المحولون من اي بلد الى امريكا يدخلو
السلام عليكم
-
-
-
-
-
-
-
-
انا محول من كندا الى امريكا للماجستير و خلصت كل الاجراءات من الوزارة و الملحقية في كندا
حاولت ادخل على بوابة المبتعثين و ما رضي يدخلني
اتصلت على ملحقية كندا و قالولي مالك اي ملف عندنا لانك خلاص حولت و المفروض اتواصل مع حقون امريكا
حبيت اعرف كيف افتح ملفي مره ثانية في ملحقية امريكا ؟
اتصل اطلب مين هناك بالضبط عشان استفسر ؟
او حتى لو فيه عنوان ايميل يصير ابدا من دحين ارسل
و تعتقدو كم يبغالي عشان يفتحو الملف و يبداو في الصرف ؟
و بالمرة لو ممكن تعطوني موقع الملحقية في امريكا لو سمحتو
رد: المحولون من اي بلد الى امريكا يدخلو
معقول محد محول الى امريكا يا جماعه
طيب على الاقل اعطوني ايميل و اسم شخص في ملحقية واشنطن يساعدني
رد: المحولون من اي بلد الى امريكا يدخلو
اخوووووووي شوف الخااااااااااااااااص
رد: المحولون من اي بلد الى امريكا يدخلو
هذا اللينك لموقع الملحقية
http://www.sacm.org/ArabicSACM/Emplo...ectoryEmp.aspx
تروح فوووق الصفحه تلاقي الاتصال بالملحقية بعدين تختار قسم التسجيل وملفات الطلاب
لكن ما راح يسوون لك شي لمى توصل لامريكا لان اجارئات فتح الملف تطلب صور مو الباسبورت وختم دخول امريكا واشياء ثانيه
رد: المحولون من اي بلد الى امريكا يدخلو
مشكورين على الردود بس ممكن اعرف قد ايش الفترة الي تاخد معاهم عشان يفتحو الملف و يصرفو الراتب ؟
عشان اخد احتياطي و اروحلهم قبلها من بدري و ادور حجز كمان !!!
رد: المحولون من اي بلد الى امريكا يدخلو
اهلين دوندي ...
الحمدلله الله سهلنا التحويل احنا كمان ..اذا تفتكر زوجي كلمك في فانكوفر ..
انا جاني قبول في لوما ليندا في كاليفورنيا ودراستي تبدا في 29 مارش
ونفس الشي تقفل ملفي في ملحقية كندا وتوقف الصرف من شهرين
انا قريت هنا في المنتدى انه اذا رحت واشنطن للملحقية وفتحت ملفك ممكن يعطوك الراتب مقدم شيك الى ان يصرف الشهر اللي بعده
ان شالله يكون الكلام صحيح ...
موفق ان شالله
رد: المحولون من اي بلد الى امريكا يدخلو
هلا و الله دلوعة بابا
اكيد افتكر لمن زوجك اتصل عليا .. افتكر اني كنت اجري وقتها على المارينا و الا فجاة هوا يتصل و انا يادوب كنت القط نفسي و اتكلم معاه
خخخخخخخ
كيفكم كلكم ان شاءالله طيبين ؟ .. و زوجك لقا قبول كمان هناك و لا كيف ؟
يالله مبروك على القبول و الحمدالله انها اتسهلت معاكم و خصوصا في حكاية الفيزا
خلاص يصير ان شاءالله لا تنسيني لمن تروحي و تقوليلي ايش بيصير معاكي عشان اعرف و اسوي زيك لانك مسافرة قبلي و انا ان شاءالله مسافر على جون بس ابغا اعرف للاجراءات من بدري عشان اعمل حسابي لو انها راح تطول يصير اقدم حجزي
بس المشكلة الملحقيه قالولي خلاص ما ينفع اغير في الحجز لانو ملفي اتقفل
افكر اني اروح على الخطوط الكندية و اتفاهم معاهم بنفسي لانو المفروض الملحقيه مالهم صلاح و هيا شغلة في تقديم الحجز بس يعني !!!
ربنا يسهلها بس
رد: المحولون من اي بلد الى امريكا يدخلو
الله يبارك فيك...
بالنسبة لزوجي قدم غلى فيزة الهجرة وبعد اسبوعين ان شالله موعد المقابلة
اما بالنسبة للحجز انت خوفتني دحين
لانه انا اصلا حجزي رجعة لكندا من شهرين وطبعا مارجعت جلست في السعودية وراحت التذاكر
وراسلت الوزارة قالولي تعالي وخدي امر اركاب جديد وجيبي التزاكر معاكي
والله يستر مايقولو انتهت مدتها والا يطلعولي بحكاية جديدة
بس ماقلت انت الوزارة وافقت على قبولك في فيلادلفيا ؟؟
موفق ان شالله
رد: المحولون من اي بلد الى امريكا يدخلو
اعتقد انهم ما راح يطلعلولك تذاكر لانو انا باحاول بس اغير في الحجز و ماهم راضيين ابداااااا
بس هادا كلام الملحقيه .. بس انتي تقولي الوزارة قالتلك تعالي فيعني ممكن هما يمشوها من عندهم !
