معلومات لجلب قبول كابلان الزماله الطبيه لطب الاسنان - امريكا - المرحله السابعه

بسم الله الرحمن الرحيم



السلام عليكم ورحمه الله وبركاته

تحيه طيبه وبعد،،


انا من طلاب المرحلة السابعة والموضوع هذا من سنه تقريبا او اكثر بس سويت عليه بعض التحديثات


اخواني اخواتي الاعزاء اولا نحب نبارك لكل من ترشح في برنامج خادم الحدمين الشريفين ونقول له الف الف مبروووووك

خلاصه تجربتي : من التقديم الى استخراج التذاكر






الخطوة الاولى : القبول من كابلن للغه و تحضير NBDE

المدن المتاحة هالسنة NBDE للطلبه المبتعثين


Boston
Detroit
Philadelphia
Houston



**** تحديث بتاريخ 19/12/2012 ***

جيني الي كانت مسؤله عن طلاب الابتعاث في كابلن تركت كابلن وحل محلها لوي والاخبار تقول ان جيني كانت احسن واسرع في التعامل اذا فيه اي تغيير رح اخبركم فيه


ممكن تراسلون ايميلي

lou.endoma@kaplan

او

emilie.omi@kaplan.com




انك طالب مبتعث من ضمن برنامج KAS8

ورح ترسلك ابليكيشن حق اللغه

وترفق التالي

صوره من جواز السفر (+جوازات السفر للمرافقين ان وجد)
صوره من الضمان المالي
الابليكيشن حق اللغه تحدد فيه وقت بدايه الدراسه

طبعا الان ماعد فيه جيني الي كانت موجوده في السنه الي فاتت بس انتو جربو
انكم تطلبون انهم يحطون قبول NBDE مع قبول اللغة

**اهم شي تقولها في الايميل انك رح تدرس NBDE
**لاتنسى تقول لهم يرسلون لك صوره من ال I-20 على الايميل عشان تحجز لك موعد في السفاره وتسدد السيفيس.
** لايتطلب منك انك ترسل رسوم التسجيل والبريد السريع لان الملحقيه تتكفل في ذلك.

بالنسبه للقبول في NBDE

المفروض تراسلون

MOHE.Admissions@kaplan.com




الرد جاني بعد يوم : تم استلام طلبك ورح اشتغل لك على ال I-20 والقبول

بعد اسبوع : جاني على الايميل صوره من ال I-20 لي ولزوجتي ويقول ان ال I-20 الاصلي ارسل الى الملحقيه.

كما انهم اعطوني ايميل الشخص الي رايح له الورق في الملحقية الي هو جمس مور jmoore@sacm.org

وفعلا بعد اسبوع جمس استلم ال I-20 وورقه القبول وارسلها ب DHL الي السعودية.
في خلال ثلاث ايام وصلت.


صوره من قبول كابلن

ملف مرفق 18511







الخطوه الثانية: الفيزا

اعتقد منتدى الخاص في الفيزا والتأشيرات فيه شرح مفصل عن الفيزا.
بس الي حبيت اقول انها ماتاخذ وقت تخلص تقريبا في يومين او يوم






الخطوه الثالثة والاخيره : اصدار قرار الابتعاث

رحت الرياض وجبت معي الاوراق المطلوبه
( واعتقد انك الان تقدر ترسلها على الوزاره بالايميل وهم يرسلون لك قرار الابتعاث )

وتعبي استمارة اصدار قرار الابتعاث الي موجوده في الموقع التالي

خطوات إصدار قرار الابتعاث وخطوات الحصول على تذاكر السفر

وتوقعها



تسلمهم للموظف وبعد تقريبا نص ساعة او اقل تستلم القرار ومن ثم تروح للطيار على طول تاخذ التذاكر.



******

تــــــــــــنـــــــــــــبـــــــــــــــيــــــ ــــــه


قرار الابتعاث لايصدر لك الا في حاله وجود

قبول من كابلن

او

قبول من مستشفى او مركز موصى به للزماله


********


وفي حاله الرغبه في دراسة اللغه في معهد غير كابلن

طلع ال I-20 والفيزا والسيفيس وقرار الابتعاث وكل شي على انك رايح كابلن

وهناك في امريكا تقدر تغير المعهد

حيث ان الوزارة لا تصدر قرار الابتعاث بموجب قبول لغه من اي معهد آخر

" الشكر الجزيل للاخ dr.dentist على التنبيه "





