : تطمن هذي شيكات سياحيه

المهم قال الضابط : كم قيمتها

قال زميلي حوالي 30 الف باوند

قال الضابط وليش ماوضعتها في البنك ؟
قال زميلي : لاني رايح الآن للجامعه واسلمهم المبلغ كامل

المهم ان الضابط طلب من احد افراد الامن يحضر ورقه وقلم

وقال اجلسوا الله لايهينكم وانت اكتب ياحسين <<<< حسين يشبه اللي في شاهد ماشفش حاجه

وجلسنا وهااااتك يا اسئله وهااااتك يا اجوبه لمدة ساعه


المهم جت وحده حلوه مووووووت مره قال : تسمح افتح شنطتك وتبتسم

قلت : انتي فتحتي قلبي وش عاااد تبين <<<< رومنسي الولد

فتحت شنطتي واول مافتحتها طلع لها كرتون تمر

قالت : وت از ثس ؟؟

قلت : ديتززز ديتتزز

عاد انا فرحان أول كلمة انطقها في دولة بريطانيا العظمى لا ونطقتها صحححح مو اي كلام وواثق من نفسي

المهم : سألتني سؤال ثاني مافهمتها والتفت لزميلي شافني وجاوب عن السؤال نيابه عني

بس حسيت انه قال لها هذا مايعرف شي في الانجلش

المهم يوم قالها مااعرف شي قفلت الشنطه

بغيت اقول لها " لاتقول لا تقول خل العيون عنك تقول " << طلال مداح


المهم بعد طول اسئله واستفسارات قال الضابط رح نراسل الجامعهو نتأكد

ومرحبا بكم في بريطانيا


المهم طلعنا من المطار بعد ماجلسنا اكثر من ساعتين

وجلسنا ثلاثه اسابيع ولا احد سأل عنا ولا شي ورجعنا السعوديه بامان


==============

خلاصة الكلام

في المطار خلوكم طبيعيين لان الشرطه البريطانيين اذكياء اذا لاحظوا عليك اي حركة غريبه يستوقفونك ..

===============