السلام عليكم ورحمة الله وبركاته
انا صراحة متابع المنتدى من زمان وقد افادني في اشياء كثيرة فجزاكم الله خير الجزاء ياخواني على الخدمات الي تسوها ....
اخوكم متخرج هذه السنة من كلية طب الأسنان ومخلص سنة الامتياز وحاليا جالس افكر في الدراسات العليا بس مادري في كم سؤال محيرني مالقيت له اجابة وتعبت وانا ادور على النت
1- ابغى اعرف ايش الفرق بين الزمالة والبورد والماجستير والدكتوراة في طب الاسنان ؟
2- انا سمعت انو المعدل مهم في قبولك للماجستير بس البورد مو مهم المعدل مثل اهمية دخولك لامتحان القبول فهل هذا الكلام صحيح؟
3-وفين افضل الماجستير او البورد خاصة انه معدلي العام جيد ؟
4 -وفي رايكم ايش افضل لو تاخد البورد السعودي اوا تاخد البورد من برا مثل الامريكي او الكندي ؟
5 - ولو اخذت البورد ايش حيكون المسمى الوظيفي اخصائي اوا استشاري ؟
انا عارف اني غثيتكم بأسئلتي بس والله محتاج هذه المعلومات هذه ضروري لاني حاس نفسي زي الضايع
فرجاء خاص الي عنده معلومة ومتاكد منها لايبخل بيها على وجزاكم الله الف خير
