-
مساعدة يا اهل الرياض
السلام عليكم
بونسواغ للجميع
بدخل بالموضوع على طول
انا درست من قبل بالاليانس فخونسيز اللي بحي السفارات لمدة شهر
طبعا المعهد حدث ولا حرج:(
سيئ صراحة
في اشياء تشفع له وتخليه كويس
بسس هو بشكل عام جداً سيئ من ناحية الالتزام بالاوقات وتعاملهم وطريقة تدريسهم مريعة ..
سؤالي وزبدة موضوعي فيه احد يعرف معهد غيره؟؟
نبي ندعم نفسنا شوي قبل مانروح هناك
-
رد: مساعدة يا اهل الرياض
افاا
وانا اللي ناوي اخشه الشهر الجاي ،،،،كويس انك خبرتنا
هو كيف نظامه من ناحيه الوقت والمستويات والاسعار؟!
مشكور مقدمن يا كابتن:)
-
رد: مساعدة يا اهل الرياض
ما انصحك فيه ابداً ...
اسعارهم متوسطة تقريباً ..
ناحية الوقت عندهم من 6 لغاية 8
ودورة ثانية من 7 لغاية 10
وفيه صباحي
التزامهم بالوقت شبه ضائع .. المدرسين مايعطونك فرصة تتكلم فرنسي حتى لو تتكلم يردون عليك بالإنجلش او العربي !!! مصااااخه وسخاافه
يعني الفرنسي لغة صعبة اكثر من الانجليزي بكثير وتحتاج ممارسة .. بس فالمعهد هذا احلم انك تمارسها
المستويات كثيرة فيه من a1 لغاية c2
اذا حاب تدخل لازم تختبر اول مقياس لغة ..
وعلى ما اعتقد المعهد هالايام مافيه دورات بسبب عيد رأس السنة وييرجعون للدوام بعد كم يوم ..
الاسعار انا اخترت دورة 6 اسابيع ب 2100
وعلى اساس انها 6 اسابيع كويس
بس تفاجأت انها صارت 5 اسابيع .. الاستاذ ماينتظم بالحضور..ومرة يغيب ومرة يجي وما يبلغونا المشكلة تقطع مشوار من بيتكم للسفارات وتفتيش وقلق فالنهاية توصل يقولون لك الاستاذ غايب !! طيب كان خبرتونا عشان مانقطع مشوار " ملاحظة " هذا الشيئ صار معي مرتين بالدورة الماضية ولا حتى قالو لنا نعتذر او شيئ
عوضونا بساعات صباحية ومسائية وظغطونا ظغط لايطاق ..
بالتوفيق ياغالي
واذا تعرف معهد فرنسي بالرياض غير اللي نتكلم عنه ياليت تذكر اسمه
-
رد: مساعدة يا اهل الرياض
راكان ارجع واقولك تفرق من مدرس لمدرس انا درسني مدرس سيء ومريض نفسيا ويوجد مدرس قوي جدا
وكما اسلفت يوجد معهد الجزيرة يدرسك سوداني مدري مصري
-
رد: مساعدة يا اهل الرياض
شكرا جزيلا اخوي راكان لكن هل تعرف معهد اخر؟
اخوي ماسترولا معهد الجزيرة باي حي؟
-
رد: مساعدة يا اهل الرياض
الجزيرة اللي اذكره انو بالدائري الشمالي يعني شمال الرياض مدري وين بالضبط بامكانك الحصول على رقمه بالاتصال ب905