نبي نعمل استبيان للبنوك المفضله المستخدمه من طلاب امريكا
السلام عليكم و رحمة الله و بركاته
سؤالي بالنسبه لبطاقه ماستر كارد من البنك الاهلي مسبقه الدفع , وعندي بطاقه ثانيه من الاهلي اللي هي بطاقه الاجيال طلعتها لما كنت طالب بالكليه, السؤال المبلغ اللي ذكرته بالشهادة البنكيه مثلا 80 الف ريال , هل اخليها بحساب الماستر كارد مسبقه الدفع (و هذي البطاقه اول مرة باستخدمها فما ادري اذا ممكن استخدمها في السحب من الصراف او فقط للمشتريات من الانترنت) او اخليها بحساب بطاقه الصراف الاجيال ؟
لان كما هو معلوم لدينا يمنع حمل اكثر من 10 الاف دولار كاش الى امريكا .
وياليت كل واحد يكتب ايش البطاقه اللي معه اذا كانت من البنك الاهلي او اذا كانت ماستر كارد او فيرا ؟
بالطريقه هذي نعمل استبيان لاكثر بنك مستخدم من قبل الطلاب في امريكا بالنسبه للبنوك هنا و حساباتهم اللي ببنوك امريكا .
و شكرا لكم ,
رد: نبي نعمل استبيان للبنوك المفضله المستخدمه من طلاب امريكا
السلام عليكم ورحمه الله وبركاته:
انا مبتعث حكومي....وقبل مجيئي الى امريكا....كان لدي مبلغ 30 الف ريال اردت ان احمله معي الى امريكا .....فاستخرجت بطاقه ماستر كارد مسبقه الدفع من البنك الاهلي...وهذه البطاقه بالمناسبه تستطيع ان تستخدمها لمشتريات الانترنت...وكذلك ممكن تستخدمها للشراء من اي سوبرماركت او من اي محل تجاري....ايضا ممكن ان تستخدم هذه البطاقه كبطاقه صراف عادي ...لان البنك الاهلي سوف يزودك برقم سري للبطاقه مكون من اربع ارقام وبالتالي تستطيع ان تستخدمها كبطاقه صراف عاديه ......انا شخصيا وضعت ثلث المبلغ اذ كان بحوزتي بهذه البطاقه(10 الاف ريال)
ايضا وضعت مبلغ عشر الاف ريال في بطاقه صراف الاهلي العاديه
والمبلغ المتبقي العشر الاف الاخيره قمت بتحويلها الى دولارات وحملتها معي.....
يعني انا انصح انك تقوم بعمل نفس الشي ان تقوم بتوزيع الملبغ الذي لديك...الى ماستر كارد...وبطاقه صراف عاديه...ومبلغ كاش في جيبك .....
بالمناسبه بطاقات الاهلي سواء الماستركارد المسبقه الدفع او بطاقه الصراف العاديه يمكنك استخدامها في كثير من اجهزه الصراف في امريكا ....لان البنك الاهلي مرتبط باكثر من 6000 من اجهزه الصرف الالي بامريكا.......
لكن لكي اجيب على سوالك .....البنك الامريكي الذي كنت استخدم بطائق الاهلي من خلاله هو بنك PNC BANK وهذا موقع البنك الالكتروني www.pnc.com
وهو البنك الذي قمت بفتح حسابي الامريكي فيه......وهو من اشهر البنوك بولايه بينسيلفينيا....كون البنك تم تاسيسيه بولايه بينسيلفينيا.....التي ادرس بها....
هناك 8 الاف بنك تجاري بامريكا.....وال PNC BANK عاده ما يتم تصنيفه في المرتبه ال 16 على مستوى امريكا .
اتمنى اكون افدتك
بالتوفييييييييييييييييييق
رد: نبي نعمل استبيان للبنوك المفضله المستخدمه من طلاب امريكا
البطاقه العاديه لبنك سامبا .. على كل عملية سحب خارج المملكه ياخذون 35 ريال على السحبه الوحده
بطاقة الراجحي العاديه على كل عملية سحب ياخذون من 18 ألى 25 ريال .. يعني ارخص ..
انا اخذت بطاقة الراجحي وفيزا وكذلك صرافة الفرنسي وصرافة سامبا ..
