الأعضاء الإشتراك و التسجيل

الملتقيات
ADs

ملتــقى طــلاب وطالبات اسبــانيـــا

ملتــقى طــلاب وطالبات اسبــانيـــا


NOTICE

تنبيه: هذا الموضوع قديم. تم طرحه قبل 6078 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Bandoor
    Bandoor

    مبتعث مجتهد Senior Member

    Bandoor الولايات المتحدة الأمريكية

    Bandoor , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى student , بجامعة Barry University
    • Barry University
    • student
    • ذكر
    • Miami, Florida
    • السعودية
    • Nov 2007
    المزيدl

    December 3rd, 2007, 10:24 AM

    السلام عليكم ورحمة الله وبركاته

    اسعد الله اوقاتكم بالفرح والمسرات

    اخواني وأخواتي المبتعثين الى اسبـــانيا

    لقد كتبت هذا الموضوع لنكون مع بعضا يدا واحدة نتشاور فيما بيننا ونناقش الامور

    التي تخص بعثتنا الى اسبانيا ونتعرف الى بعضنا ونكون اخوه اصدقاء

    اتمنى لكم طيب الاقامه في هذه الصفحة وفي اسبــانيا

    مع اطيب التمنيات لكم بالتوفيق

    دمتم بود ومحبه

    اخوكم

    بنــدور


  2. الله يعطيك العافيه بندر .. بإذن الله بنحاول نثري هالموضوع
    ويد وحده ما تصفق .. كل واحد فينا محتاج معلومه من الثاني
    اذكر واحد بيبتعث استراليا .. من هنا وهناك بس وصل لاستراليا صار يدل في شوارعها
    فـ ما تدري ممكن معلومه بسيطه تفكلك ازمه هناك ..

    ياليت اصحاب الخبره يتفاعلون معانا واخص بالذكر اخوي اسبانيوول

    بعد اذنك بنطلش الوقيع



    7 "
  3. هلا فيكم وفرحتوني بتواجدكم ما فيه الا حنا على ما اعتقد اسبانيا

    ومقتنعين فيها >>> بالنسبه لي ما صدقت انها تجي

    اخوي سعدون حط في بالك اللغه العربيه من اصعب اللغات اذا عقلك استوعبها

    بيكون الانجليزي والاسباني والفرنسي سهل عندك وبعدين حنا يالعرب والسعوديين بالذات

    انعم الله علينا بمخارج الحروف يعني السعودي يتقن اللغه الانجليزيه باللهجه واللغات الثانيه

    لان كل الحروف عندنا لكن على سبيل المثال لا المصريين يقولون بدال حرف الذال = ز

    >>>> طلع من الموضوع

    المهم اخوي صدقني سنه كافيه بس شد حيلك انت واختلط بالاسبانيين وراح تتعلم من اول شهر

    واهم شي الجديه بالدراسه انا رحت كندا الصيفيه الماضيه عشان اقوي لغتي الانجليزيه

    واخذت كم شهر ولقيت سعوديين يجتمعون في شقه وحده ولا اختلاط مع الكنديين ولا همهم

    ويداومون كل ليله في النوادي الليليه والصبح غايبين انا في ثلاث شهور غطيت عليهم

    و وصلت المستوى الخامس وهم لهم 10 اشهر في المستوى الاول مستوى الحروف الانجليزيه

    الله يعافينا

    اشوف واحد منكم يدوج في شوارع اسبانيا ابلغ عليه الشرطه >>> يا شدييييييييييييييييييد

    بالنسبه للمدينه اللي ودي اجي فيها

    انا والله ودي في مدريد في الجامعه الامريكيه عشان ادرس بالانجليزي

    وعشان ادخل مدرسة ريال مدريد و ارجع مجد الكوره ايام الثانويه


    ويمكن انظم الى صفوف الفريق الاول بجانب راؤول قونزالس واخذ رقم زيدان هع هع هع


    تحياتي لكم والتوقيع فدى لكل نفر بيروح اسبانيا


    بنــدور
    7 "
  4. ما شاء الله عليك يا بندور باين عليك بترطل اسباني في ثلاث شهور
    يقولون الي تعلم انقليزي بينفتح عليه كل باقي اللغات باقي علينا
    لا معنى لا انقلش ولا اسباني وشكلنا بنفحط في المعهد سنه حتى
    نجيب اللغه بس ياخي وش رايك في غرناطه ولا اشبيليه يقولون ارخص
    والجامعات فيها منذو قديم الازل يعني بنروح جامعات ايام القرون السابعه
    عشر

