وش الحل مع الكريدت كارد ؟ أي أفكار ؟

السلام عليكم،

المبتعثين اللي بأمريكا ، أول شئ مبارك عليكم رمضان و الله يعيننا عليه .. يا الربع ، أنا توني واصل أمريكا مالي كم أسبوع .. و وقفت لي سالفة الكريدت كارد، ما فيه أي طريقة ممكن يحصل فيها الشخص على كريدت كارد بدون SSN " سوشال سيكرتي نمبر " ..؟

أنا حسابي في Bank of America ورحت لهم قبل يومين، و سألتهم و قالوا ما فيه طريقة ممكن تحصل فيها على كريدت كارد بدون SSN ( ولو إني شاك في الموظف إنه يبغى يصرفني بس ) ..!

أنا أحتاج الكريدت كارد أكثر شئ في التسوق عن طريقة الإنترنت ، و برضو أحتاجها في شغلات ثانية .. أدري أن الديبت كارد تنفع ، لكن المشكلة إذا صار عندك أوفردرافت يأخذون الظاهر على كل عملية 35 دولار ، و كل خمس أيام يأخذون مدري كم .. يعني يقصون ظهرك! .. بينما الكريدت كارد تصدر لك فواتير .. أحسن بكثير خاصةً أوقات الطفرة!

أنا أقدر أصدر كريدت كارد على حسابي بالسعودية ، من بنك سامبا .. لكن ( سمعت ) أن بعض مواقع الإنترنت ما تأخذ إلا ببطاقات مصدرها أمريكا " مثل Apple store " .. أما مواقع مثل Amazon أو eBay تطلب منك أنك تربط حسابك بـ PayPal أو شئ زي كذا ، المهم أنها شغلة طويلة عريضة، هالكلام صدق ؟

والله يعطيكم العافية مقدماً ..!

شيل كاش وريح راسك صراحه حتى انا هالسالفه طفشتني

افضل لك انك تربط حسابك بالاي بي افضل لك من ناحية امنية وهي ببلاش

الكاش مهوب متعارف عليه بأمريكا..


لكن انا ابي اعرف الفرق بين الكريديت كارد والديبت كارد؟

يا حبيبي انت البطاقة الي اعطوك ايها اذا فيها كلمة فيزا على اولها وفيها بالخلف 3 ارقام تحت الرشيط الممغنط اعتقد انها تعمل عمل الكريديت كارد
والله اعلم

اذا مافيه افتح حساب في بنك فرست ناشونال ويعطونك البطاقة هي كريديت وهي دبيت وشكرا

من جد هالمشكله عويصه الله ييسر امرك يارب

والله انها شوي حوسه هالسالفة

انا بشيل معي كاش والباقي بخليه في حسابي في البنك الفرنسي وبسحب من هناك

الحين اذا بطاقة الصراف مكتوب عليها فيزا وورا اربع ارقام تعمل عمل الكريدت كارد

وهل كل الصرافات في امريكا فيها السحب بالبطاقة الدوليه

اقتباس:

---

المشاركة الأصلية كتبت بواسطة واتسبداه

الكاش مهوب متعارف عليه بأمريكا..


لكن انا ابي اعرف الفرق بين الكريديت كارد والديبت كارد؟

---

ديبت كارد :: هي بطاقة الصراف العادية
كريدت كارد :: هي البطاقة الإئتمانية مثل الفيزا والماستركارد وأميركان اكسبريس وغيرها

طبعا ميزة الكريدت كارد انك انك تقدر تشتري فيها وما تنقص القيمه من حسابك الا بعد شهر او مدة معينه 45 يوم
وميزتها انك تقدر تشتري من النت وتحجز في فنادق واذا تبي تستأجر سيارة تقدر تدفع قيمة تأمين عن طريق الكريدت
وفي أمريكا تقدر تشحن جوالك عن طريق مكالمه بالتلفون وتستخدم رقم الكريدت وما ياخذون عليها رسوم اضافيه

