محتاج نصيحتكم الله يوفقكم

اخواني وخواتي
السلام عليكم


انا عمري 31
وعمل عسكري وارتبي 9000 الاف ريال تقريبا

لدي دخل شهري اخر من اعمال تجاريه شبه ثابته ولله الحمد


ولاكن لم ارتاح في العمل وفكر ان استقيل او على الاقل ان اصبر حتى استطيع اكمل الخدمه النظاميه للتقاعد المبكر وباقي تقريبا اربع سنوات علما ان الراتب التقاعدي في هذا الحاله تقريبا 3000 الاف ريال

وحصلت فرصه الان ان اكون محرم وحصل على ابعثه علما ان فيه محرم موجود اساسا من قبل بس انا بسجل انا المحرم بسمي من اجل احصل بعثه


سؤالي

هل تنصحوني ان استقيل والتحق بالبعثه على ضروفي هذا والعمر


هل الدراسه صعبه وخصصا الغه عندي صفر والضروف الدارسه والحياه في امريكا بشكل عام

هل كمال بكالوريوس في امريكا في احد تخصصات الاقتصاد ممكن اجد مستقبل افضل وضيفه افضل وراتب افضل من راتبي الان


هل يشترط العمر في الحاق المحرم بالبعثه



علما لدي طموح و احب الدراسه ولاطلاع




تفكون انصحوني ولكم دعوه مني وكل واحد يقول الي في راسه وانا مسؤل عن قراري بس قول رايك تكون ساعدتني

الله يوفقكم جميعا وتعود سالمين غانمين فايزين في الدنيا والاخره

بحكم عدم سفريتي بس اذكر كم واحد من العيال قالو ان فيه ناس مبتعثين واعمارهم بالأربعينات وكذا يعني العمر ابداً مو شرط ولا يوقف قدام الطموح ..
وبالعكس هذا حماس منك والمفروض تكمل .. وموشرط تكون لازم وضيفه وراتب مميز يكفي انك حصلت على شهاده وعلم ولغه واكثر من كذا ..

الإقتصاد عموماً مهم وان شاء الله تلقى احد يفيدك بهالمجال ..

اما تعلم اللغه .. فأذكر لك واحد من العيال صفر بالانجليزي ومايعرف ابد .. حتى انه اذا وقفنا عند ماكدونلدز او هرفي مايعرف يطلب يقولي اطلب انت .. وراح سنه ورجع ماشاء الله احسن مني لغه وانا دارس سنتين ونص بالجامعه تخصص انجليزي .. وصار هو اللي يكلم لي الجامعات :) ..
فلاتتخوف ابد . وخل عندك الجرأه بالتحدث مع الأجانب او (international students) ..

والله يرزقك ويسهل دربك وكل مسلم ..

بالنسبة للعمر لاتهتم
اعرف ناس في الخمسينات تدرس وناس راح تتقاعد على الستين وناويه تكمل
فحتى لو تبي تكمل بعد التقاعد ما عندك مشكلة
الله يكتب لك اللي فيه الخير

يارجال اعرف واحد في الخمسينات راتبه تقريبا 45 الف في منصب في سابك

وهذا هو راح يدرس ماستر في بريطانيا

انا أعرف واحد عمره 90 ويدرس ماستر

من يزود :)