المرحلة 5 لدولة المجر "هنغاريا" <<ما يجب عليك فعلة من أ الى ي>>

السلام عليكــم ورحمـة الله وبركاتــة ،،


اهئني طلاب وطالبات المجر في المرحلة الخامسة.....

ان شاء الله هنا تجــــــمع طــلاب المـــــجر للمرحــــــلة الخامسة الى ما قـــــبـل الســـفـر بإذن الله ::::

اولا: طبعا جائت الرسالة من الملحقية بالنمســــا ::::: >>>بعض طلاب ما جاءتهم الرسالة ان شاء الله بتجيهم قريب<<<

ثانياً: ارسال الاقرار ثم ارسله الى الملحقية>>>>> طبعا هم طالبيه باسرع وقت :::

**الان اهم الخطوات علشان اول ما يوصلك قبول الجامعة(رسميا من الجامعة موضحا فيه اسمك )تروح على السفارة و اوراقك جاهزة. ولا تتأخر. ركزوا جيدا.

استكـمال الاجــراءات المطلـوبة وهي كالتالـي :
(طبعا هذا النظام صار معنا في المرحلة الرابعة)


تأخذ من الوزارة خطابين الى هم : خطاب علشان الفحص الطبي & خطاب علشان البصمة الجنائية.

*#*الاجراءات من الرياض :

*شهاده الميلاد: لطلاب الرياض يروحون لمكتب عند الغرفة التجارية اسمه اطلس يترجم الشهادة واهم $$ شيء اللي ما تتصدق بدونه الشهادة المترجمة خطاب مكتوب فيه ( يشهد مكتب اطلس ان

الترجمة صحيحة وووووو..... طبعا تأخذه المكتب ) وعلى الغرفة التجارية تصدق ب25 وتشل عمرك وعلى وزارة الصحة وتختم عليها واهم شيء توقيع الدكتور.

**:: البصمة الجنائية: تروح تسويها من الادلة الجنائية ورى المحكمة الكبرى (لا تنسى خطاب الوزارة)انتبهوا تروها ما تاخذ يومين يقولون اسبوع ما عليكم منهم وقولوا حنا طلاب مبتعثين وداريركت بعد ما تأخذ البصمة الجنائية

على مكتب اطلس ولا تنسى الخطاب الى هو ( يشهد من مكتب اطلس ان الترجمة وووو....)وصدق من الغرفة التجارية

***::: الكشف الصحي: من مستشفى الملك سعود للأمراض الصدرية مخرج 16 بيقولون ما نسوى ادخلوااا (طبعا نحن كنا اربع اشخاص معا)على المدير وقولو له سولنا الفحص الخاص بالمستشفى لانه بيقول وين النموذج (الخطاب) حق الفحص. اخيرااااا سوى لنا الفحص.

اذا رفض المدير شفت لك مستشفى خاص او احد ما تعرفه في اي مستشفى يمكن ان يساعدك في الكشف الصحي.
ويكون الكشف بالانجليزي ... واذا كان بالعربي الله يعينك بعد على مكتب اطلس ووووو الغرفة التجارية.

***::الشهادة الثانوية : تأخذ لك كم صورة منها وتكون مصدقة من وزارة التعليم (المبنى القديم) طبعا هو خلف المبنى الجديد.



واخيراا خذ كل الاوراق وعلى وزارة الخارجية صدقها وصلى الله وسلم على نبينا محمد

*#*الاجراءات من جـــدة :

** البصمه الجنائية:
تجيب خطاب من التعاليم العالي (خطاب عشان تسوي البصمه الجنائيه ) وتروح لشارع التلفزيون حتلاقي هناك مبنى الادلة الجنائيه تقدم لهم الخطاب ويخلوك تبصم على الجهاز ويقولوك تعال بكره خذها .
بعد ما تاخذ الورقه حقت البصمه الجنائيه تروح للوزاره الخارجيه تختمها .
اذا تبغى تترجم البصمه الجنائيه ولابد منها تروح لاي مكتب ترجمه معتمد وانا انصح الي ورى محطة الجامعه عشان بعد ما تترجمها تطلع للغرفه التجاريه (فرع الغرفه التجاريه قريب جدا من محطة الجامعة داخل مركز الجامعة مول على يدك اليمين حتلاقي محل اسمه لنقو داخله الفرع)
الغرفه التجاريه حتختملك عشان تشوف المكتب معتمد ولا لا (كل ختمه من الغرفه التجاريه ب 25 ريال وكل ختمه من الوزارة الخارجيه ب 30 ريال )
بعد ما تختمها تطلع للوزاره الخارجيه تختمها .

