عرض للطباعة
السلام عليكم
انا يا شباب قررت اني ادرس الهندسه المعماريه في ماليزيا (بكالوريوس طبعاً) ولمن دخلت على اغلب مواقع الجامعات الاقي انو تخصص الاركيتيكشر في قسم الفنون يعني (art ) فهل هذا هو التخصص العماره الي انا ابغاه ولا لأ يعنيفي جامعات ماليزيا مافي الا جامعه وحده الي حاطه الاركيتيكشر في قسم الهندسه اما بقية الجامعات في قسم الفنون
فياريت من الاعضاء الي عندهم خبره في هذا المجال يقولولي انو هل هذا هو المعماريه نفسها ولا لأ وشكرا:goof:
توكل على الله ,,,,,,,,,,,,,,
طبعا حتى في الجامعات الامريكيه في غالبها تدرس العماره في قسم الفنون art
الفنون مش زي ما احنا فاهمين في السعوديه (فنيه ورسم ومدري ايه) تسميه خطا
الفنون يعني انتا راح تتخرج فنان
توكل على الله
انا معماري
بالتوفيق
مشكور اخوي يوسف وما قصرت
بس هادي اخر سؤال : يعني اذا اتخرجت من القسم يكون وضيفتي اني اصمم بيوت وكذا صح ..
معليش اخوي اسألتي شوي غبيه لكن اعذرني انت عارف اني طالب وخايف
ومشكور مرا اخرى
شوف العماره مزاج وفن وفكر ويبيلها شغل ومو بسهله
ولمن تتخرج شغلها متعب بس حلو
وميزة المعماري ومافي اي تخصص في الدنيا مثله
انو تقدر تتخصص بعد ماتتخرج في اي مجال عمل
ازياء,ديكور تجاره مقاولات هندسه طبيه ,مشاريع,تمويل تطوير ,مواد بناء مصانع
كل شي
طبعا ونشوفك كدا بشمهندس كبير
بالتوفيق
امممممممممممممم
انا كمان مهندس معماري و اعتقد فيه فرق بين التخصصين ترى !!!
يعني فيه مسمى Architecture
و ثاني اسمه Architectural Engineering
الاول الي هوا عماره بيكون اقرب للفنون و الدراسه تعتمد بشكل كبير على التصميم مع اظهار الشكل الجمالي للمباني و تقدر تتخصص بمجال الديكور و غيره
اما الثاني الي هوا الهندسة المعمارية بيكون اكثر شي فيه تصميم مع التركيز على المساحات و حساب الكميات و عمل الجداول للكميات و لها مواد كثيره للهندسة المدنية
يعني انا لمن درست في الجامعه كانو يخيرونا بين التخصصين و انا اخترت الهندسة المعمارية لانها اشمل من الاولى من كل النواحي !
شوف انت ايش ميولك اكثر .. هيا كلها فيها رسم و ابراز للموهبه لكن اذا تحب الحسابات روح الهندسة المعماريه و اذا تحب الالوان و اظهار الواجهات و غيرها روح للعمارة و فيه جامعات كثيره تفصل بين التخصصين و لاحظتها في جامعات كندا اما في ماليزيا ما ادري عنها !
نصيحتي حاول تسال دكتور في اي جامعه للمعماريين و راح تستفيد اكثر
و ربنا يوفقك :)
اخوي يوسف ابغا اسالك انت ايش تدرس دحين ؟؟ بكالوريوس و لا ماستر ؟؟؟
و اذا كان ماستر ايش تخصصك ؟؟؟
انا ان شاءالله طالع ادرس في كندا الماستر في نفس تخصصي الي هوا Architectural Engineering
او اني احول على تخصص ال interior design لاني احب الديكور