عن الدنيا وأحواله .. وباخذ معي 2000 دولار كاش
رد: نبي نعمل استبيان للبنوك المفضله المستخدمه من طلاب امريكا
هالحين وش الفرق بين الفيزا والبطاقه العاديه <<ماتفهم شي واليوم يوم طلعت للبنك قالت لي اللي فيه ان عادي فيزا والا بطاقه عاديه كله واحد مافيه فرق كلها تأدي نفس الغررض <<هذا بنك الراجحي <<هل هو احسن من الاهلي والا الاهلي احسن امااانه قولوا لي وش ازين هالحييييييين؟؟ قسسسسسسسسم بالله محتاره
بحكم اني طالعه على حسابي يعني ما ابي احد يستغلني <<اللي يعرف امانه يفيددني
رد: نبي نعمل استبيان للبنوك المفضله المستخدمه من طلاب امريكا
اذا المبلغ كبير مثلاً 30 الف زي كذا روحي امريكا وافتحي حساب هناك في اي بنك وخلي اهلك يحولون المبلغ كله على حسابك هناك وكذا اصرفي على كيفك من دون ما احد يستغلك ولا يسحب منك ريال اقصد دولار ، اما بطاقه الصراف العادية خليها معاك اذا اهلك برسلوا فلوس يحطوا المبلغ في حسابك العادي بالسعوديه ومن هناك اسحبيه من الصراف عادي ...
رد: نبي نعمل استبيان للبنوك المفضله المستخدمه من طلاب امريكا
bamk of america ماااحبيتة ابد
اهم شي في السعودية سولك خدمة الانترنت و خدمة الهاتف المصرفي وتأكد من بطاقة الصراف متى تنتهي
وخلك بين حسابك وبين حساب الفيزا او الماستر كارد ربط عشان لو بغيت تحول ولا تحطها كلها في الماستر كارد لأن لا قدر الله وضاعت او انسرقت مالها رقم سري
وفيزا الطالب الأهلي كويسة
رد: نبي نعمل استبيان للبنوك المفضله المستخدمه من طلاب امريكا
اقتباس:
المشاركة الأصلية كتبت بواسطة the ambition
السلام عليكم و رحمة الله و بركاته
سؤالي بالنسبه لبطاقه ماستر كارد من البنك الاهلي مسبقه الدفع . ,
جدً ممتازة واستخدمتها في أكثر من دولة إنتهت ثلاث مرات وجددتها
افضل شي لا تحط المبلغ بالكامل فربما تضيع مثلا وتتورط ما تضمن الظروف
قبل لا تجي سوي خدمة الاهلي اون لاين وجرب تحول من حسابك الى بطاقة الماستر كارد مسبقة الدفع ...
وحول اي مبلغ الى البطاقة حسب حاجتك يعني 500 أو 1000 على كيفك
بس في البداية قبل لا تجي الى امريكا حول على الاقل 5000 ريال عشان الفنادق وخل معك كاش عشان الليموزين مثلا ...... واعتقد ما تحتاج كاش واجد وين ما تروح تقدر تستخدمها بالمشروات سوبرماركت . محطات بنزبن .فنادق . اجار شقق .جامعه .... بس اذا بتسحب كاش اسحب مرة وحدة عشان ما ياخذوا رسوم كل عملية سحب ... مو متأكد تقريبا 35 ريال كل عملية سحب .. لانى استخدمها دايم مشتروات ...