    ابي استفسر منكم يا شباب انتم سيرتو على الوزاره بعد طلوع الاسامي
    والي راح منكم وش صار عليه يقولونا عشان نعرف وشهي الاجراءات
    7 "
  5. بندور العربي استوعبناه بست سنوات دراسه وتطبيق مكثف
    لا وابشرك للحين التعبير لك عليه بعض الجمل تطلع معوقه
    اما بخصوص الدشره والنوادي الليليه الله يفكنا شرها
    وسالفة مدرسة ريال مدريد فسر ونحن من ورائك
    واذا تبي واسطه عندهم ازهله
    رقم خمسه السنه الجايه لك وكنفارو نخليه بدون رقم

    ...

    m.k.m ( ماتشرفنا باسمك)
    شف انت حط ببالك انك رايح تدرس ووراك ناس يتمنون يشوفونك رافع روسهم
    ونفس الحكايه فيه ناس يتمنون يشوفونك راجع فاشل ويضحكون عليك
    اذا حطيت هالكلمتين براسك امورك تمشي وبيوفقك الله


    اما اشبيليه وغرناطه ماعندي خلفيه بس من اللي اقرى
    بالمنتديات يمدحونهم ويقولون انهم يتكلمون اسباني فصيح


    الوزاره وش نبي فيها ممدين على الشقى بعد الملتقى ان شاء الله
    بنشوف وش عندهم

    ممكن اسير عليهم الاسبوع الجاي اذا طلعت للرياض

    7 "


  6. المهم وشرايكم بسنة اللغه تكفي ولا لا؟
    الحمار هو حمار لو تحطه بين اهل اللغه تعلمها

    ع العموم فيه إمكانية تمدد سنة اللغه .. على حسب ماسمعت

    غير كذا كل واحد يقولنا وين يتمنى يحطونه باي مدينه
    ..
    انا والله عادي
    بس اهم شي بعيد عن البحر (فلنسيا، برشلونا)
    علينا يا سعدون .. ما بقى الا مدريد فريقك ىالمفضل

    بالنسبة لي استسلمت ورضيت بالامر الواقع اللي يحطوني فيه الوزاره لكن لو على كيفي فالنسيا او اشبيليه او حتى برشلونه وبالاخير مدريد


    7 "
  7. طيبـ لاهنتوا ممكنـ تقولون لي كمـ سنواتـ دراسهـ البكالوريسـ باسبانيا .؟




    اربع سنوات من غير سنة اللغه ..



    الحمار هو حمار لو تحطه بين اهل اللغه تعلمها

    ع العموم فيه إمكانية تمدد سنة اللغه .. على حسب ماسمعت


    مو هذا القصد بس عشان نقدر نطول قدر الامكان هناك<<عايف ام الديره
    7 "
  8. هلا فيك يا سعدون ولا يهون الجميع

    معاك ابو سعدي

    هو اكيد الي قلته اذا حطيناه براس لازم يمشي

    والله يوفق الجميع

    وبصراحه انا بغيت المشوره منكم مبين عندكم خلفيه على
    اسبانيا
    الان انا حطوني في اليابان وابي نحولها


    على اسبانيا - وهو اختياري الثاني
    وانا اشوف الاسباني اسهل من الياباني


    لانه بصراحه اشوف كندا واستراليا صعبه شوي عشان الضغط
    الي عليها من الطلاب

    الي ابي اقوله الان اللغه الاسبانيه مقارنه بالانقليزيه
    هل هي اسهل ولا اصعب

    واذا اخوانا اسبانيو طب على الملتقى وشاف سؤالي
    وده ينفعنا فيها واظاهر انه طايح في الاسباقتي

    ودي يقولنا بعض القواعد الحلوه الي تنفعنا وتساعدنا

    في بدايه المعرفه باللغه الاسبانيه

    والمشكله اني متحمس في اللغه والله اعلم يا بحول ولا لا

    المهم يا اخوان شكلي طولت السالفه
    اعطونا مشورتكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.