مساعدة عشر سنوات وانا اعاني... ساعدوني

السلام عليكم
ياجماعة صار لي عشر سنوات وانا معيد واحاول الاقي قبول وبالاخير جاني قبول السنة الماضية في برنامج زمالة في أحد تخصصات طب الأسنان الجراحية بأمريكا و أكملت سنة وطردني رئيس البرنامج بسبب تحيز وعنصرية يعني بعد ماعانيت ثمان سنوات اني مالقيت قبول جاء القبول وكان أسوأ تجربة بحياتي فعلا ما كانت دراسة كانت حرب. كنت اجيب ممتاز في المواد كلها الا المواد اللي كان ماسكها رئيس البرنامج كان يعطيني مقبول. الآن أنا باباشر عملي بالجامعة وودي ياخذوني لقبري ولا اروح ابشر بدون شهادة وانا خلاص منتهي فقدت الثقة في نفسي وفي الله حتى الزواج ماتزوجت لاني ما ظمنت نفسي عشان اظمن عائلة. أفكر اترك الإعادة لاني فعلا احس عمري ضاع وانا اطرد سراب وحظي اتعس حظ. نفسيتي أثرت علي وصرت فعلا وحيد ما لي حد الا ابوي حتى اهلي وبالذات أمي اتمنى ان تموت لأنها زادت الطين بله واثرت نفسيتي أيضا حتى على تفكيري صرت غبي بكل معنى الكلمة وماعاد أرغب شي في ذا الدنيا بس ابغى احفظ باقي الكرامة اللي عندي بحيث اني ما اطلب الناس الى ان ياخذني الموت مع ان علاقتي بالله صارت سيئة بعد ما انطردت وصرت اكرهه واخاف إذا مت يعذبني وينتقم مني وبس اصلي الآن عشان افتك شره وعذابه. افيدوني ايش اسوي لاني ما بغى أخذ وظيفة إدارية واكون محط سخرية الكل وفي نفس الوقت مابغى اشتغل هذي المهنة اللي نكبت حياتي لاني فعلا عفتها مدري انا مسحور ولا معيون. هل اقدر أجر اسمي على أجانب يستخدمونه لفتح عيادات أسنان هل الشركات لمواد الأسنان بتشغلني براتب معقول علما ان راتبي كمعيد تقريبا 16 الف بالبدلات ولو راحت ما بأخذ الا تسعة أساسي يعني مشابه للجندي وماكاني ضيعت حياتي في الدراسة. ساعدوني فين اقدم ويش رايكم صار عمري 36 سنه وماعاد فيه طاقة أو عزم اكلني هذا الموضوع بشكل ما تتخيلون. تكفون ابي فزعتكم حتى الدعاء ماعاد ادعي لأنه ما ينفع.