انتي برضو روحي و شوفي و ان شاءالله تمشي معاكي
بالنسبة للجامعة ايوه الحمدالله وافقولي عليها بس من بعد رفض مرتين طبعا !!!
قدمت 3 مرات على نفس القبول و نفس الجامعة و المره الثالثه ارسلت خطاب للملحق بنفسي و خليت الجامعة كمان ترسل خطاب للملحق و الوزارة عشان يقتنعو بتخصصي و الحمدالله في الاخير وافقو
انا دحين شايل هم الروحه على امريكا و خصوصا من بعد تقفيل الملف لانو لمن اتصل على ملحقية كندا و لا كانهم يعرفوني و لا اقدر اصلا ادخل على بوابة المبتعثين و حتى المشرف مو فاكرني و يقولي انت متاكد انك مبتعث على الوزارة ؟؟!!!!!!!!!!
مره عصبني طبعا و كلمت مديرتهم كوثر العباد و كانت مستغربة انو الوزارة قفلت عليا بوابة المبتعثين !!!
انتي صحيح برضو زيي مقفل عليكي و لا كيف ؟
بس المهم ابغا لازم اتاكد من ملحقية امريكا انهم استلمو اسمي بالتحويل من الوزارة او ملحقية كندا عشان اتطمن !
و تعرفي على بال ما يستلمو الاسم من الوزارة و يفتحو ملف جديد في امريكا يبغالهم مدة طويلة و حجزي المشكلة صاير قبل الدراسة باسبوعين !!!
الحمدالله على كل حال بس
رد: المحولون من اي بلد الى امريكا يدخلو
ما راح يفتحون لك ملف في امريكا الا لمى توصل هناااااااك
انا لمى كنت في كندا حاولت معااااااااهم اني افتح ملف قبل ما اروح ولا رضوا
ولمى رحت امريكا ما فتحوا لي الملف الا لمى ارسلوا ملحقية كندا المعلمومات حقتي لمحلقية امريكا
يعني اذا وصلت امريكا ان شاء الله
تروح للملحقية وتفتح لك ملف وبعدين هم يقولون لك راح نطلب الاوارق من ملحقيه كندا
وبعدين انت تنشب لملحقية كندا وبالاخص مشرفك السابق يرسل الاوراق
وبعدين تنشب لملحقيه امريكا وتقول ملحقية كندا ارسلوا الاوراق
وبعد هذي الزحمة يصرفون لك الراتب
انا بصراحه ما رحت للمحلقية
رحت على طول لبلد الدراسه
وارسلت اوراقي وفتحوا لي ملف بس ما صرفوا لي شي وكان على وقت نزول الراتب
وبعدين كلمت المشرفه السابقه لي في ملحقيه كندا وقلت لها ارسلي الاوراق وقالت ارسلناها
وبعدين نشبت في محلقية امريكا تقريبا جلست اسبوعين الاحق ورا ملفي مرة يقولون لي عند فتح الملفات ومرة يقولون لي في الماليه
وبعدين في النهايه قالوا خلاص وصلتنا اوراق كندا وبيبدا الصرف ونزلوا لي راتب مبتعث فقط مع العلم ان زوجي معاي مرافق
نزلوا في حسابي 1800 دولار لوووووووووووول
وبعدين حاولت اتصل عليهم علشان زوجي المرافق
صاروا يصرفونا ويحولونا من ادارة لادارة كالعاده طبعا
وراح سافر زوجي لواشنطن للمحلقية وصار الملف في مكان ما ضايع ما يدرون وين وعبا النموذج مرة ثانيه واعطاهم اوراقه مره ثانيه واضافوه معاي كمرافق وبس هذي كانت قصتنا
رد: المحولون من اي بلد الى امريكا يدخلو
ايه صح نسيت اقولكم بوابه المبتعثين انطردت منها زيكم
ومع اني لي ملف في الملحقية الامريكيه لكن لحد الحين ما رضا يدخل اليوزر حقي وجربت احط ملفي بالملحقية الامريكيه ويقول يوجد خطا في رقم الملف
رد: المحولون من اي بلد الى امريكا يدخلو
يعطيكي العافيه اختي هنوف على الرد و ربنا يوفقك
يعني القصة اخدت معاكي اسبوعين ؟؟!!
