سعر لتر البنزين

:drive2:اخواني المتواجدين في امريكا والي عنده سياره

انا رايح امريكا وانا طالب مبتعث في ولاية اوهايو
وابغا اشتري سياره لكن خايف من اسعار البنزين وكم سعر التر والصيانه كيف غاليه

افيدونا يا اصحاب السيارات

هنا يحسبون بالجالون والبنيزم عندهم ثلاث انواع ارخصها بيكون الجالون بسعر 2.80 دولار ترقيباُ


زوجي سيارته فل بحوالي 40دولار

وكل ما ارتفع سعر البرميل بالخليج ارتفع بامريكا


وبالتوفيق

اخوي وترى الجالون تقريبا 4 لتر الا كم ملي والله اعلم

الآن قريب جداً من 3 دولار للجالون في بعض المحطات والبعض الأخر تجاوز 3 دولار للجالون طبعاً أقل نوع في البنزين هنا في أمريكا . الجالون تقريباً يساوي 3 ونصف اللتر .

ولكن الولايات تختلف في التسعيرة فيما بينها فهناك ولايات أرخص في البنزين من غيرها وكذلك المحطات تتختلف اسعارها عن بعض فقد تلاحظ محطتين وقود بالقرب من بعض ولكن الاختلاف ان سعر البنزين اقل في محطة من المحطة الأخرى .

اذا وصلت ان شاء اللة تبحث في منطقتك عن ارخص محطة للوقود وتصير تعبي منها اسبوعياً .

وبالتوفيق .

بارك الله فيكم جميعا
يختلف اسعار البنزين من محطه لمحطه ثانيه ليه ماعندهم حماية مستهلك هههههههههههههههههه

اقتباس:

---

المشاركة الأصلية كتبت بواسطة oHo

بارك الله فيكم جميعا
يختلف اسعار البنزين من محطه لمحطه ثانيه ليه ماعندهم حماية مستهلك هههههههههههههههههه

---

عندهم حرية حتى في الاسعاااار وهذا الشيء في صالح المستهلك .

بالنسبه للسياره..

تعتمد على نوع السياره اللي ناوي تشتريها.. موديلها وكم ماشيه..

الزيت عادة تغيره كل 3000 مايل وراح يكلفك بين الـ 30 إلى 40 دولار..

الأشياء الثانيه تختلف على حسب الولايه ونوع السياره.. الولايات اللي فيها مكسيكان كثير تكون شغل اليد أرخص عندهم.. عندنا مافيه مكسيكان.. فساعه عمل على سيارتك راح تكلفك 50 دولار..

يالنسبه لسعر البنزين يختلف من ولايه لثانيه.. والسعر مو ثابت.. فترة الصيف عادة يوصل السعر للذروه.. الصيف الماضي تعدى سعر الجالون 4 دولار.. بعدين نزل إلى أن وصل 1.80 دولار.. الحين قاعد يرتفع مره ثانيه وواصل عندنا إلى 2.80..

ااه بس على بنزين الاخضر والاحمر 91 و 95 25 ريال فل كامل

الله يرضى على ابو متعب بس

السيارات الامريكيه كيف مثل
الفورد -اليوكن -الجيب
والمرسيدس كيف

ونت زعلان ليه يا الهلالي
الي يعرف يرد
هذا المنتدى للاسئله وخدمة الجميع
والي ما يفهم لا يتفلسف يا الهلالي

سيارت زوجي بالسعوديه يعبيها ب 25 الى 28 اريال وهنا نفس السياره يعبيها ب 38 الى 40 دولار

فيه فرق ولا نفس الشيء؟؟؟

بارك الله فيك يا اخت فوز
وسهل الله اموركم ورحم الله والديك

السلام عليكم,,


والله يا أخوي اشوف سؤالك مهم جداً جداً وهذا موقع يجيب لك أسعار البنزين في امريكا
//
>>هنـــــــــــــــــــــــــــــــــــــــا<<

طريقة استخدام الموقع:
1-اختر اسم ولايتك
2-ادخل اسم المدينة او الرمز البريدي
3- ستظهر لك قائمة بمحطات البنزين التي في المنطقة والأسعار مرتبة من الأرخص الى الأعلى

ونصيحة خلي السيارة للضروري واللازم وايام الطقس يكون رديء وتحتاج مواصلات
واستمتع بالطقس الجميل(كل ولاية بيكون طقسها جميل طبعاً في بعض المواسم )
واركب دراجة ولا باص ولا امشي من باب التوفير
:D

أختي فوز
شوفي لو حولتي العملة من الدولار للريال بيكون الفرق//

40.00 USD

=

149.979 SAR

United States Dollars Saudi Arabia Riyals 1 USD = 3.74946 SAR 1 SAR = 0.266705 USD

وهذا الموقع اللي استخدمتة لتحويل العملات::
>>هنـــــــــــــــــا<<

اختي مسافر
اشكرك على تشريفك وقرائتك لموضوعي
وجزاك الله خير
الموقع الذي اضفتيه جدا رائع ويعطيك الف عافيه عليه
وردك شافي وكافي
و كثر الله من أمثالك وممن يهتمون لمساعدة الآخرين

أخي oho والله موضوع مهم و كان شاغل بالي من فترة بس قلت خليني لما يقرب سفري أطرح السؤال لكن سبقتني الله يجزاك خير و ريحت بالي من جهة هذا الموضوع.لأني أول مرة أعرف إنه البنزين عندهم بالجالون
و جزاكي الله خير مراقبتنا على هذا الموقع الرائع و الله مرة مفيد مو بس للأسعار و لكن لللإستدلال أيضاً

بارك الله فيك يا اخت محتاره
واشكرك لمرورك الطيب

هههههههههههههههههههههههههههههههههههههههههههههههههه هههههههههه
الحين يا هلالي انت تقول ليش تسالون عن البنزين ومسوي زحمه والشارع فاضي وتجي في نفس الموضوع وتسال عن الحلاق تعبت من الضحك

لا والطماطم بعد
ههههههههههههههههههههههههههه