افتقر إلى التوجيه

السلام عليكم ورحمة الله وبركاته
كيف الحال ,,,
طبعاً هذا اول موضوع لي بالمنتدى
وارجوا التفاعل لتعم الفائدة ...
انا الحين ادرس ثالث ثانوي
نسبتي الحمد لله 99 بثاني
وانا ناوي ادرس طب اعصاب
بالخارج على حسابي الخاص
ان شاء الله ,,,
ولكن عندي عدت اسألة وياليت تساعدوني
1- هل امريكا تقبل طب باكالريوس لسعوديين
2- إذا كانت تقبل وش افضل جامعة ممكن ادرس فيها
3- إذا كانت ماتقبل وش افضل دولة لدراسة الطب

وعليكم السلام ورحمة الله وبركاته ,,,

أول شيء الله يوفقك وشد حيلك وان شاء الله تصير اللي تبي تصير ( مع انك تبي الأعصاب واللي اسمعها انها عفسة ,, امزح معاك ) المهم أنا بشرشح لك موضوع الطب في أمريكا من بحثي ( اخوك كان يبي الطب في أمريكا مثلك وبحث عنها وشرشحها ) ,, وأول شيء ابي اقوله لك ,, وما أبي احطمك ,, الطب في أمريكا ,, صعب ,, مو بس من ناحية الدراسة ,, صعب تحصل لك قبول في أي جامعة طبية في أمريكا ,, يعني أول شيء نظامهم يختلف عن باقي الأنظمة ( عدا كندا عندهم نفس النظام ) فأول شيء ما يحق لك كخريج ثانوية بأنك تقدم على كلية طبية في أمريكا ,, راح يرفضوك ,, يعني أول شيء لازم تسويه هو أنك تروح لأمريكا وتدرس علوم طبية ,, او اي تخصص ثانية يتم فيه دراسة الأحياء والكيمياء والأحياء العضوية ,, وتاخذ فيه البكالوريوس ,, وبنسبة عالية ,, غالباً يبون 3.5 من 4 ,, وبعد ما تخلص من هالموضوع ,, تاخذ لك إختبار اسمه MCAT مطلبو من الكليات الطبية ,, هذا الإختبار عزك الله لازم تجيب فيه برضو نتيجة عالية ,, غير كذا لازم تكون قد سويت خدمات تطوعية ,, يعني حط مع ملفك اللي بترسلة للكلية الطبية شهادات حق خدماتك التطوعية ,, ولازم تكتب لهم Essay تشرح فيها أسباب انك تبي تصير طبيب ,, الحين اذا صار عندك كل هذا أنت صرت مؤهل للدخول في المفاضلة للقبول بالكليات الطبية في أمريكا ,, وهنا تجي أكبر مشكلة أمامك ,, ففي عام 2001 كان عدد المقدمين ( اللي انطبقت عليهم الشروط ) 34,859 أنقبل منهم فقط 17,456 ,, لكن المحطم هو أنه بين بين هالمقبولين 230 طالب أجنبي غير أمريكي فقط ,, يعني الأولوية للأمريكيين في الجامعات الطبية الأمريكية ,, بمعنى آخر ,, هو انك لما تبي تخش الجامعات الطبية الأمريكية ,, لازم تنافس كل المقديمن الأجانب من كل العالم وانت تعرف بأن أمريكا مقصد للدراسة من كل العالم ,, فراح تنافس كل العالم على تقريباً 230 مقعد للطب للأجانب ,, هذا الشيء اللي خلاني أشيل فكرة دراسة الطب من أمريكا ,, لأني ابي ادرس الطب لحبي للطب ,, مو علشان البلد ,, وان شاء الله رايح في المرحلة السابعة لأوروبا لدراسة الطب ,,

