رأيكم: دراسة ماجستير الإدارة الهندسية في أمريكا أو ألمانيا

السلام عليكم ورحمة الله وبركاته
ودي أخذ رأيكم عن دراسة ماجستير الإدارة الهندسية في ألمانيا و أمريكا، وعن الدراسة والحياة في البلدين بشكل عام.
وياريت تقترحون لي جامعات مناسبة في هذا المجال.

شاكر لكم على مروركم ووقتكم.

55 مشاهدة ولا أحد منهم عنده فكرة عن دراسة الإدارة الهندسية، أو فرق الدراسة والحياة بين أمريكا وألمانيا.
طيب لا زلنا بانتظار اللي يفيدونا بمعلوماتهم وخبراتهم.

روح أمريكا وانت مغمض!!!

أولاً: أغلب الشركات المنتشره في العالم منشأها امريكا

ثانياً: الاداره الهندسيه في امريكا متقدمه و فعاله وبتستفيد.

ثالثاً: ما راح تحس بضيق لأن كل الناس هناك يتكلمون الانجليزيه .. بعكس الالمان لو يعرف انجليزي ما يرد عليك إلا بالالماني وقتها بتتأزم نفسياً من البلد !

رابعاً وهو الاهم : ربعنا هنا اول ما تجيب طاري انك دارس في امريكا .. يعملون لك حساب غير عن البلاد الثانيه !!

نصيحتي لك إنك تستخير وثم تذهب للي ترتاح له نفسك

موفّق خير بإذن الله ....

شكرا أخي سلطان على مشاركتك وتفاعللك.
فعلا أنا أؤيد رأيك وخصوصا يوم بحثت عن تخصص الإدارة الهندسية ولقيت أن أكثر الجامعات المشهورة في مجالها في أمريكا. وفعلا شركات عالمية أمريكة كثيرة والدراسات والبحوث هناك في تقدم وتطور. وخصوصا في مجال اللغة راح استفيد في تطوير وممارسة الإنجليزي أكثر وما داعي ألماني ووجع راس.
كنت أفكر بألمانيا فقط من باب التميز عن الأكثرية اللي تروح أمريكا ولأنها متقدمة، ولكن أغلب ظني أني بكمل اتجاهي إلى أمريكا.

جزاك الله خير والله يوفقك ويسهل دربك ولجميع الطلبة ومن المبتعثين والمبتعثات.