تحياتي لكم

واي استفسار انا تحت امركم

مرحبا اخوي مشكور على الموضوع ويعطيك الف عافيه .
الحمدالله اترشحت للمرحله السابعه زماله طب اسنان وسؤالي هل تنصحني اخذ في معهد كابلان انجليزي والكورسات تبع المعادله او اختار معهد ثاني وبنسبه لي كورسات ال NBDE ممكن اخذ مرجع وهو ال DESCK .
وسؤالي الثاني هل معهد لغه تابع للجامعه افضل او معهد ليس تابع للجامعه . وشكرا لك

الله يعافيك اخوي وياهلا وغلا

اولا : الف مبرووك الترشيح والى الامام ان شاء الله

بالنسبه لمعاهد كابلان للغه صراحه ما افتي لك فيها لان ماعندي خلفيه عنها بس الي اعرفه ان هم ممتازين في التأهيل لامتحنات التوفل والايلس وغيرها من الامتحانات.

وبالنسبه لل NBDE له مراجع كثير و relased exames وغيرها من المتيريال الي تساعد في الامتحان وكابلان ميديكل تعطيك اكسس لمراجع كثيره.

بالنسبه للسؤال الثالث صراحه انت اذا اللغه عندك تمام حضر للتوفل عن طريق اي معهد ممتاز وعديه واذا لسا انصحك تشوف معهد قوي في تدريس اللغه سواء تجاري او تبع جامعه لانك في النهايه تبي تعدي التوفل.

وطبعا كل الكلام الي قلت لك من اجتهادي وليس من تجربتي ولا اقولك انه كله صح 100% اكيد الي جرب وراح هناك له نظره اخرى.




تحياتي لك اخوي

اخواني اليوم جاني ايميل من Mr. Donn McKnight| International Admissions Advisor

ردا على سؤالي الي كان: هل لازم اختار معهد للغه في نفس المدينه الي فيها كلابلان ميديكل الي تعطي كورسات NBDE؟

وكان الرد كالتلي :


"If you want to take NBDE and you have to take both courses at the same time you must select an English language course that is taking place in the same city as the NBDE course"

يعني لازم تحتار معهد في نفس المدينه الي يتواجد فيها كلابلان ميديكال عشان تدرس الكورسين في نفس الوقت.

المدن الي متواجد فيها كابلان ميديكل الي يدرس NBDE

Boton
Chicago
New York
Philadelphia
San Francisco
Seattle
Washington DC
Atlanta
Brooklyn
Columbus
Coral Gables ولايه مقفله بسبب التكدس
Dallas
Detroit
Encino
Houston
Irvine
Newark, NJ
Pasadena
Pittsburgh
San Jose
Houston

تحديث "المدن الي بالاحمر هي الي تقبلها الوزاره بالنسبه للمبتعثين "


والي يحب يراسله يا جماعه هذا ايميله mohe.admissions@kaplan.com

والرجال ما شاء الله عليه سريع في الرد على الاستفسارات وهو نفسه الي يجيب لك قبول في كابلان ميديكل بس ارسله التالي:

- تعبي ال Application التسجيل وتبين الوقت الي تبدا فيه الدراسه.
- الضمان المالي
- صوره من الترانسكربت او كشف الدرجات ، او الشهاده
- صوره من الجواز

وهو رح يرسل لك الموافقه بالدراسه على ايميلك.

** كابلان ميديكل مالها دخل خالص في i-20 والفيزا ومافيزا. وزي ماقلت ال i-20 يجيك عن طريق معهد للغه.

اهلا
انا احد المبتعثين في المرحلة السادسة - طب اسنان،
سوف اتواجد هنا للرد على استفساراتكم ،،
لي تعليق بسيط بخصوص الضمان المالي، الوزارة ماراح تعطيكم ضمان مالي على كابلان، لكن انت عندك خيارين :
١- انك اذا كنت مستعجل وتبي امورك تمشي، ابدى راسل معهد كابلان من الان وقولهم اني مبتعث من وزارة التعليم العالي واعطيهم رقم ترشيحك او رقم قبولك في الابتعاث
وطبعا الجميع لازم يقدم على برنامج لغة انقليزية + NBDE حتى لو لغتك فوق الممتازة لكن لازم تسجل كذا.
الخيار الاول ميزته انك تختار مدينة الدراسة من المدن المتوفرة عندهم.

٢- انك تنتظر الوزارة يجيبون لك قبول في احد مدن كابلان وبعدها اذا ماعجبتك المدينه لازم تغيرها من السعودية وهالشي يحتاج وقت.


