عرض للطباعة
السلام عليكم ..؟؟؟
حبايبي انا مقدم على الفيزه من قبل اسبوعين يوم الأحد والحمد لله كل شروطهم وطلباتهم منطبقه علي بالتمام (الحمد لله )
يعني ما سافرت لاي دوله ممنوعه من اميريكا او لي سجل مشبوه (الحمد لله ) واللي خلاني افكر فيها كثير ومع انها ما تأخرت كثير بس قالي اللي في نفس السفاره اقصى حد للفيزه اذا طولت اسبوعين وانا لي الحين اسبوعين ويومين
قلت بس استفسار من حبايبي بالموقع اذا واحد تأخرت عليه الفيزه مو من فتره طويله فتره قريبه مني.
تحياتي لكم .....؟؟
اخوي انا كان مقابلتي بتاريخ 18/1
وكان كل شي تمام بس كان فيه نواقص وعطوني ورقه صفراء وقالوا كمل الاشياء الناقصه وارسلها لنا فديكس
كملت الاوراق الناقصه وارسلتها لهم بعدها باسبوع يعني بتاريخ 26 / 1 عن طريق الفديكس
وكل يوم اكلم فديكس واليوم ولله الحمد قالوا لي تعال استلم جوازك بكره تقريبا 3 اسابيع من المقابله
واللي اعرفه اذا تعدت 3 اسابيع ماوصلتك فيه ايميل ترسل له مشكلتك ويردون عليك
وبالتوفيق اخوي ..
يرجاااال لاتشيل هم وربي تنسااه لمدة يوووم ماتدري الإ فيديكس يدق عليكـ تعال إستلم جوازكـ وترى على فكرة فيه ناس قعدت فيزتهم 60 يوم يعني قل الحملله
على حسب تاريخ بداية دراستك ممكن تتأخر وممكن تجيك بدري
لكن لاتستعجل راح تجيك في الوقت المناسب ان شاء الله
اذا دخلت على موقع السفارة راح تلاقي لهم ايميل خاص فيهم اتواصل معاهم
راح يتم الرد عليك في اليوم التالي بالكثييييييييييييير
مثل ما قال الاخ اللي فوقي ممكن تتآخر عشان درااسك باقي عليها ..
او يمكن مثلي .. انا مقابلتي كانت فــ التاريخ 5 .. وطلعت الفيزـآ فـ 10 .. والفيديكس ماتصلو عليـ
فـ انا اتصلت عليهم فـ التاريخ 12من باب الفضااوه وقالو لي الفيديكس انو جوازك عندنا من يومين ..
يعني خيو موب شرط يتصل عليك الفيديكس انت اتصل :)
بالتوفيق :)
اقتباس:
المشاركة الأصلية كتبت بواسطة CERESTY
كلام سليم
وكذلك الرد اللي قبله
يارجال انت اسبوعين طيب
انا الان شهر
دقيت عليهم امس
قالو متى موعد دراستك ؟ قلت شهر 6
قالو خلاص بدري
لاتدور على فيزتك قبل شهرين من دراستك
واذا مستعجل بالجواز نرسله لك بدون فيزا تخلص منه وترسله لنا ثاني قبل موعد دراستك بشهرين
يعني حسب موعد دراستك
انا لان مقابلتي كانت 9/1/2010
وموعد دراستي 21/6/2010
فقالو مرة بدري اصبر الى شهر 4 وان شاء الله بيوصلك الجواز
يعني باختصار حسب موعد دراستك
اذا كان قريب دق عليهم وقول لهم مستعجل عليه قريب موعد دراستي ( بس من جد يكون قريب مو تكذب وتقول قريب وهو لسه باقي لان كل شي مسجل عندهم )
واذا مثل حالتي خلي الجواز ينام عندهم وبيجيبوه لك
وحاول تشغل نفسك الان بالسكن والبحث اكثر من المدينه اللي رايح فيها من ناحية الاماكن والمطاعم والمشاكل
وضبط وضعك
اتمنى اكون افدتك
انا استلت الفيزا بعد 17 يوم من استلمو الجواز
عآدي :)
آنآ مقآبلتي كآنت 2-2
يعني من آسبوع بآلضبط وهم قآلوآ لي بعد آسبوع تستلميهآ ومر آسبوع ولآجآت للحين --->> يؤ مرآآآ تأخروآ :D
يمكن آللخبطه وآلتأخير منهم عشآن موعد آلدرآسه فـ لآ تقلقوش :D
أنا أخوي مثلك بالضبط مقابلتي في نفس اليوم وقالوا لي بعد أسبوعين وإلى الآن أنتظر وأرسلت إيميل إلى القنصلية وردوا عليّ بأنه عندهم إجازة عشان فيه صيانة خلال الأربعة الأيام القادمة
الله يعينا على الإنتظار
أخوي لا تشيل هم
أنا مقدر وضعك لأني مريت فيه وكنت أسأل الطلاب مثلك وأقول لهم إن الفيزة تأخرت مع أن أوراقي كلها تمام
لكن كانت جد مسألة وقت ليس إلا: وبعد تقديمي على الفيزا بـ 21 يوم بالضبط جاتني التأشيرة
كنت مقدم عليها يوم الأحد تاريخ 10 يناير, وأرسلوها لي يوم الأحد تاريخ 31 يناير
يعني يوم الأحد الجاي أنتظر رسالة من فيديكس ومتأكد من هالكلام
بس أهم شي لا تقلق ولا تهتم
الله يستر انا موعدي بكره الصباح
وبقولهم وين جواز الرجال ؟؟ ماتستحون على وجيهكم !!!
:) :) :)
اخــوي هذا رقمــهم 014883800
اول مايرد عليك الجـهاز حط تحويلةة 44445
بيرد عليك عربي .. بيقولك عطنـي رقم جوازك عطـه رقم الجواز
وبيقولك كل شي .. وانت قوله الي بخاااطرك
والله تسلمووووون لي كلكم يا حبايب ...
ما شاء الله ما توقعت كل هذا الحماس منكم ...ربي يوفقكم ...
ابشرررركم الحمد لله جت الفيزا بعد هم لا يوصف (انا انسان اشيل هم بقوه ).
تحياتي لكم وربي يوفقكم ..