زوجي مرافق والا مو مرافق ؟؟؟!!!!
V
V
V
V
V
V
شسمه.... :D
اللي هذا اوله ينعاف تاليه خخخخخخ
يا اخواني واخواتي باختصــــــار شديد :
زوجي جاي بريطانيا شهر 5 دوره لغه تبع العمل يعني حتكون فيزته فيزا طالب ولكن ماله اي علاقة بوزارة التربيه والتعليم او التعليم العالي.. وانا جايه مبتعثه ادرس ماستر ..لذلك عندي استفسااااااار واتمنى الاقي اجابته عندكم.. هل الملحقيه ممكن تعامل زوجي كمرافق ويصرف له راتب المرافق لأنه جاي معاي ؟؟ حتى لو كان جاي من طرف عمله ؟؟ علما انه هو تبع وزارة منفصلة تماما وماله علاقه بوزارة التعليم العالي .والا ما راح يعاملونه على انه مرافق و بيقولون يكفيه راتبه حق الابتعاث تبع عمله ؟؟؟ ارجوووووكم ابغى رد اكيـــــــد ..تعبت ادور اجابه
رد: زوجي مرافق والا مو مرافق ؟؟؟!!!!
ياربـيــــــــــه يا شينكم على ذا الحركه ...هذا الشي اللي يقهرني فيكم ..
بس مشاهدات ومافي ولا رد ؟؟
يالله ننتظر .. كلكم خير وبركه واكيد ماراح تخذلوني
رد: زوجي مرافق والا مو مرافق ؟؟؟!!!!
اقتباس:
المشاركة الأصلية كتبت بواسطة NUS
ياربـيــــــــــه يا شينكم على ذا الحركه ...هذا الشي اللي يقهرني فيكم ..
بس مشاهدات ومافي ولا رد ؟؟
يالله ننتظر .. كلكم خير وبركه واكيد ماراح تخذلوني
اختي , الناس تدخل و تحاول تساعد , ومااعتقد احد راح يبخل باي معلومة
لكن حالتك فريده من نوعها , ومحد بيرد الا اذا كان متأكد من الجواب ,,,
اتمنى تلقين اجابة لسؤالك
اقتراح: الاتصال على الوزارة والاستفسار ... للتأكد ,,,
بالتوفيق ... :):):)
رد: زوجي مرافق والا مو مرافق ؟؟؟!!!!
اخوي NAT الف شكر عالمرور وحقك علي .. وانا والله عارفه الاعضاء فيهم الخير والبركه .. بس لان مثل ماقلت حالتي فريده من نوعها وانا تعبت من التفكير والبحث والوزاره دايم خطهم مشغول ..
رد: زوجي مرافق والا مو مرافق ؟؟؟!!!!
بلـــــــيــــز اللي عنده فكره ياليت يفيدني ..
معقوله حالتي فريده لهالدرجه :(
رحماك ربي
رد: زوجي مرافق والا مو مرافق ؟؟؟!!!!
أتوقع من شروط الايتعاث للبنت يكون معاها مرافق..
هل المرافق المسجل معاك واحد غير زوجك؟
إذا نعم..أتوقع مستحيل يكون زوجك اسمه مرافق طالما معاك مرافق آخر ..
رد: زوجي مرافق والا مو مرافق ؟؟؟!!!!
انا عندي نفس السؤال وفاهمة الوضع وايش تقصدين
أنا اخوي الي بيروح معاي فيزته بزنز.. هل راح يصرفون لي مكافأة المرافق على أساس انه مرافقي.. هو رايح لندن بس عن طريق عمله
لأن في مرافق يكون بمكافأة.. و في مرافق بدون مكافأة
وانتي قصدك.. هل راح يصرفون لزوجي مكافأة على أساس انه مرافقك لو لا..
وياليت اعرف الجواب انا بعد لأن هالموضوع مقلقني كثيرر
رد: زوجي مرافق والا مو مرافق ؟؟؟!!!!
اقتباس:
المشاركة الأصلية كتبت بواسطة إبن القرية
أتوقع من شروط الايتعاث للبنت يكون معاها مرافق..
هل المرافق المسجل معاك واحد غير زوجك؟
إذا نعم..أتوقع مستحيل يكون زوجك اسمه مرافق طالما معاك مرافق آخر ..
لا لا مافي مرافق مسجل غير زوجي .. زوجي هو المرافق وراح تنتهي فترة دراسته في بريطانيا قبل ما انتهي انا من الماستر .. يعني راح يجلس عشان دراستي .. بس هل يعتبرونه مرافق ؟
رد: زوجي مرافق والا مو مرافق ؟؟؟!!!!
اقتباس:
المشاركة الأصلية كتبت بواسطة Guess
انا عندي نفس السؤال وفاهمة الوضع وايش تقصدين
أنا اخوي الي بيروح معاي فيزته بزنز.. هل راح يصرفون لي مكافأة المرافق على أساس انه مرافقي.. هو رايح لندن بس عن طريق عمله
لأن في مرافق يكون بمكافأة.. و في مرافق بدون مكافأة
وانتي قصدك.. هل راح يصرفون لزوجي مكافأة على أساس انه مرافقك لو لا..
وياليت اعرف الجواب انا بعد لأن هالموضوع مقلقني كثيرر
اييييييييوه انا هذا اللي اقصده بالضبط ..بس ليه ما يصرفون لهم دامهم فعلا جايين معانا او بالاصح احنا جايين معاهم ؟؟ يعني لولا الله ثم ابتعاثهم عن طريق عملهم كان ما قدرنا احنا نبتعث صح والا لا ؟ هم فعلا مرافقين و محارم ف ليه ما يصرف لهم ؟؟
رد: زوجي مرافق والا مو مرافق ؟؟؟!!!!
اقتباس:
المشاركة الأصلية كتبت بواسطة NUS
اييييييييوه انا هذا اللي اقصده بالضبط ..بس ليه ما يصرفون لهم دامهم فعلا جايين معانا او بالاصح احنا جايين معاهم ؟؟ يعني لولا الله ثم ابتعاثهم عن طريق عملهم كان ما قدرنا احنا نبتعث صح والا لا ؟ هم فعلا مرافقين و محارم ف ليه ما يصرف لهم ؟؟
شوفي ياستي هذا النموذج هو عبارة عن اقرار تعهد اول ماتوصلي لندن في الملحقية لازم محرمك يوقعه
انا بنقلك منه كم نقطة مهمة بس
اسم المرافق: (المحرم)
اسم المبتعثة: (الطالبة)
صلة القرابة:
أقر أنا الموقع اسمي ادنا بالآتي:
1- أني غير مبتعث
2- أني غير محرم لأي مبتعثة أخرى ولا أتقاضى بموجبه مكافأة مالية أو شهرية
3- أني غير موظف/ ولا أستم راتب من أي جهة حكومية أو حاصل على إجازة مرافقة من مرجعي
أتعهد بأن أرافق المذكور اسمها اعلاه طوال فترة دراستها في بريطانيا او أيرلندا وأن لا أغادر مقر البعثة إلا بموافقة مسبقة من الملحقية الثقافية, وفي حالة الإخلال بهذا التعهد سوف أكون مسئولاً عن كل مايترتب على ذلك وتكون المبتعثة مسؤلة عن إعادة جميع ماصرف لي كوني محرماً لها.
اسم المحرم
التوقيع
المشرف
حرر بتاريخ
يعني المفروض ان ماله مكافأة :( إلا إذا في طريقة أخرى الواحد يتصرف فيها