وأهم ميزه فيها بالنسبه لي الحجز بالفنادق
لأنك تقدر تستاجر في فندق بأمريكا وانت توك في السعوديه طبعا عن طريق موقعهم ويحجزون مبلغ Deposit عليك
لأنك اذا جيت تسكن في فندق يطلبون منك دفع Deposit بقيمة دبل قيمة الايجار
وهنا اذا بتدفع كاش راح يحجزون عليك مبالغ انت تكون محتاجها في سفرتك
لكن اذا معك كريدت كارد تقدر تخليهم يحجزون على Deposit ولما تنتهي فترة اقامتك يكنسلون الديبوزت من الكريدت وتدفع لهم بس قيمة السكن كاش او عن طريق الكريدت

ومشكلتها انهم لو جو يسحبون المبلغ بعد مدة معينه وما حصلو في حسابك المبلغ اللي يبونه. يزودون عليك القيمه :: يعني تدخل في الربـا : وطبعا نزل عليها حكم من الشرع بعد ما شافو ضرورة البطاقة خارج المملكة

وطبعا ديبت كارد اكثر أمان لأنها بطاقه عادية برقم سري


اتمنى اجابتي لك واضحه وما دوخت راسك من كثرة الكلام :)

بالتوفيق لك :)

أعرف كثير من الشباب مسجلين في PayPal ورابطينها في بطاقات مصدرة من السعودية

فيه بعض الشباب هنا يحسبوني اتكلم عن كيف اشيل فلوس معي وانا مسافر، هاذي مشكلة اللي مطفي انواره ويرد عالعنوان!

عموما، معقولة ما فيه احد يعطينا خبر اكيد؟

بنك اوف اميريكا يفتح لك حسابين شيك وسيفنق
الأول تحط فيه الفلوس وتسحبها من الصراف أو تشتري من المحلات
اذا صار رصيدك صفر وسحبت يطلع السيفنق بالسالب
وتقدر تسحب من السيفنق بالشيكات اللي يرسلها لك البنك وتسدد له بعدين.. بس طبعا فيها فوائط وربا
ونفس البطاقة حقت الصراف تشتري من النت زيها زي الفيزا

روح لبنك اوف اميركيا واطلب منهم سيكيوتي كلريديت كارد ... ويحددونها لك بداية بمبلغ خمسمية الى الف دولار وبعدها بفتره من الاستخدام ترفع الحد الائتماني الى مبلغ اكبر وعليها ...

لو عشان الشرا عن طريق النت ترا بانك اوف امريكا ممكن يعطيك بطاقه مخصصه للشراء اون لاين
انا استخدمها وماعليها اي رسوم
كل اللي عليك تبا تشتري كتاب مثلا ب 80 $ تحول ال 80$ من حسابك العادي للحساب التانى حق بطاقه الاون لاين وكدا مارح احد يسحب اي شي زيادة لكن هالطريقه ماتنفعك ايام الطفره بس تحميك من اي سحوبات زيادة

اقتباس:

---

ديبت كارد :: هي بطاقة الصراف العادية
كريدت كارد :: هي البطاقة الإئتمانية مثل الفيزا والماستركارد وأميركان اكسبريس وغيرها

طبعا ميزة الكريدت كارد انك انك تقدر تشتري فيها وما تنقص القيمه من حسابك الا بعد شهر او مدة معينه 45 يوم
وميزتها انك تقدر تشتري من النت وتحجز في فنادق واذا تبي تستأجر سيارة تقدر تدفع قيمة تأمين عن طريق الكريدت
وفي أمريكا تقدر تشحن جوالك عن طريق مكالمه بالتلفون وتستخدم رقم الكريدت وما ياخذون عليها رسوم اضافيه

وأهم ميزه فيها بالنسبه لي الحجز بالفنادق
لأنك تقدر تستاجر في فندق بأمريكا وانت توك في السعوديه طبعا عن طريق موقعهم ويحجزون مبلغ Deposit عليك
لأنك اذا جيت تسكن في فندق يطلبون منك دفع Deposit بقيمة دبل قيمة الايجار
وهنا اذا بتدفع كاش راح يحجزون عليك مبالغ انت تكون محتاجها في سفرتك
لكن اذا معك كريدت كارد تقدر تخليهم يحجزون على Deposit ولما تنتهي فترة اقامتك يكنسلون الديبوزت من الكريدت وتدفع لهم بس قيمة السكن كاش او عن طريق الكريدت

ومشكلتها انهم لو جو يسحبون المبلغ بعد مدة معينه وما حصلو في حسابك المبلغ اللي يبونه. يزودون عليك القيمه :: يعني تدخل في الربـا : وطبعا نزل عليها حكم من الشرع بعد ما شافو ضرورة البطاقة خارج المملكة

وطبعا ديبت كارد اكثر أمان لأنها بطاقه عادية برقم سري


اتمنى اجابتي لك واضحه وما دوخت راسك من كثرة الكلام :)

بالتوفيق لك :)

---

طيب..

