عرض للطباعة
السلام عليكم ورحمة الله وبركاته
عند وصولي مطار واشنطون ونزولي الى المطار ماذا علي ان افعل وماذا يطلب مني
لأني رأيت برنامج يقولو انهم راح يسألوك وحاجات زي كذا وانا ظعيف بالانجليزي عرفتو ليش!!!فهل هذى صحيح؟؟
واذا كان فيه مترجمين!!!
وانا طالع على حسابي هل راح يقابلني احد منسوبي السفاره او القنصليه او الملحقيه هناك؟؟؟واذا فيه احد يقابل كيف احدد موعد وكيف اخليه يأتي للمطار؟
ولكم الشكر
أخوي بالنسبة للاجراءات هي كالتالي :
أولا : تمر على موظف الجوازات اللي راح يدخل معلوماتك و ياخذ بصاماتك و صورة لك , و أيضا راح يطلب I-94 اللي راح تعبيه في الطائرة بالاضافه لل I-20 اللي استلمته من المعهد او الجامعه . موظف الجوازات راح يسأل أسئله بسيطه كلها مطابقه للي في الفورم I-94 , يعني خل كلامك واحد و لا تسترسل . الشخص اللي أنا قابلته كان جدا خلوق و لا سألني الا وين بتدرس بس . بقي ملاحظه للي أول مره يجي امريكا - ولو انها جانيبه بس حلو الواحد ينتبه لها - و هي النظام يعني لما تصف سرا راح تلاقي خطوط بالارض لازم ما تتجاوزها الا لما أحد يطلب منك هذا يعطي أنطباع أنك شخص تحترم النظام .
ُنقطه ثانية يمكن ترد على سؤالك : وهي أن شركة الطيران هي المعنيه بك لين تتعدى الجمارك , يعني تلاقيهم هم اللي يرتبون ركاب الطائرة في السرا و هم اللي يترجمون بين الراكب و الموظفين , و تأكد أنها مشكلتهم مش مشكلتك أول ما توصل للموظف قول نو أنجليش , و قبله قول للموظيفين أنك ما تتكلم انجليزي و هم راح يدبرونك . انا اتكلم انجليزي و الرحله اللي كنت عليها مافيها شخص ما كان يتكلم عشان كذا ممكن الاخوان يفيدوك اكثر بس ياليت تقول انت حاجز على اي خطوط .
ثانيا : راح تستلم العفش و هذا شغله خطوط الطيران
ثالثا: راح توصل للتفتيش , هذا ثلاث اقسام ِِA , B , C الاول اللي ما راح تمر عليه لو انت تحمل جواز سعودي عشان كذا بتشوف شخص جنبه سير و فيه ناس واقفه سرا عنده ـ مش شرط - و فوقه حرف A في لوحه زرقا اول ما تشوفه راح تلاقي على يمينك غرفه فيها كراسي و قدام الكراسي كونترات , هنا B , C قبل توصل للتفتيش تأكد من الحرف اللي انت راح تتفتش عنده هل هو اي او بي او سي راح تلاقيه في الجواز على الورقه اللي دبسها موظف الجوازات , انا كتبه لي بقلم فسفوري يادوب يبين , انتبه لهالشي , لما توصل الغرفه حط عفشك على الجدار تماما حتى لو اضطريت تتاخر شوي , بعد كذا توقف قبل الخط المرسوم على الارض سواء امام حرف البي او السي و غالبا راح تكون بي , لحد ما يجي الموظف و ياخذ منك الاوراق اللي هي الجواز و I-20 و الورقه حقت الجمارك اللي راح تعبيها في الطائرة , ممكن يكون فيه شي ثاني انا ناسيه , و تستريح لين ينادون عليك , لما ينادون تجي للكونتر و هو ممكن يسألك و ممكن لا المهم تقوله انك ما تتكلم انجليزي , بعد كذا تمر على التفتيش ممكن تتفتش و ممكن لا .
رابعا: تدخل على صالة الواصلين و ولكم تو امريكا .
أهم شي أخوي لو راح توصل على خطوط غير السعوديه تاخذ عنوان الفندق اللي الملحقيه تنزل الطلاب فيه هناك راح تلاقي الشباب متعاونيين و راح يساعدونك .
من تجربه شخصيه الملحقيه ما راح تستقبلك في المطار لو جيت على غير الخطوط السعوديه , حتى لو راسلتهم من قبل . عشان كذا خلك محتاط .