ولا تنسي تحتفظ برقم البطاقة والرقم السري ( وثلاث ارقام المكتوبة بالخلف )
بالتوفيق ,,,
رد: نبي نعمل استبيان للبنوك المفضله المستخدمه من طلاب امريكا
افضل طريقة مثل ماقالو الاخوان
اذا عندك فيزا حلوو لكن البعض يقول لازم فيزا انا اقول ماهو لازم فيزا
تقدر تجي بحسابك السعودي وتحط فيه مبلغ وتاخذ معك كاش يمشيك اسبوع اسبوعين
طبعا تصرف من الكاش البطاقة احتياط لاسمح الله
اول ماتوصل افتح لك حساب وحولها بالاون لاين في الانترنت من البنك من السعودية لامريكا ماخذت معي اكثر 48 ساعه
من اون لاين البنك الفرنسي
هذي الطريقة اللي انا سويتها واشوفها مناسبه للي ماعنده فيزا او ماستر كارد
رد: نبي نعمل استبيان للبنوك المفضله المستخدمه من طلاب امريكا
لا تنسى ان البطاقة المسبقة الدفع لا تتيح لك الفرصة في استاجار السيارة هذا ما حصل مع جيمع المبتعثين في مدينتنا واضطررنا نستاجر سيارات باسمائنا حتى يفتحون حساب وبعدين نثل العقد باسمهم بعد صور بطاقة البنك هنا في امريكا
رد: نبي نعمل استبيان للبنوك المفضله المستخدمه من طلاب امريكا
اقتباس:
المشاركة الأصلية كتبت بواسطة gator
لا تنسى ان البطاقة المسبقة الدفع لا تتيح لك الفرصة في استاجار السيارة هذا ما حصل مع جيمع المبتعثين في مدينتنا واضطررنا نستاجر سيارات باسمائنا حتى يفتحون حساب وبعدين نثل العقد باسمهم بعد صور بطاقة البنك هنا في امريكا
ما فهمت كيف يعني البطاقة المسبقة الدفع ما نقدر نستأجر بيها سيارة؟؟ ممكن مزيد من التوضيح؟؟
على فكرة حسب ما أعرف إنه البطاقة المسبقة الدفع ما تدفع عليها عمولات عند السحب من الصراف بعكس البطاقات الفيزا الثانية (مجرب الموضوع داخل السعودية وأعتقد إنه يتطبق خارج السعودية أيضا)
رد: نبي نعمل استبيان للبنوك المفضله المستخدمه من طلاب امريكا
نصيحة للجميع لااحد يشتري من النت ببطاقة البنك الرئيسه له
روحو اقرب فرع بنك بولايتكم واسالو عن الفيرتشول كارد وهي بطاقات بس للشراء عبر الانترنت
واهم شي قبل توقعون العقد اسالوهم في امكانية لاسترجاع المبلغ الي تحطونه بالبطاقه بحالة هونتو ماتبون تشترون من النت
.. :)
رد: نبي نعمل استبيان للبنوك المفضله المستخدمه من طلاب امريكا
افيدونا يا اهل الخبر
ومشكورين
رد: نبي نعمل استبيان للبنوك المفضله المستخدمه من طلاب امريكا
اللي أراه أن الماستر كارد مسبقة الدفع
من الأهلي حلوة وماشية مع أخوي
زي الحلاوة في استراليا
رد: نبي نعمل استبيان للبنوك المفضله المستخدمه من طلاب امريكا
من ناحية البنك السعودي انا نصحوني بحساب سامبا ويقولون كل ما تسحب ياخذون عليك كم دولار يعني يمكن 9
ومن ناحية البنك الامريكي الكل يقول اول ما تروح افتح حساب في بنك أوف امريكا يقولون زي الراجحي عندنا بالسعوديه :)
والله أعلم ....
رد: نبي نعمل استبيان للبنوك المفضله المستخدمه من طلاب امريكا
رد: نبي نعمل استبيان للبنوك المفضله المستخدمه من طلاب امريكا
عزيزي الغالي
عليك بالفيزا أفضل شيء انا عندي 3 فيز عندي فيزا الذهبية في البنك الفرنسي + الفيزا الذهبية في بنك ساب + الفيزا الفضية في سامبا وكانت عندي فيزا البنك الاهلي وجربتها بالصين ماضبطت معي كثير
عليك في الفيزا من الفرنسي أو ساب صدقني خدمات ممتازة
رد: نبي نعمل استبيان للبنوك المفضله المستخدمه من طلاب امريكا
رد: نبي نعمل استبيان للبنوك المفضله المستخدمه من طلاب امريكا
طيب الي بيروح على حساب الوزارة رح يحولون المكافات على البنك في السعودية
والا رح يحولون بامريكا لما افتح حساب؟
لو رحت هناك يفتحو لي حساب علطول البنوك ،، بدون فلوس والا لازم احط مبلغ ؟
ولازم فيزا كارد مافيه طريقة تعامل ثانية
رد: نبي نعمل استبيان للبنوك المفضله المستخدمه من طلاب امريكا
^
^
^
الوزارة تعطي المكافئه على البنك اللي في امريكا
بس انتي لازم تشوفين البنك المنتشره صرافاته في ولايتك
وبعدين تفتحين حساب عادي بدون ماستر كارد او فيزا
والبنك يعطيكي شيكات ترسلين شيك ملغي للملحقيه وهم يبدون يحولون لك على حسابك ولما تطلع البطاقه يبدأ ينزل الراتب طبيعي
بالتوفيق