يعني بالنسبة لـ حجز الفندق.. اقدر احجز فندق عن طريق الديبت كارد؟؟؟؟؟؟؟


انا سمعت ان الديبت كارد تسمى كريديت كارد صح هالكلام؟؟؟


وجزاك الله خير مقدما

اخوي طيب ماتعرف احد يستغل في بنك هنااااااا بالسعوديه يقدر يطلع لك ماستر كارد
انااااااا مسويه زي الاختRERO
طلعت ماستركارد مسبوقة الدفع اشحنهاااااااا واشتري عن طرق النت واحجز فنادق لماااسافرنا عن طريقها مره مريحه

ياشباب انا معاي بطاقة ماستر من البنك الاهلي وكويسه وممتازه ومرتبطه بحساب في السعوديه

اقتباس:

---

المشاركة الأصلية كتبت بواسطة Moayad

روح لبنك اوف اميركيا واطلب منهم سيكيوتي كلريديت كارد ... ويحددونها لك بداية بمبلغ خمسمية الى الف دولار وبعدها بفتره من الاستخدام ترفع الحد الائتماني الى مبلغ اكبر وعليها ...

---

يالغلا ، يعطيك ألف عافية!
500 دولار كافية بالنسبة لي .. بس ممكن تعطيني الإسم بالإنجليزي لا هنت ؟
لأني دورت لكن ما لقيت، أو بالأصح انحست من كثرتها!

بالنسبة لبطاقة الأهلي ماستر كارد ، أنا عندي وحده .. لكن مثل ما قلت لكم
ما تنفع أوقات الطفرة .. ولا هي مفيدة أون لاين .. و بعدين لازم تكون الفلوس
بحساب الأهلى السعودي و أحول من النت .. و شغله طويلة عريضة !

هلا بك اخوي
انا الله يسلمك حسابي في بنك chase وماخذ من عندهم كريديت كارد بدون SSN لكن مشكلتهم ما عطوني الليمت حق البطاقة الا 500 دولار فممكن هذا يكون حل لك بحيث انك تغير بنكك.
لكن قبل لاتسوي هالشي تآكد من فرع chase اللي عندك عشان لا تتوهق بعدين....يمكن تكون الدعوه بمزاج الموظف

حبيبي صاحب الموضع ،
المساله و مافيها ، بطاقتك اللي معك من بنك ( اوف ) امريكا ،
بطاقة فيزاء تحصل فيها مكتوب فيزاء ومعروف ، بنك اوف امريكا يطلعون اي واحد بطاقة فيزاء من يفتح حساب
حتى لو منت موظف وحتى لو ماينزل في حساب مكافئه شهرياً
لاني انا طلعت على طول وعطوني الفيزاء على طول وقالو نرسل لك على البريد بطاقة دبيت كارد
لذلك : بطاقة بأمكانك تشتري منها من اية موقع ، تمنياتي لك بتوفيق

اذا مشكلتك عشان تشتري اغراض من النت مثل كتب فيه طريقة افضل وأأمن من عمليات الاحتيال اللي قد واجهتها
الا وهي تشتري بطاقة من محلات الوول قرين مكتوب عليها فيزا بقيمة 100 دولار او اي قيمة
وهذي بتمشيك
بعدين افضل لك من الكريديت كارد
لأن من رأيي الكريديت كارد فقط وسيلة لبناء السوشيل تضبطه لا اكثر ولا اقل بس اذا تراكمت عليك الفواتير تروح فيها

يا حلت ديبت كارد متى ما تبقى تسحب على البنك تقدر تسحب ولا تدفع لهم ولا دولار اذا صارت سالب