الخوف من دراسة الطب !!

/

السلام عليكم ورحمة الله وبركاته .

اخواني واخواتي ,, أطبائنا ..

انا عندي إستفسار بسيط وتعذبت فيه هالاجازة وقلت مالي الا اسئل الا اللي خاض هالمعركة والآن هو موجود فيها, انا إنسان ماكان في ميولي الطب لكن الحمدلله يعني نسبتي المركبة تؤهلني بقوة للإستفادة من دراسة الطب والكل يعرف مميزاتها الإجتماعية والإنسانية والمادية وغيرها. وهذا سبب إقدامي على الطب . لكن انا خايف من بعض الأشياء في الطب احسها ماتناسبني وكل ما أسئل احد قالي شعور طبيعي هذا تتعوّد وانا مابغا ادخل في التخصص واطلع واضيع سنين عمري أنا قريت ان في سنة الإمتياز لازم تطبق 3 شهور جراحة ومدري إيش وانا ماحب الجراحة ولا التشريح وهذه الأشياء . فهل هذا شيء طبيعي ؟ وتخوف منطقي ؟ ام انه تنصحوني بالإبتعاد عن دراسة الطب ؟؟!

وانا صراحة قرأت كثير عن الطب, ومواد دراسته وغيره .. واعلم انه مآفي شيء مستحيل, لكن هل يعتبر طالب الطب مضغوط دائماً؟ ام في السنوات الأولى؟ وهل كثرة المواد تكون عائقاً للنجاح؟ ( ربما يكون تخوف من الفشل) فياليت احد يوجهني من هم يدرسون الطب حالياً ..

حتى يهنئ لي البال واستطيع ان اختار التخصص حيث ان اختياره يمثل نقطة لاعودة لي .

فرجاءً إفيدوني وافيدوا من هم في مثل حالتي .

لكم تحياتي

اخوكم
لامارتين

أنا مثلك تقريبا لكن عندي الاستفسار الأهم

وين أفضل الدول لدراسة الطب الآن؟

مع العلم إن برنامج الابتعاث محدد الآن بـ 6 دول أوربيّة

وكلها دول لا تتكلم الإنجليزية كلغة أصلية

شوف اخوي


انا لسى ناويه ادرس الطب وبصراحه اعشق شيئ اسمه طب واتمنى اني اكون جراحه كبيره في السعوديه واتمنى من ربي يوفقني

..يس ترى الطب يبغاله سعه بال وتحمل واذا انت ما تحب هالشيئ ما انصحك به عشان لا تضيع سنين عمرك

وبعدين انت شوف ايش هو طموحك انت ايش ناوي تسير في المستقبل لا انا ولا غيري نقدر نختار لك هالشيئ بس انت ..انت وحدك

اجلس لوحدك وفكر واستخير ربك ...و اذا انت تشوف انك قدها وقدود وارتحت بعد الاستخاره

توكل على الله....

وسأل الله لك التوفيق ولجميع الطلاب

طبعاً التخصص ومستقبلك هذا شيء محد يقدر يحدده إلا أنت حسب رغبتك وميولك

بالنسبة لصعوبة الدراسة فهذا شيء طبيعي كل التخصصات العلمية تكون صعبة , لكنها ستكون ممتعة بالنسبة لك إذا كنت راغب فيها , وأكيد المواد كثيرة والتعب واجد والضغط كثير خصوصاً في السنوات الأولى , لكن بالجد والإجتهاد والرغبة وتنظيم الوقت ما راح تواجه أي مشكلة بإذن الله .

كون إنك ما تحب الجراحه ولا التشريح أنا مدري وش تقصد بالضبط , لأنه في أول سنتين في الكلية لازم تدرس تشريح ولازم تدخل المشرحه وتشوف جثث وتدرس عليها , طبعاً مافيه أحد من الطلاب يحبها ههههههههه لكننا تعودنا ومع الأيام تصير شيء طبيعي وتركز في المعلومات والدراسة أكثر

بالنسبة للجراحة راح تدرسها مرتين في الكلية , وراح تاخذ دورة 3 شهور في الإمتياز , طبعاً أنت مطالب فيها تعرف المعلومات الأساسية في الجراحة والأمراض الجراحية والي أغلبها معلومات نظرية , وتدخل غرف العمليات تشوف وشلون الجراح يشتغل ... طبعاً إذا ما كنت تبي تتخصص جراحة راح يكون آخر علمك فيها في الإمتياز ثم معد تمر عليك

لكنك تدرسها فقط عشان تاخذ فكره عنها وتفهم المعلومات النظرية الأساسية فيها