طبعاً بعد هالكلام ,, أنا ما أقول لك بأن المسألة مستحيلة ,, ولكنها صعبة جداً ,, وعلى هذا الأساس انا راح أجاوبك على أسئلتك واوضح لك بعض النقاط في حال انك لا زلت مصمم تدرس هناك ,, أول شيء أمريكا ما تعطي شهادة بكالوريوس طب ,, أمريكا تعطيك شهادة تعادل البكالوريوس اسمها MD وفي هذه الشهادة لازم تختار بعده أما مسار Internal Medicine وهو الطب الباطني أو تختار General Surgery وهي الجراحة العامة ,, وفيه شهادة ثانية ,, وهي أصعب ونادر الكليات اللي تمنحها واسمها DO ,, هذه تخولك ممارسة الطب الباطني والجراحة معاً ,, وفقط 7% من أطباء أمريكا يحملون هذه الشهادة ,, الآن على الأرجح راح تمشي انت مع الأغلب وتروح للـ MD ,, بعد ما تدرس 4 سنوات في كلية الطب ( و 4 سنوات قبل كلية الطب في واحدة من التخصصات العلمية ) راح تاخذ شيء يعرف بالـ Internship وهي مثل الإمتياز ,, فترة التدريب الأخيرة اللي بعد ما تتعداها ,, راح تاخذ شهادة طب وراح تكون طبيب عام ,, الآن انت تقول تبي طب الأعصاب ,, ما أدري أنت تبي طب الأعصاب نفسها الـ Neurology أو تبي الـ Neurosurgery اللي هي جراحة الأعصاب ,, لأن الأولى لازم يكون معاك MD ويكون اختيارك Internal Medicine ,, أما الثانية اللي هي الجراحة لازم تكون MD مع اختيارك لـ General Surgery ,, عموماً نفرض بأنك تبي الـ Neurology وهي طب الجهاز العصبي ,, هنا لازم تدخل برنامج للتخصص ,, هذا البرنامج اسمه الـ Residency وراح تكون مداوم في المستشفى ,, مو في الكلية ,, يعني تشتغل وتدرس بنفس الوقت وكل الدراسة تطبيقية ,, وراح يكون اسمك طبيب مقيم ,, هنا تختلف سنوات الإقامة من تخصص لآخر وبصراحة ما عندي علم بكم سنوات الأعصاب ,, بعد ما تخلص هالسنوات راح تتخصص في الشيء اللي اخترته ,, وراح يكون بعدها اسمك Attending ,, الطبيب المعالج ,, وراح تكون في قمة الهرم الطبي ,, انت الآن راح تكون طبيب والمسؤول الأول والأخير عن مريضك ,, وراح تتم معالجة المرضى بناء على أوامرك وما احد يتدخل فيها ,, واذا كنت في مستشفى تعليمي ,, راح تحصل غالباً بأنه راح يكون معك طلاب الـ Internship اللي جايين من الكلية الطبية وراح تكون مسؤول عنهم وبرضو راح تكون مسؤول عن الطلاب الثانيين اللي اختارو نفس التخصص في سنوات الإقامة وراح تقيمهم انت ,,

هذا بإختصار ملخص رحلة الطب في أمريكا ,, معقدة ومتعبة ولكنها راح ترفعك فوق ,, وشهادتك راح توصلك فوق السحاب ,, بالنسبة لي أنا بنفس وضعك من اصحاب الـ 99% وتخرجت وقدمت على المرحلة السابعة ,, لكني ما حبيت أروح لأمريكا لأني ما ابي امشي مع الإحتمالات واخاف أجيب نتيجة ما تؤهلني لدخول كلية الطب في أمريكا ,, ويضيع حلمي بالطب ,, فلذلك قررت أروح لأوروبا ,, وآخذ شهادة بكالوريوس الطب من هناك ,, وبعدها أقدم على اختبار البورد الأمريكي وهذا أهم من البكالوريوس ,, واذا تبي نصيحتي ,, انصحك تسوي مثلي ,, وكمان انصحك من الحين بأنك تقدم على إختبار IELTS للغة الإنجليزية وتجيب نتيجة 5.5 علشان ما يصير تعقيد بقبولك بكلية طبية ,, والله يوفقك

دعواتي لك بالتوفيق

مشكور اخوي وماقصرت
كفيت ووفيت ...
بس انت وين بأوروبا
بأي منطقة بالتحديد
وياليت لو تنزلي افضل
الجامعات هناك
وكيف الاسعار هناك
عذبتك معاي لكن تحملني