**الكـشف الـطبي :
تروح لاي مستشفى او مستوصف تسوي كشف عن الايدز والكبد الوبائي وتقلهم ابغاه بالانجليزي
وابغاكم تضيفولي رقم جواز السفر في الكشف والتوقيع المعتمد لدى الشؤوون الصحيه واسمي مطابق للجواز السفر.(احضر معاك صوره شخصيه لارفاقها مع الكشف )
بعد ما يخلص الكشف تطلع للشؤوون الصحيه (ورى مستشفى الملك فيصل التخصصي) اطلع الدور الثاني غرفه رقم 14 يوقعولك عليها وبعدين تطلع للغرفه رقم 1 يختمولك عليها .
وبعدين تطلع للوزاره الخارجيه تختم .

شهـادة الميلاد :
تاخذ شهدة الميلاد وتطلع على مكتب ترجمه تترجم الشهادة وبعدين تطلع للغرفه التجاريه تختم وبعدين تطلع للاحوال المدنيه (اطلع علطول للدور الثاني عند المدير خله يوقع وامشي لاتسأل الموظفين ماعندهم سالفه يقولوك مافيه يصرفوك )
وبعدين تطلع للوزارةالخارجية تختم.


(الترجمه تقريبا بخمسين ريال لكل من البصمه وشهادة الميلاد) ..

**بعد وصول قبول الجامعة** تذهب لاستخراج الفيزا.

لاستخراج الفيزا عليكم بالانتهاء من الاجراءات التي طلبت منكم (اعتقد ان الملحقية راح ترسل لكم هذه الطلبات قبل القبول الجامعة الرسمي).

وهي:

البصمة الجنائية المترجمة

الكشف الطبي ::للإيدز و مرض الكبد الوبائي

الشهادة الثانوية المترجمة (احتياطاَ)

شهادة الميلاد المترجمة

وجميعها تكون مصدقة من وزارة الخارجية .

طبعا المفروض اننا خلصنا هذي الاوراق بعد رسالة الملحقية الأولى.

وصور شخصية لك وصور من الجواز ولا تنسى اوراق القبول الى جاتك على الايميل.

وخطاب من الوزارة للسفارة بأنك طالب مبتعث >>> لانه رجعوني علشان هذا الخطاب
-------------------------------------------------------------------------------------------

طبعا اذا جئت السفارة تعبئي الابليكيشن حق الفيزا و حق التصديق .

رسوم الفيزا : 360 ----------- رسوم التصديق : 120 ريال للورقة . والاوراق الى راح تتصدق اربع اوراق . اعتقد المجموع : 840 ريال
-----------------------------------------------------------------------------------------


رقم المـلحقية :
00431713919
محمد عواتي ...... محمد هاشم.
الفاكس : 004317130090
وكل شخص يتصل يتأكد أنه في المجر وان اسمه موجود. و افضل شيء اذا كان عنده مشاكل في تحديد دول الدراسة تروح تتأكد من الوزارة. بعدين يتصل عليهم. احتمال تقول لك الوزارة انك في المجر و اسمك ليس عند الملحقية. ولكن يفضل انك تتصل بالملحقية تقول ان اسمي في الوزارة طالع الى المجر.

---------------------------------------------------------
و أي أسئلة متعلقة بالأمور الدراسة جميعها في احد المواضيع المثبتة عن المجـــر..

مـوفقين ,,,

طيب اخوي الحين لازم قبل ما ارووح للسفارة لازم يكون عندي ضمان مالي والضمان المالي حاطينه في صفحة الطلب
انه تم طباعته يعني شلوووون ارووح آخذه من الوزارة وطيب انا من الشرق4ية ما اقدر اخلص اموري من الشرقية احس روحتي للرياض فيها مشقة ومعاناة ولا ادل فيها شي

