هل تنصحون بالدراسه في اسبانيا؟وماهي الايجابيات والسلبيات!!
السلام عليكم ورحمة الله وبركاته
مثل ماهو بالعنوان هل تنصحون اني اضع ضمن الخيارات للتقديم على البعثه دولة اسبانيا للدراسه؟؟
وانا متخوف بالنسبه للغه الاسبانيه هل لها مستقبل لنا بالسعوديه؟
وكيف اللغه الاسبانيه مقارن بالانجليزيه؟؟
بالرغم اني اتمنى اللغه الانقليزيه لأني ضعيف فيها...
ارجو انكم تردو يا اهل الخبره لأني مالي غيركم بعد الله انتم اهل اسبانيا وما نلقاكم الى هنا ما اعرف احد درس في اسبانيا
ولكم الشكر
رد: هل تنصحون بالدراسه في اسبانيا؟وماهي الايجابيات والسلبيات!!
عليكم السلام والرحمه
انا يالغالي باذن الله اني راح ابتعث لاسبانيا ومثلي مثلك ماعرف ولاحرف بلغتهم.. لكن معروف ان كل شي جديد على بني ادام هو من ذاته يستسهله او يستصعبه..
اذا انت تبغى علم تنتفع فيه لباقي حياتك ماراح يكون صعب عليك واذا تبي تتخوف من اي شي اللغه العربية الفصحى راح تكون صعبه عليك مع انك مفطوم على الفطرة باللغه العربيه..!
ان شالله انك فهمت قصدي..
ومن ناحية مستقبل اللغه فما اعتقد ان اي لغه تساند لغتك العربيه راح تروح على الفاضي.. يعني انت راح تدرس تخصص معين باسبانيا وراح ترجع باذن الله معك شهاده ولغة عجمية.. وهذا يعتبر شي مميز.. صحيح اللغه الانجليزيه عالميه ولكن برضوا اللغه الاسبانيه لها حضورها على المستوى العالمي.. هناك 31 دوله تتكلم هاللغه وتعتمدها كلغه رسميه..
يعني باذن الله المجال مفتوح وماراح تكون درستها على الفاضي..
انا اتفق معك بكونها صعبه كلغه جديده وغير دارجه عند معظم المبتعثين لاسبانيا ولكن شجعني العديد من الطلاب اللي يدرسون هناك من خلال مواضيعهم عن كونها لغه يمكن التأقلم معها لوكنها تستخدم الكثير من اساسيات النطق باللسان العربي
وان شالله اني اكون قدرت افيدك..
وللمعلومية.. اذا رأيت المبتعثين الى اليابان وكوريا و الصين وكيف امكنهم التكلم بلغتهم ..! بصراحه تهون اسبانيا وأبو اسبانيا
تقبل مروري
رد: هل تنصحون بالدراسه في اسبانيا؟وماهي الايجابيات والسلبيات!!
يعطيك العافيه اخوي ysoOori ومشكور على ردك
الله يعافيك اسلوب جيد ومرموق الله يوفقك وين ما رحت انشالله ويسهل امرك
بس انا اشوف الي قارين الموضوع الآن وصلو 8 ولا حتى شاركو بالتقييم
ارجو انكم اقل شي تصوتو على السؤال
وننتظر المزيد من الاخوه الكرام
بالتوفيق للجميع...
رد: هل تنصحون بالدراسه في اسبانيا؟وماهي الايجابيات والسلبيات!!
وعليكم السلام والرحمه
شوف اخوي مافي شي اسمه سهل او صعب بالحياه
كل شي راح تحققه باذن الله على قد الطموح اللي عندك
فالبنسبة للغة الاسبانيه لغة رائعة وهي اللغة الثالثة بالعالم
فاذا انت سمعت اللغة قبل وحبيتها فصدقني راح تمشي فيها
والله يوفقك باختياراتك
رد: هل تنصحون بالدراسه في اسبانيا؟وماهي الايجابيات والسلبيات!!
الله يعافيك اختي سوسو 11
وبالنسبه لأخوي eid19 مصوت على (لا) ولا عطانا السبب ارجو منك كتابة السبب
ولكم الشكر...ننتظر المزيد..
رد: هل تنصحون بالدراسه في اسبانيا؟وماهي الايجابيات والسلبيات!!
<< داخله غلط ^_^
بس عندي سؤال اخواني واخواتي
معقولة مافي ولا جامعه في اسباني تدرس باللغه الانجليزيه ومعترف فيها في الوزاره ..؟؟
اختكم
رد: هل تنصحون بالدراسه في اسبانيا؟وماهي الايجابيات والسلبيات!!
هلا اخوي
ودي اجاوب على التصويت بس السؤال عام جدا...
انت تكلمت عن اللغه فقط لكن ما قلت انت وش بتدرس؟ وايش تخصصك الحين وهل انت في امريكا بالفعل ولا لسا ..باكلوريوس ولا ماستر؟ لازم تعرف مضبوط قبل ما تجي لذا البلد لان اسبانيا مختلفه وفيها تعقيدات كثيره يعني في رأيي الشخصي هذي البلد حلوه لكن المفروض ما يجيها الا واحد عارف بالضبط وش يبغى...مو بس علشان البلد نظامها شوي معقد ولانك ما راح تعرف تفاهم معهم مثل ما قلت الانجليزي عندك ضعيف الان, بس سبب اخر رئيسي هو انه مافيه ملحقيه هنا والملحقيه حقت فرنسا اي كلام يا عبدالسلام يعني من جد يفشلونك مع الجامعات..بعدين شي ثاني, اذا انت تحس انك ما عندك كنترول على نفسك لا تجي لذا البلد. خلك على امريكا وش زينها..امريكا حلوه والعلم هناك. الا اذا تضمن انك بتنقبل في افضل الجامعات هنا.
موفق ان شاء الله
رد: هل تنصحون بالدراسه في اسبانيا؟وماهي الايجابيات والسلبيات!!
خلك مع دول الانجلش شهادة ولغه
واللغه الانجليزيه هي الاهم
رد: هل تنصحون بالدراسه في اسبانيا؟وماهي الايجابيات والسلبيات!!
وعليكم السلام
ممكن تحط اسبانيا من ضمن الخيارات
بالنسبة لتجربتي الشخصية تعلمت شوي من اللغة الأسبانية وهي لغة سهلة وممتعة
بس مقارنة مع الانجليزية اكيد الانجليزية أهم ومستقبلها مضمون واذا كنت ضعيف فيها الأفضل تدرس بالانجليزي
بالتوفيق يارب للكل
رد: هل تنصحون بالدراسه في اسبانيا؟وماهي الايجابيات والسلبيات!!
يا اخوان عندي استفسار هل يوجد بعثات حكوميه لاسبانيا برنامج الملك عبدالله المرحله الخامسه؟؟؟؟؟؟؟ارجو الافاده