استفسار الكثير يقدر يجاوبه لانه سهل
بسم الله الرحمن الرحيم
ياخوان انا فني طب طوارئ يعني بامفهوم العام بين الشعب السعودي (مسعف)
معي دبلوم من معهد اهلي بالرياض لمدة ثلاث سنوات
السوال انا ابي اواصل باكلوريوس في جامعة كريتن في نبراسكا
لاكن المشكله اني في الثانويه العامه قسم شرعي ونسبة 70%
يعني هل الوزاره راح تلحقني بالتخصص هذا وانا شرعي او لا
وهل الجامعه راح تقبلني مع العلم بانهم ارسلو لي ايميل يبون شهادتي
مترجمه وكذلك الضمان المالي لاكن ماني عارف هل الضمان المالي لابد انه
يبقى بالحساب على طول او انه اقدر اسحبه بعد ماخذ الضمان المالي
يعني واحد يبي يحتال هل يقدر يبي يتسلف ويحط بالحساب لين يقضي
شغله ويرجع الدراهم لاهلها اهل الخير او مايقدر على العموم على شان
مادوشكم هل اقدر اجتاز موضوع القبول والاتحاق بالبعثه وانا قسم شرعي
بالثانويه ومعدلي مثل ماقلت لكم فوق وهل التخصص مطلوب له علمي او لا
ولكم منى جزيل الشكر والعرفان
رد: استفسار الكثير يقدر يجاوبه لانه سهل
شكلي غلطان بالعنوان طلع السوال صعب جداا
بس ماتوقعت الى هذه الدرجه
رد: استفسار الكثير يقدر يجاوبه لانه سهل
اخوي دور واسطه بعد الله وكل شي يتسهل لإننا نسمع إن الإلحاق بيوقف
ومن ناحية الضمان اللي هو طالبينه الجامعه فهي شهاده بنكيه وليست ضمان مالي
فالشهاده تكون بالإنجلش كامله ويشهد البنك إن في الحساب مبلغ وقدره وأتوقع مايقل عن 32 الف دولار
واذا حطيت المبلغ بالبنك اليوم من بكرى يعطونك الشهاده وأتمنى تدور جامعه تعادل الدبلوم مع اني ما أدري هل هالدبلوم يتعادل أولا
والترجمه دور أقرب مكتب ترجمه قريب منك وزي ماقلتلك الواسطه وتأكد منه من ناحية الوزاره :)
وبالتوووفيق لك
رد: استفسار الكثير يقدر يجاوبه لانه سهل
هلا اخوي
اللي اعرفه انا الوزاره مالها شغل في التخصص طالما الجامعه قبلتك
واما مسألة الضمان فهي مررره سهله كل اللي عليك تحط في حسابك مبلغ لايقل تقريبا عن تسعين الف وتاخذ من البنك شهاده مترجمه بحسابك وبعدها اسحب الرصيد مو مشكله
وبالنسبه للتحويل على حساب الدوله
بالفعل مشددين على هالمسأله مايحولوك تغريبا الا أذا أجتزت المعهد بمعدل كويس وجبت قبول للجامعه
وموفق أنشالله