هذا عنوان الفندق اللي الملحقيه تنزل الطلاب فيه
اكتبه في ورقه و اعطيه اي سواق تكسي راح يوصلك له تراه قريب جدا يمكن سبع دقايق في الزحمه , و جهز حدود العشره دولار .كود:45515 Dulles Plz, Sterling, VA
مايحتاج تحجز قبل لان الفندق مو ذيك الزحمه , وفيه فندق ثاني مقابله تماما . و هذا اللنك حقه .
Sterling Virginia hotels, Comfort Inn and Suites hotel near Washington Dulles International Airport, Sterling VA
أتمنى أكون أفدتك و لو عندك اي سؤال انا حاضر ..
بالتوفيق لك ,
يعطيك الف عافية بجد شي ممتاز
الله يعافيك اخوي
بس فيه مشكله عندي لو بياخذ البصمات
الابهام عندي الجلد مقشوع من مكانه ويبيله وقت علشان يلتحم ويمكن اسافر وهو ما التحم
فاوش يسونلي!!
وانا على الخطوط السعوديه
ولك الشكر
اخ qahtanias بالنسبه للفندق اللي ذكرته المتعاقد مع الملحقيه اللي عنوانه Dulles Plaza, Sterling, VA 45515
كم سعر الليله فيه اذا عندك علم الله يسلمك.
yousefusa1
لا تشيل هم راح ياخذون الاصابع العشر لو واحد نقص ما أظنها مشكله !! بعدين أنت توكل على الله و صدقني راح تلاقي الوضع في واشنطن اسهل مما تتخيل , و هذا واقع أنا شفته مش كلام , أهم شي الواحد يكون واثق بالله أولا ثم بنفسه . الشعب الامريكي حبوب في الغالب و الكل راح يساعدك لو انت طلبت المساعده , لا تستحي لو ماعرفت شي أسأل و راح تلاقي الجميع يخدمك . بعدين ما دامك على الخطوط السعودية , أن شاء الله أمورك متيسرة . مع العلم أني ما جربتها بس الشباب يمدحونها كثير .
أتمني لك التوفيق .
الشانز ..
حياك الله أخوي , بصراحه الفندق مش متعاقد مع الملحقيه , بس الملحقيه تنزل الطلاب فيه لأنه قريب جدا على المطار , و يوفر نقل من الفندق للمطار مجاناَ و هذا لصالح الطالب , طبعا زي منت عارف الطالب يحق له يختار اي فندق لانه هو اللي حيدفع في الاخير . بالنسبه للسعر الفندق أخذ علي ٧٢ دولار في الليله , بالنسبه لخدمات الفندق و اسعار الفنادق في العاصمه اعتبر المبلغ معقول . فيه عيب صغير أنه مافيه مطعم يعني لازم تتغدى و تتعشي برا الفندق أو تطلب ديليفري ـ خدمه توصيل - الاستقبال راح يساعدك بأرقام مطاعم توصل لو تحب . الشي الحلو فيه إن الافطار مجاني , من الساعه ٦ الي الساعة ٩ على ما أذكر .
تحياتي لك
يعطيك العافيه اخوي qahtanias
وجعله في موازين حسناتك
بالتوفيق انشالله
تسلم اخوي qahtanias ماقصرت الله يوفقكاقتباس:
المشاركة الأصلية كتبت بواسطة qahtanias
والله شوف هو سعره ممتاز بالنسبه للفنادق القريبه من الملحقيه بس مشكلته بعيد شوي اذا ماني غلطان سويت بحث في google maps ولقيته شوي بعيد وش رايك انت يعتبر بعيد ولا قريب كم دقيقه تقريبا يبعد عن الملحقيه
وصراحه كفيت ووفيت .
من ناحية البعد هو فعلا بعيد , يمكن ما يقارب الساعه الا ربع تقريبا عن الملحقيه , بس الحلو في الموضوع أن الملحقيه توفر سيارة من الفندق هذا الى الملحقيه الثقافيه و العكس , يعني ماراح تخسر شي . غير كذا لو حبيت أنك تاخذ تاكسي من الملحقيه للفندق , راح يكلفك تقريبا حدود الاربعين دولار. و اتوقع أنك شفت كيف الاسعار حول الملحقيه مش اقل من مايه و عشرين دولار.
الله ييسر أمورك ,