عرض للطباعة
السلام عليكم ورحمة الله وبركاته
نبغى نتجمع ونتناقش عن موضووووع السكن في هذة الولاية لاني سالت عن السكن قال لي احد اصحابي انه سكن الجامعة 1500$ طيب وش يبقا من المكافئه على كذا وسكن العائله اكيد باغلامن كذا ياليت اللي عنده خلفية اوخبرة
يقولنا وش الحل
هذا للفائدة لجميع طلاب كاليفورنيا
والله مشكله كبيــرهـ اذا كآن السكن كذا
بس اللي أعرفه انه اليووم بسكن الجامعه من 30 الى 35 دولار
يعني لو تضربها تطلع حوالي 1000 دولار
والعائله يأخذون بالاسبووع وعندهم الاسبوع حوال 300 دولار
يعني 1200 دولار بالشهر
اللي يعرف اسعآر أرخص من كذآ يا ليييت يفيدنا
ويعطكـ الف عآفيه أخوي على هذا الموضوع الرائع
,,
عليكم السلام ورحمة الله وبركــاته ,,,
انا بعد آستفسرت عن السكن وقالوا لي سكن الجامعة بـ 1500 دولار والعائلة آكثر ,,
ودنــا آخواننا اللي بريفرسايد يفيدوننــا هم الاعلم ..
ياشباب أنا مو من رفر سايد بس هدي معلومة عامة
أسعار العوائل أغلى لما تاخدهم عن طريغ المعهد, لأن المعهد ياخد عمولة تتراوح بين 100 إلى 300 دولار أو إحتمال أكتر.
أنا أخدت عائلة في بيركلي لما كنت أدرس هناك وكنت أدفع للمعهد 1200 دولار, إش سويت لما دريت إنو الإجار أساسا 800 دولار والمعهد ياخد عمولة 400 دولار, دفعتلهم الشهر الأولا وبعدين زبط علاقتي مرة تمام مع صاحب البيت وبعدين قلتله
ترى المعهد ياخد على عمولة 400 دولار, فإش رايك ألغي طلب العيلة من المعهد وأدفعلك إنتى دايركت وأدفعلك زيادة 100 دولار
وافق بس ماخلاني أدفع ال100 الزيادة اللي قلتله عليها.
بالتوفيق
الله يعطيك العافيه طيب وش الحل نحجز عن طريق المعهد في البداية وبعدين نكنسل المعهد ولا ايش؟اقتباس:
المشاركة الأصلية كتبت بواسطة SFlegend
آشكرك اخوي SFlegend على التنبيه ,,
ومازلنــا بإنتظار بقية الاخوان ,,
انا ان شاء الله رايحة لوما ليندا في كالفورنيا الشهر الجي..
عندكم اي فكرة عن الايجارات؟؟ والحضانات
انا يمكن اجي قبل بداية الدراسة بيوم او يومين
وماني عارفة ايش نستاجر اول ماننزل هناك وكيف اروح من لوس انجلوس الى لوما ليندا؟
ادخلوا موقع Rent
https://www.rent.com/
وسجلوا بهذه المعلومات
http://www.mbt3th.us/vb/imgcache/65388.png
وشوف العروض بنفسك
سيبك من فلان قالي وفلان ساكن....
تسلم يالتائه ويعطيك الف عافية طمنتنا
للاخوان اللي يسائلون عن السكن في ريفرسايد ممكن تشيكون علي هذا اللنك في قسم housing fee
Academic and Professional Programs-Schedules & Fees Current
فيه اسعار السكن و نوعه و اسعار المواصلات ، انا سكنت و درست في مركز اللغه التابع للجامعه في ريفرسايد لمدة شهر قبل سنه من اليوم ..
المنطقة جميله و هادئه و المعهد برأيي مميز و المدرسين كويسين مع اني شفت بعض الطلاب يشتكون بس في رايي المعهد ماعليه كلام ..
بالنسبه للسكن و هذا السؤال .. المعهد عنده نوعين من السكن بالاضافه للسكن مع عائله ..
بالنسبه للسكن مع عائله اعرف واحد كان ساكن مع عائله بسبع مئه دولار شهريا .. بس اللي اعرفه برضه انه احيانا مايكون فيها عوائل مستضيفه عشان كذا ممكن تبقي شهر او اكثر لين تلاقي عائله ..
الخيار الثاني تسكن في السكن التابع للمعهد و هو عباره عن سكنين واحد جديد و الثاني قديم بس في نفس المبنى حق المعهد ، طريقه حساب الإجار يعتمد علي المده اللي انت راح تحجزها كل ما زادت المدة قل الإجار يعني فيه عندك باليوم و هذا الاغلي و فيه بالشهر و الشهرين و التسع اشهر و هذا ارخص شي بس فيه ملاحظة انك ملزم بدفع كامل المدة اللي انت اخترتها .. يعني لما تقول تسع اشهر لازم تدفع قيمة التسع اشهر حتي لو جاتك ضروف و خلتك تترك المكان .. فيه حلول كثيرة للسكن خارج الجامعة فيه مجمعات سكنية كانوا طلبه سعوديين و خليجيين ساكنين فيها و كان الإجار بحدود الثمان مئة دولار علي ما اذكر ..
فيه خدمه حلوه من المعهد لو انت بتنزل في مطار لوس انجلوس انك تخلي المعهد يستقبلك و ياخذ عليك مئة دولار لاني اخذت تكسي و كلفني مئتين و خمسين دولار !! اذا لسه ماحجزت حاول تنزل في مطار اونتيريو "Ontario" هذ اقرب لريفرسايد حدود الساعة في وقت الذروه عكس مطار لوس انجلوس اللي تقريبا ثلاث ساعات ..
نصيحتي انك تاخذ سكن من الان في الجامعة لمدة اسبوع و لو تحاولون تاخذون غرفه مزدوجه لكل اثنين افضل بعدين في خلال هالمدة راح تشوف الخيارات اللي قدامك بالنسبه للسكن سواء مع عائله او لوحدك ..
الجامعة عندها خيارات سكن غير المعهد فحاول انك تشوفها .. اذكر المعهد كان فيه حدود العشرين شخص سعودي و خليجي و ماراح يقصرون معك ..
بالتوفيق لكم