وأنا اخوك ترا انا لسه ما درست برا ,, أنا من المقديمن على المرحلة السابعة وانتظر الترشيح النهائي ومن بعدها أكمل الإجراءات وأسافر ,, وأتوقع بأني ان شاء الله راح انقبل في بولندا ,, شخصياً كنت مقدم على إيرلندا ,, لكن المقدمين على إيرلندا كثيرين ,, وأغلبهم يحملون شهادة IELTS ,, وشهادة سنة تحضيرية ,, وأنا لا احمل اي واحدة من الأثنين ( هذا الأسبوع اختبرت IELTS , والنتيجة الأسبوع اللي بعد الجاي ) يعني أول نصيحة مني لك ,, اختبر IELTS وجيب نتيجة عالية علشان يقبلونك بأي بلد في أوروبا تختاره وما يحولونك ,,

وحالياً انتظر النتيجة النهائية للترشيح ,, وان شاء الله رايح على بولندا ,, والحمد لله سويت شوية بحوث حول البلد ,, جامعاتها راقية ومعترف فيها حتى في أمريكا ,, ومتطلبات الجامعة في القبول منطقية وبعدية عن التعجيز ,, وأنا اتمنى أني انقبل في Medical University of Warsaw ,, أو في Medical University of Lublin ,, وكلهم جامعات طيبة ومعترف فيها ,, وفيه كثير من الطلاب الأجانب اللي يجون من بلدانهم للدراسة فيها , حتى من أمريكا ,, ولكن أغلبهم يكونوا من الدول الإسكندنافيه ( النرويج والسويد وربعهم ) ,, وكمان فيه عدد من الطلاب السعوديين ,, اللي طمنوني بأن الشعب مثل اي شعب بالعالم فيه الشين والزين ,, ولكنهم طيبين بصفة عامة ,, وتكلفة المعيشة مقبولة ,, وبشكل عام ارخص من باقي الدول الأوروبية مثل إيرلندا وهولندا ,, وبالنسبة للقبول ,, اغلب الجامعات تاخذ برنامج 6 سنوات ,, بدون الإمتياز طبعاً والنظام بشكل غالب راح يكون أنك تخضع لإختبار باللغة الإنجليزية حول الكيمياء والأحياء والكيمياء الحيوية ,, وهذا الإختبار اللي ماخذ له سنة تحضيرية يعديه بالراحة ,, ولكن لنقل حدث السوء وما عديت الإختبار ,, لا تخاف ,, اذا فشلت في تعدية الإختبار راح يتم تحويلك لدراسة سنة تحضيرية ,, وبعد ما تدرس السنة التحضيرية راح تقدر تخش الجامعة على طول وتبدأ دراسة الطب ,, طبعاً واحدة من الشروط هو انه يكون عندك لغة انجليزية ,, يعني تجيب 5.5 في اختبار IELTS ,, وإن شاء الله مقدور عليها ,, خصوصاً بأنك راح تدرس في معهد لغة قبل الدراسة في الجامعة وراح تقدر تجيبها ,, يعني بالنهاية راح تكون محصلتك سنة لغة + 6 الى 7 سنوات دراسة جامعية ( 6 بدون تحضيرية و 7 مع التحضيرية بناء على مستواك في اختبار القبول ) وأخيراً سنة الإمتياز اللي تقدر تاخذها في واحدة من المستشفيات هنا بالسعودية أو في بولندا نفسها ,, يعني حصيلتك الدراسية راح تكون 9 إلى 8 سنوات علشان تكون دكتور رسمياً ومن بعدها تبدأ في عملية التخصص حسب ما تحب ,, والله يوفقنا جميعاً

مشكور اخوي وبيض الله وجهك
وإن شاء الله اردلك الجميل
وياليت اخوي لو يكون بينا تواصل
إذا ماعندك مانع عشان لما اروح
هناك إن شاء الله بتكون عندي
بعض الاستفسارات
وتسنعني هناك <<< والله النشبه
لأنك بتصير سابقني بسنة
وعندك معلومات ولغة
وارجع اقولك شكراً

أبداً وانا اخوك ,, يشرفني ويسعدني اني افيدك ,,, واذا حاب تتوصل معاي ,, اغلب وقتي على الفيس بوك ,,,

Ahmed Al Dawsari | Facebook

,, ضيفني واي شيء بمقدوري ,, انا حاضر

تمسك بحلمك وستصل بإذن الله ..

