الابتعاث VS الدراسة في الداخل

السلام عليكم ورحمة الله وبركاتة



انا توني مخلص من الثانوي وبنسبة حلوة الحمد لله ,اعتقدت ان ايام الهم والغم خلصت ,بس تفجأت انها توها تبدأ

لسبب مهم الا وهو

وين ادرس فيه

انا ناوي ادرس طب اسنان او طب بشري انشاء الله ومعي نسبة تأهلني انشاء الله اني ادرس في الملك سعود وتأهلني اني

ادخل البعثة انشاء الله

بس ما ادري ايش اسوي

هل اقدم على الملك سعود وادرس في الرياض

ولا اقدم على بعثة طب وادرس برا

مع العلم اني طفشااااان من الرياض

فارجو من كل من يدخل انه يعطيني ايجابيات وسلبيات كل خيار فيهم

واذا كان ما يعرف يشارك ولو بكلمة

مع العلم ان هذا الهاجس يفكر فيه اغلب المتخرجين من الثانوي


وجزاكم الله كل خير

السلام عليكم

بقدم لك ايجابيات البعثه من وجهة نظري
اول شي اعتمااااد على النفس بما انك بتسافر وبتكون لوحدك فحتعتمد على نفسك وبكذا حتقوى شخصيتك
ثاني شي حتدرس في جامعه معتمده يعني تقدر تشتغل بالسعودية والا خارجها
ثالث شي اللغه حتتقدم فيها بسرعه اكثر من اذا كنت في جامعات السعودية
رابع شي شهادتك حتكووون قووية وترجع وانت فااهم كل شي انشاءالله

اسفه على الاطاله وانشاءالله اكون افدتك بوجهة نظري
وربي يوفقك

تسلمين

وبصراحة كلامك منطقي

وعليكم السلام ورحمة الله وبركاته

قدم عليها كلها واأنشالله تقبل في الثنتين بعدين أختر إحداهما.

أتمنى أخوي ان جتك فرصة إبتعاث ماتفوتها مهما كان الثمن

لأنها لن تتكرر .
*وضعت موضوع عن الأبتعاث وماشالله الأخوان ماقصروا كفو ووفوا

وأتمنى تدخل على الرابط أدناه وبأذن الله سوف تجد الجواب الشافي

http://www.mbt3th.us/vb/forum4/thread106531.html

تحياتي ...

السلام عليكم

كل شخص يختلف تفكيره على حسب الدراسه بالخارج ولا بالسعوديه

بس انت سجل بالثنتين عشان يصير عندك خيارين

بس حط في بالك دراسه الطب لازم تسأل عن الجامعه الي بتروحها لااتغلط غلطتنا

يعني شيل من بالك استراليا ونيوزلندا وبريطانيا وامريكا

سجل بهولندا وبولنداا

واي استفسار حاظرين راح اجي للمووضوع اذا عندك استفسار لاني رحت استراليا وراح احول لهولندا

يعني قبل لاتروح تأكد من شروط الجامعه

الله يوفقك ان شاءالله

والدراسه بالخارج حلوه بتواجه مصاعب بس بتستفيد من كل خطووووه تسويها ان شاءالله

واللغه بتتطور بسرعه

يلا ان شاءءالله نشوفك دكتور

بالتوفيق

صلملم

أنا نفس حالتك وناوي أقدم على الجامعات السعودية وعلى البعثة، ولو جات البعثة خير وبركة

اقتباس:

---

يعني شيل من بالك استراليا ونيوزلندا وبريطانيا وامريكا

سجل بهولندا وبولنداا

---

استراليا وبريطانيا وأمريكا أظن قصدك إنها تطلب تخصص في العلوم قبل دراسة الطب
لكن نيوزلندا ايش هي مشكلتها ؟

شوف انا انصحك انك تقدم على ايرلند وهولندا

بس بولندا الدراسة باللغة المحلية وسنة الامتياز في السعودية دا اللي قراتوا عن بولندا بس ما ادري

يعني ايرلند وزهولندا هيا الدول اللي بتدرس فيها بالانقلش دا اللي انا اعرفوا

وسامحني على الاطالة

طيب كيف اعرف شروط الجامعه؟؟

ومشكورين مقدماً