المواد في ماستر ادارة اعمال

السلام عليكم ورحمة الله وبركاته
انا جاني قبول ماستر ادارة اعمال. سالت واحد امريكي عن التخصص قال مره حلو بس انو صعب يبغاله دراسه مو مشكله نذاكر احنا رايحين ندرس بس المشكله انو قال انه لازم تكونين جيده في الرياضات.. هنا البلشه لاني خريجة تحقيظ قران وبكالريوس ادب انجليزي يعني خبري بالرياضيات في ثالث متوسط. انا اللي بعرفه هل الرياضيات اللي في هذا التخصص تعتمد على اساسيات لازم اكون عارفتها من اول. انا هذا اللي خايفه منه بس لو انها قوانين مالها دخل بغيرها وبس يحتاج انك تفهمها مو مشكله. تكفون افيدوني اللي يعرف احد مثل وضعي يعني مايكون ماخذ بكالوريس ادارة اعمال او انه علمي في المدرسه ودرس ماستر ادارة اعمال يقولنا كيف الوضع لاني قلقانه مررررره.

انا كمان ابغا اعرف لانو انا تخصصي تغذية وبفكر اكمل ادارة اعمال
انا خايفة من الجيمات وهل ممكن امشي في التخصص ولا لا خصوصا انو البزنس في امريكا مرة مو سهل

افيدونا جزاكم الله خير

للرفع

-----
ودي افيدك بس مااعرف كثير عنه اهو فيه احصاء تقريبا زي الرياضيات بس على اسهل وله قواعد معينه مو مهم تكونين دارسه رياضيات كان عندنا ناس متخصصين في الاداره والمحاسبه وهم ادبي

مشكورين عالردود

مافي ولا احد يقدر يفيدنا تكفون
مشكور اخوي يس وي كان

التخصص يعبر شامل لكل مواد الادارة ومافيه تركيز على موضوع معين الدراسة تكون عامة وشاملة اساسيات كل مادة من مواد الادارة , والرياضيات تكون في مواد التأسيس ولا فيه تعمق واجد بالرياضيات
وطبيعة المواد تكون اقتصاد , ومحاسبة , ورياضيات , وموارد بشرية , ونظم معلومات ادارية , وتسويق , وتمويل , وانتاج
يعني مثلا الاقتصاد ماراح تدرسين فروع الاقتصاد مثل الاقتصاد الرياضي او القياسي , ونفس المثال ينطبق على الباقي
عموما الدراسة مافيها اي صعوبة وصديقي تخرج بكالوريس انجليزي ودرس ماستر ادارة اعمال
واتمنالكم التوفيق

تخصص ادارة الاعمال يدرسون احصاء وليس رياضيات...يعني المسائل الي تهتم بالنسبه المئويه والكم والعدد...يعني مو صعبه بس بالنسبه لي ما احبها...

اما بخصوص باقي المنهج والمواد فبتكون مركزه على البزنس وعمله ووضائفه....يعني كلام حشو يبغاله فهم وحفظ....ويبغاله لغه حلوه عشان راح تمر عليك مصطلحات جديده كثير...

اممم وبس...

بالتوفيق للجميع,,

هلا اختي الله يوفقك وييسر امورك ..

انا بتكلم لكي من وجهة نظري كطالبه محاسبه .. شوفي انتي العائق الكبير الي بيكون قدامك في البدايه هو اختبار الجيمات لانه شوي يبغاله اجتهاد >> بس صدقيني ناس زيك وقدرو يجتازوه يعني الناس الي اختبرت الجيمات وعدته مو احسن منك صح >> يعني تقدري لهذه النقطه ولله الحمد

ثاني شي ابتعدي عن التخصصات الآتيه المحاسبه والماليه والتمويل والتامين ..

واختاري احدى هذه الاقسام لقله الحسابات فيها >> التسويق والتجاره الالكترونيه

وفي النهايه صدقيني إذا شي في بالك وعندك هدف رككككككزي عليه الين ماتجتازيه

(إن تــكــن ذا همه تــصل للقمه )

واخيرا استخيري ربك
وتمنياتي لك بالنوفيق

afro alshareef وسفيرة السعودية روحوا الله يوفقكم دنيا واخرة مشكورييييييييييييين والله ياني ارتحت

طيب اخت سفيرة هل يعطوني كورسات عن الجيمات قبل ما اختبره والا كيف لاني في جامعه من الجامعات قعدت اقرا عن الجيمات وحاطين سامبل كوسشن قسممممممممممممم بغى يغمى علي بالذات اللي خاص في الرياضيات اللي هوا الكونتتف
u>s, t>s.... على فكرة هذا سؤال بعدين جايبين خيارات وش الصح والله طارت عيوني اش ذاااا حروف ورموز واش الصح
بعرف اقدر اخذ كورسات عن الجيمات قبل ما اختبره والا كيف؟ وشكرا

ايوة طبعا ..
يعطوكي دورات واختبارات ويعلموكي على طريقه الاختبار..
وتقدري تختبريه مره واثنين وثلاثه الين تجيبي علامه حلو ه زيك
بالتوفيق ان شاء الله...


دعواتك لي بالتوفيق وتيسيير اموري

الله يوفقك ويسعدك ويفرج همك ويسرلك امورك كلها

Good Luck Om Hisham !

you too brother thanks