دعواتي لك

>> فكر في بلد الإبتعاث مره ثانيه هع

اقتباس:

---

المشاركة الأصلية كتبت بواسطة Me The Man

وعليكم السلام ورحمة الله وبركاته ,,,

أول شيء الله يوفقك وشد حيلك وان شاء الله تصير اللي تبي تصير ( مع انك تبي الأعصاب واللي اسمعها انها عفسة ,, امزح معاك ) المهم أنا بشرشح لك موضوع الطب في أمريكا من بحثي ( اخوك كان يبي الطب في أمريكا مثلك وبحث عنها وشرشحها ) ,, وأول شيء ابي اقوله لك ,, وما أبي احطمك ,, الطب في أمريكا ,, صعب ,, مو بس من ناحية الدراسة ,, صعب تحصل لك قبول في أي جامعة طبية في أمريكا ,, يعني أول شيء نظامهم يختلف عن باقي الأنظمة ( عدا كندا عندهم نفس النظام ) فأول شيء ما يحق لك كخريج ثانوية بأنك تقدم على كلية طبية في أمريكا ,, راح يرفضوك ,, يعني أول شيء لازم تسويه هو أنك تروح لأمريكا وتدرس علوم طبية ,, او اي تخصص ثانية يتم فيه دراسة الأحياء والكيمياء والأحياء العضوية ,, وتاخذ فيه البكالوريوس ,, وبنسبة عالية ,, غالباً يبون 3.5 من 4 ,, وبعد ما تخلص من هالموضوع ,, تاخذ لك إختبار اسمه MCAT مطلبو من الكليات الطبية ,, هذا الإختبار عزك الله لازم تجيب فيه برضو نتيجة عالية ,, غير كذا لازم تكون قد سويت خدمات تطوعية ,, يعني حط مع ملفك اللي بترسلة للكلية الطبية شهادات حق خدماتك التطوعية ,, ولازم تكتب لهم Essay تشرح فيها أسباب انك تبي تصير طبيب ,, الحين اذا صار عندك كل هذا أنت صرت مؤهل للدخول في المفاضلة للقبول بالكليات الطبية في أمريكا ,, وهنا تجي أكبر مشكلة أمامك ,, ففي عام 2001 كان عدد المقدمين ( اللي انطبقت عليهم الشروط ) 34,859 أنقبل منهم فقط 17,456 ,, لكن المحطم هو أنه بين بين هالمقبولين 230 طالب أجنبي غير أمريكي فقط ,, يعني الأولوية للأمريكيين في الجامعات الطبية الأمريكية ,, بمعنى آخر ,, هو انك لما تبي تخش الجامعات الطبية الأمريكية ,, لازم تنافس كل المقديمن الأجانب من كل العالم وانت تعرف بأن أمريكا مقصد للدراسة من كل العالم ,, فراح تنافس كل العالم على تقريباً 230 مقعد للطب للأجانب ,, هذا الشيء اللي خلاني أشيل فكرة دراسة الطب من أمريكا ,, لأني ابي ادرس الطب لحبي للطب ,, مو علشان البلد ,, وان شاء الله رايح في المرحلة السابعة لأوروبا لدراسة الطب ,,