بالتوفيق،،

الله يبارك بعمرك و يعطيك الف عافيه يا دكتور يعقوب على جوابك ومجهودك وانشالله الله يوفقك يارب .
دينتيست مدام انتا سابقنا ياريت تخبرنا هل دخلت معهد كابلان ولا رحت معهد انجليزي واذا دخلت كابلان هل تدريسهم لي اللغه جيده و هل اخذت الكورسين الي هيا اللغه و NBDE . وياريت تطمنا هل حصلت قبول وكيف هل في صعوبه انو الواحد يحصل قبول مثل ما يقولو الناس .
واذا راح اختار معهد اعتمد على ايش اذا في اشياء ممكن تقولها مثل كثرة الجامعات في نفس الولايه الي فيها المعهد وبنفس الوقت عندها برامج لطب الاسنان

اهلا اخوي

بما انك في ميامي كنت ابي اسئلك اي معهد تنصح فيه لان حيران بين ثلاثه وهي Kaplan و ELS في جامعه Barry و معهد Open Heart كلهم عندهم برامج تحظير للتوفل

وابي اعرف كيف المعيشه في ميامي هل يكفي الراتب او لا طبعا اولا واخيرا ترجع لصرفيات الواحد بس كيف اسعار السكن لان شفت الاسعار للشقق سنقل روم من 1000 وان طالع

ودي اروح ميامي صراحه جوها يشجع وفيها جامعات ومعاهد ممتازه.

اعزائي كنت ناوي عل كابلان بس للاسف المعهد غير معتمد من قبل الوزارة فما اعرف ايش اسوي عشان موضوع تحضير ال NBDE
والان ارسلت اوراقي لمعهد انتراكس في مدينة تشيكاغو لقربة من معهد كابلان في حالة استطاعتي الحصول عل قبول NBDE في كابلان
وشكرا

اقتباس:

---

المشاركة الأصلية كتبت بواسطة dr_maher

الله يبارك بعمرك و يعطيك الف عافيه يا دكتور يعقوب على جوابك ومجهودك وانشالله الله يوفقك يارب .
دينتيست مدام انتا سابقنا ياريت تخبرنا هل دخلت معهد كابلان ولا رحت معهد انجليزي واذا دخلت كابلان هل تدريسهم لي اللغه جيده و هل اخذت الكورسين الي هيا اللغه و NBDE . وياريت تطمنا هل حصلت قبول وكيف هل في صعوبه انو الواحد يحصل قبول مثل ما يقولو الناس .
واذا راح اختار معهد اعتمد على ايش اذا في اشياء ممكن تقولها مثل كثرة الجامعات في نفس الولايه الي فيها المعهد وبنفس الوقت عندها برامج لطب الاسنان

---

حياك، انا لمن وصلت ميامي غيرت من معهد كابلان الى معهد FIU والتحويل جدا سهل مجرد وصولك للمدينة وطبعا اللي يبغى يدرس NBDE يقدر يدرس هالكورس في كابلان واللغة يكون في معهد آخر.

بالنسبة للقبول، يبيلك تجهز كل المتطلبات ( توفل + معادلة الشهادة + Personal Statment + CV
وتبدى تقدم على الجامعات، بعضها تقدم اون لاين والبعض الاخير عن طريق موقع PASS
والقبول بالنهاية مسائلة توفيق

اقتباس:

---

المشاركة الأصلية كتبت بواسطة Jeeqoub

اهلا اخوي

بما انك في ميامي كنت ابي اسئلك اي معهد تنصح فيه لان حيران بين ثلاثه وهي Kaplan و ELS في جامعه Barry و معهد Open Heart كلهم عندهم برامج تحظير للتوفل

وابي اعرف كيف المعيشه في ميامي هل يكفي الراتب او لا طبعا اولا واخيرا ترجع لصرفيات الواحد بس كيف اسعار السكن لان شفت الاسعار للشقق سنقل روم من 1000 وان طالع

ودي اروح ميامي صراحه جوها يشجع وفيها جامعات ومعاهد ممتازه.

---

بالنسبة للمعاهد انا انصحك بالUM or FIU
بالنسبة لاسعار ميامي، انا كنت في ميامي وحاليا في نيويورك وما اقول الا الله يعز ميامي من ناحية الاسعار الخيالية في نيويورك.
كنت ساكن في غرفتين وصالة ب ١٣٥٠ دولار
وممكن تلقى ارخص من كذا.
بخصوص انك متحمس لميامي بسبب الجامعات الممتازة اللي فيها، احب اقولك لا يوجد اي جامعة فيها طب اسنان في ميامي.