عرض للطباعة
السلام عليكم
كل عام وأنتم بخير
أنا طالبة من جامعة الملك سعود تخصص علاج طبيعي، مستوى تاسع (أخر مستوى)..
وناوية بعد التخرج أكمل الماجستير..
ناوية أكمل بالخارج..
وطلبي منكم.. تفيدوني بأي شي تعرفونه عن دراسة هذا التخصص بره..
أنا أبي بعثة من الجامعة.. وهل في برنامج لبعثات حكومية لتخصصي؟
ومتى يصير أقدم على البعثة؟ بعد الامتياز لو عادي قبله؟؟ (مدة الامتياز سنة)
وأي الجامعات في العالم أفضل لتخصصي؟؟
أبغى معلومات عن أي شي تعرفونه.. لا هنتم..
وبالتوفيق للجميع ياكريمـ،،
أتمنى أن أجد إجابات ..
هلا اختي
انا نفس التخصص بس طالع اناتومي عن طريق الحرس
بالنسبه للعلاج الطبيعي تقدرين تقدمين على برنامج الملك اذا فتح وباقيلك تقريبا شهرين الى ثلاثه او اربعه* في سنة الامتياز وتجبين افاده من الجامعه على ان باقيلك سنة الامتياز وتمشي امورك
بالنسبه افضل الجامعات في هذا التخصص فيعتمد على رغبتك في اي دوله
على حسب معلوماتي البسيطه في امريكا جامعة بتسبيرغ
University of Pittsburgh
واي سوال انا في الخدمه بالتوفيق
انصح بـ occupational therapy
عددهم في السعودية عالاصابع
موفقة
مرحبا اختي جوان...
انا نفس حالة اخوي ابوعلي بكالوريوس علاج طبيعي ومعيده بجامعة الحرس تخصص اناتومي
عموما بالنسبة للدراسات العليا بالعلاج الطبيعي تعتمد على رغبتك بأي تخصص
عندك مثلا امريكا ممكن تاخذ فيها (DPT) مع انه لسا مو معترف فيه عندنا بالسعودية بس كثير الان طالعين يدرسونه
والجامعة في طور انها تعترف فيه ويمكن سمعتي عن المؤتمر الي سوته بتريشيا اوسوليفان بهالخصوص
يعني على بال ماتتخرجين تكون تمت امور الاعتراف
اما بالنسبة للجهة الابتعاث ممكن تقدمين على برنامج الملك عبدالله او ممكن تتوظفين بالاول وتبتعثين من جهة عملك وهذا الافضل تضمنين الوظيفة قبل لا ترجعين
وبالتوفيق اختي واي سؤال لا يردك الا لسانك