طبعاً بعد هالكلام ,, أنا ما أقول لك بأن المسألة مستحيلة ,, ولكنها صعبة جداً ,, وعلى هذا الأساس انا راح أجاوبك على أسئلتك واوضح لك بعض النقاط في حال انك لا زلت مصمم تدرس هناك ,, أول شيء أمريكا ما تعطي شهادة بكالوريوس طب ,, أمريكا تعطيك شهادة تعادل البكالوريوس اسمها MD وفي هذه الشهادة لازم تختار بعده أما مسار Internal Medicine وهو الطب الباطني أو تختار General Surgery وهي الجراحة العامة ,, وفيه شهادة ثانية ,, وهي أصعب ونادر الكليات اللي تمنحها واسمها DO ,, هذه تخولك ممارسة الطب الباطني والجراحة معاً ,, وفقط 7% من أطباء أمريكا يحملون هذه الشهادة ,, الآن على الأرجح راح تمشي انت مع الأغلب وتروح للـ MD ,, بعد ما تدرس 4 سنوات في كلية الطب ( و 4 سنوات قبل كلية الطب في واحدة من التخصصات العلمية ) راح تاخذ شيء يعرف بالـ Internship وهي مثل الإمتياز ,, فترة التدريب الأخيرة اللي بعد ما تتعداها ,, راح تاخذ شهادة طب وراح تكون طبيب عام ,, الآن انت تقول تبي طب الأعصاب ,, ما أدري أنت تبي طب الأعصاب نفسها الـ Neurology أو تبي الـ Neurosurgery اللي هي جراحة الأعصاب ,, لأن الأولى لازم يكون معاك MD ويكون اختيارك Internal Medicine ,, أما الثانية اللي هي الجراحة لازم تكون MD مع اختيارك لـ General Surgery ,, عموماً نفرض بأنك تبي الـ Neurology وهي طب الجهاز العصبي ,, هنا لازم تدخل برنامج للتخصص ,, هذا البرنامج اسمه الـ Residency وراح تكون مداوم في المستشفى ,, مو في الكلية ,, يعني تشتغل وتدرس بنفس الوقت وكل الدراسة تطبيقية ,, وراح يكون اسمك طبيب مقيم ,, هنا تختلف سنوات الإقامة من تخصص لآخر وبصراحة ما عندي علم بكم سنوات الأعصاب ,, بعد ما تخلص هالسنوات راح تتخصص في الشيء اللي اخترته ,, وراح يكون بعدها اسمك Attending ,, الطبيب المعالج ,, وراح تكون في قمة الهرم الطبي ,, انت الآن راح تكون طبيب والمسؤول الأول والأخير عن مريضك ,, وراح تتم معالجة المرضى بناء على أوامرك وما احد يتدخل فيها ,, واذا كنت في مستشفى تعليمي ,, راح تحصل غالباً بأنه راح يكون معك طلاب الـ Internship اللي جايين من الكلية الطبية وراح تكون مسؤول عنهم وبرضو راح تكون مسؤول عن الطلاب الثانيين اللي اختارو نفس التخصص في سنوات الإقامة وراح تقيمهم انت ,,

هذا بإختصار ملخص رحلة الطب في أمريكا ,, معقدة ومتعبة ولكنها راح ترفعك فوق ,, وشهادتك راح توصلك فوق السحاب ,, بالنسبة لي أنا بنفس وضعك من اصحاب الـ 99% وتخرجت وقدمت على المرحلة السابعة ,, لكني ما حبيت أروح لأمريكا لأني ما ابي امشي مع الإحتمالات واخاف أجيب نتيجة ما تؤهلني لدخول كلية الطب في أمريكا ,, ويضيع حلمي بالطب ,, فلذلك قررت أروح لأوروبا ,, وآخذ شهادة بكالوريوس الطب من هناك ,, وبعدها أقدم على اختبار البورد الأمريكي وهذا أهم من البكالوريوس ,, واذا تبي نصيحتي ,, انصحك تسوي مثلي ,, وكمان انصحك من الحين بأنك تقدم على إختبار IELTS للغة الإنجليزية وتجيب نتيجة 5.5 علشان ما يصير تعقيد بقبولك بكلية طبية ,, والله يوفقك

---

كلامك صحيح من ناحية صعوبة بكالوريوس الطب في أمريكا

أما من ناحية مسمى الشهادة
فالدرجة التي تمنح لخريج كلية طب من أمريكا بالفعل تسمى M.D.
Medical Doctor
لكنها تعني دكتوراة طبية أو دكتور في الطب وتعادل على انها بكالوريوس
دكتور في الطب - ويكيبيديا، الموسوعة الحرة

المتخرج من كلية الطب من جامعة الملك عبدالعزيز يعطى درجة MBBS
وهي تعني Bachelor degree in Medicine and Surgery
يعني بكالوريوس في الطب والجراحة

بالنسبة لل residency الأعصاب من 3 الى 4 سنوات
والزمالة من سنة الى 2
يعني، يلزمك 4 سنين بري ميد + 4 سنين كلية طب + 3-4 سنوات ريزيدينسي + 1-2 سنة زمالة (تخصص دقيق ) = 12 - 14 سنة لتصبح استشاري طب الأعصاب