ابو مبارك الله يجزاك خير انا كل اوراقي جاهزه ماعاد بنت اخوي لاني مرافق رافضين الاحوال يصدقون ترجمة شهادة الميلاد مع العلم انها مصدقه من الغرفه التجاريه ووزارة الخارجيه رافضه التصديق الا لما تصدق الاحوال على الترجمه ومتورط بصراحه بسبة الاحوال المدنيه بالدمام الله لايبارك بعدوهم

وياليت تعطيني رقم هاتفك الله لايهينك وتكرمت واذا فيه احراج عليك ارسله لي خاص الله يبارك لك بعمرك تكفى يالاجودي

اخوك ابو غيد

اقتباس:

---

المشاركة الأصلية كتبت بواسطة المولع بالحكمة

طيب اخوي الحين لازم قبل ما ارووح للسفارة لازم يكون عندي ضمان مالي والضمان المالي حاطينه في صفحة الطلب
انه تم طباعته يعني شلوووون ارووح آخذه من الوزارة وطيب انا من الشرق4ية ما اقدر اخلص اموري من الشرقية احس روحتي للرياض فيها مشقة ومعاناة ولا ادل فيها شي

---

اولا: للأاشخاص من خارج الرياض لا تتعب نفسك بالمجيء الى الرياض كل مره.

اعتقد انك بس تجيء الرياض الا مرتين فقط..... عند التقديم على الفيزة & عند استلامها فقط.

الشخص ما يقدم على الفيزا الا اذا وصله القبول من الجامعة . و للفيزا شروط مذكوره بالاعلى:

القبول ممكن يصل لكم على الايميل فقط اطبعه (عند التقديم النسخة تكفي ولا يحتاج الاصل ) وقدم على الفيزا .

ثانيا: الضمان المالي ما تحتاجه من الاساس. ولكن قبل التقديم على الفيزا تأخذ من الوزارة خطاب يفيد انك مبتعث موجه للسفارة .(و اصلا هم ما راح يعطونك الضمان) لان الخطاب يكفي.


انتم عليك الان الانتهاء من شهادة الميلاد و الفحص و البصمة . بعدها انتظروا القبول فقط

أي أسئلة تفضلوا خذووووو راحتك .....

اقتباس:

---

المشاركة الأصلية كتبت بواسطة ابو الغيد

ابو مبارك الله يجزاك خير انا كل اوراقي جاهزه ماعاد بنت اخوي لاني مرافق رافضين الاحوال يصدقون ترجمة شهادة الميلاد مع العلم انها مصدقه من الغرفه التجاريه ووزارة الخارجيه رافضه التصديق الا لما تصدق الاحوال على الترجمه ومتورط بصراحه بسبة الاحوال المدنيه بالدمام الله لايبارك بعدوهم

وياليت تعطيني رقم هاتفك الله لايهينك وتكرمت واذا فيه احراج عليك ارسله لي خاص الله يبارك لك بعمرك تكفى يالاجودي

اخوك ابو غيد

---

شهادة الميلاد : تروح على وزارة الصحة وتتوقع و تتصدق من الدكتور. بعدها على الخارجية . ان شاء الله ما راح تلاقي مشاكل.

----------
طبعا لا ينٌسى التصديق على جميع النسخ الاصل من.(شهادة الميلادة , البصمة الجنائية, الكشف الطبي)

بالتوفيق.....

بصراحة كلام سليم ومشكووور اخوي بومبارك


والله يسهل عليك في الاختبارات

اتوقع اي واحد ابو مبارك بطل
اسم ابوي مبارك هع
يعطيك العافية بس اتوقع كل الاوراق المترجمة تتختم من وزارة الخرجية والا لا ؟؟؟

اقتباس:

---

المشاركة الأصلية كتبت بواسطة hassan alahmed

بصراحة كلام سليم ومشكووور اخوي بومبارك


والله يسهل عليك في الاختبارات

---

جميعا بإذن الله ..... ما قصرت معنا سابقا.

اقتباس:

---

المشاركة الأصلية كتبت بواسطة ZiZ0

اتوقع اي واحد ابو مبارك بطل

يعطيك العافية بس اتوقع كل الاوراق المترجمة تتختم من وزارة الخرجية والا لا ؟؟؟

---

لابد تتصدق من الخارجية .......

===========================

انا من سكان جده.....
كم يوم علشان اخلص الاجراءت???
وبغيت اسألك الخطاب اللي من وزارة ا لتعليم العالي من فين اجيبه ..يعني موقعهم فين بالضبط؟؟