بالنسبة لل residency جراحة المخ والأعصاب (سنة امتياز+ من 5 الى 6 سنوات)
وبعدها زمالة (حسب التخصص الدقيق)
يعني، يلزمك 4 سنين بري ميد + 4 سنين كلية طب + 5-6 سنوات ريزيدينسي + زمالة (تخصص دقيق ) = أكثر من 13 - 14 سنة لتصبح استشاري جراحة مخ وأعصاب

اقتباس:

---

المشاركة الأصلية كتبت بواسطة landmark

السلام عليكم ورحمة الله وبركاته
كيف الحال ,,,
طبعاً هذا اول موضوع لي بالمنتدى
وارجوا التفاعل لتعم الفائدة ...
انا الحين ادرس ثالث ثانوي
نسبتي الحمد لله 99 بثاني
وانا ناوي ادرس طب اعصاب
بالخارج على حسابي الخاص
ان شاء الله ,,,
ولكن عندي عدت اسألة وياليت تساعدوني
1- هل امريكا تقبل طب باكالريوس لسعوديين
2- إذا كانت تقبل وش افضل جامعة ممكن ادرس فيها
3- إذا كانت ماتقبل وش افضل دولة لدراسة الطب

---

List of medical schools in the United States - Wikipedia, the free encyclopedia

هنالك 133 كلية طب فقط في أمريكا تمنح شهادة MD

تخيل 133 في أمريكا كلها!
كم ياترى منها يقبل طلاب أجانب؟
وكم ياترى عدد المقاعد الموفرة للأجانب في تلك الكليات؟
وكم ياترى الطلاب الأجانب اللي راح ينافسوا على هذي المقاعد؟

نصيحة أخ لأخوه، اتخرج طبيب من أي مكان في العالم وتعال الى أمريكا للزمالة
أنت تبغى ترجع بلدك طبيب استشاري من أمريكا، ماراح تفرق معاك متخرج ببكالوريوس طب من جامعة في السعودية أو من كلية طب في أمريكا من ناحية الراتب والمسمى الوظيفي
اللهم تخرجك من كلية طب في أمريكا يجهزك لإختبارات الزمالة ويعطيك فرصة أكبر للقبول في برنامج زمالة
ولكن القبول في الزمالة في أمريكا لخريج كلية طب من السعودية أوغيرها ليس مستحيل

المصدر: http://www.mbt3th.us/vb/forum74/thre...#ixzz1dZk65xi6
حفاظاً على حقوق الكاتب نرجو عدم حذف المصدر مبتعث

اقتبس من كلام الدكتور فهد:
اذا كنت تنوي اكمال تدريبك في امريكا .. فأنصحك بدراسة البكالوريوس في اي مكان غير امريكا وذلك لـ:
1- يمكنك الحصول على البكالوريوس في اي جامعة معترف بها في النظام الامريكي في اي دولة . لأن البكالوريوس الطبي لا يمثل جزء كبير اثناء اكمال دراستك وتدريبك في امريكا. لأن كل خريجي الكليات الطبية الغير امريكية يخضعون لأختبار USMLE.
2- اختصاراً للوقت . فعند اكمالك الطب في السعودية او الاردن او البحرين مثلاً .. راح تنهي دراسة الطب في في وقت قصير وخاصة اذا كانت الجامعة العربية ستعترف ببعض مادرسته في جامعتك بالرياض . وايضاً اختصاراً لسنوات الغربة .
3- الملحقية السعودية في واشنطن تدعم السعودين الذين انهوا بكالوريوس الطب في التقديم على البرامج الطبية في امريكا .. ولا اعلم عن دعمها لخريجي بكالرويوس العلوم لأكمال الطب .

مايهمك في النهاية تدريبك الطبي من أين ! وليس مصدر شهادة البكالوريوس ..

اتمنى ان وضحت لك بعض الاشياء ...
وأي سؤال في الخدمة .. لكن اعذرنا على مسألة الوقت في الرد .. لأنها خارجة عن ارادتي
بالتوفيق

المصدر: بكالوريوس الطب في امريكا (التعليم الطبي في امريكا )
حفاظاً على حقوق الكاتب نرجو عدم حذف المصدر مبتعث