طيب كيف مع حكاية الجامعة و صرفها ؟؟ قصدي انو متى الملحقية راح ترسل الفلوس للجامعة عشان تقبلني كطالب عندهم ؟
لانو عندي قبول نهائي من الجامعة و رسلولي ايميل انو لازم ادفع حق الرسوم لتسجيل الكلاس و التيرم و كمان لحجز كمبيوتر الاب عندهم !!!!!!
دفعت من جيبي 300 دولار امريكي عشان احجز مكاني بس عندهم و باقي الحاجات التانيه و المفروض الملحقيه تدفع باسرع وقت !!!
غلطتي اني حجزت سفري على امريكا قبل موعد الدراسة بس باسبوعيييييييييييين
ما ادري هل يكفي اني افتح ملف و اضمن نزول الراتب و صرفهم على الجامعه في هادي المدة و لا لازم اقدم حجزي ؟
و اذا اقدم يعني تنصحيني بكم يوم عشان اعمل حسابي ؟؟؟!!!
و ربي راسي صدع :(
رد: المحولون من اي بلد الى امريكا يدخلو
ان شالله الاسبوع الجي رايحة الوزارة ... والله يسهلها ...
اما بالنسبة لبوابة مبتعث حاولت ادخل من لاب توب سوني مارضي يدخل اما بماكنتوش أبل قدرت ادخل و موجودة بياناتي ...
حاشوف شغلة التزاكر واردلك ان شالله اني ما انسى ..
واذا نسيت ذكرني برسالة الخاص...
وموفق
رد: المحولون من اي بلد الى امريكا يدخلو
معليش ابي اسئل سؤال بما انكم كلكم ناقلين من كندا لامريكا
ماخفتو من الاجرائات الامنيه الجديده؟؟ وايش سمعتو عن اخبار الفيز للسعودين لان الي شفته كذا شخص جايين اجازه للسعوديه ورفضو يجددون لهم فيزهم
بكندا الحمدالله مافي هالمشكله اوكي في مشاكل بالفيزا لكن مشاكل واضحه وصريحه اذا في رفض يذكرون السبب ويكون غالبا منطقي
واي الولايات طالعين؟؟
ليه مافكرتو باستراليا؟؟
معليش يمكن اسئلتي ماهي مرتبه بس محتاج اجابات من طلاب كندا وياريت تكتبون لنا تجاربكم بعد التحويل لاننا كنا بكندا وامورنا مامشت ومحتارين بين امريكا سهوله العيش فيها واستراليا لسهوله الدراسه طبعا هذا اذا وافقو لان احنا مانسما تحويل
ادعولنا بان ربي يفرج لنا همومنا بهم مايعلم فيه الا رب العالمين
رد: المحولون من اي بلد الى امريكا يدخلو
لسا كنت راح اشرحلك بس انت تقول انك كنت في كندا يعني المفروض تكون عارف مصيبتنا هنا !!!
الكل عارف ان قبولات كندا في الماجستير شبه مستحيله و خصوصا للهندسة و الطب
و انا صارلي سنتين في كندا احاول اجيب قبول و لكن و لا جمبك احد !
بالنسبة للتحويل لاستراليا معروف ان الوزارة منعت الطلاب من التحويل الى استراليا و نيوزيلندا و بريطانيا
فمافي غير امريكا و غير كدا في امريكا جامعات بالهبل و قبولاتها سهلة بس هيا تجي المشكلة زي ما قلت في الفيزا
بس بالنسبة لحالتي ماشية و الحمدالله
اما في المطارات عاد يقولك خليك ماشي جمب الحيط راح تسلم في اي مكان !
المهم نجيب الشهادة ان شاءالله و كلو يهون
و ربنا يوفقنا كلنا
رد: المحولون من اي بلد الى امريكا يدخلو
اقتباس:
المشاركة الأصلية كتبت بواسطة dondy
يعطيكي العافيه اختي هنوف على الرد و ربنا يوفقك
يعني القصة اخدت معاكي اسبوعين ؟؟!!
طيب كيف مع حكاية الجامعة و صرفها ؟؟ قصدي انو متى الملحقية راح ترسل الفلوس للجامعة عشان تقبلني كطالب عندهم ؟
لانو عندي قبول نهائي من الجامعة و رسلولي ايميل انو لازم ادفع حق الرسوم لتسجيل الكلاس و التيرم و كمان لحجز كمبيوتر الاب عندهم !!!!!!
دفعت من جيبي 300 دولار امريكي عشان احجز مكاني بس عندهم و باقي الحاجات التانيه و المفروض الملحقيه تدفع باسرع وقت !!!
غلطتي اني حجزت سفري على امريكا قبل موعد الدراسة بس باسبوعيييييييييييين
ما ادري هل يكفي اني افتح ملف و اضمن نزول الراتب و صرفهم على الجامعه في هادي المدة و لا لازم اقدم حجزي ؟
و اذا اقدم يعني تنصحيني بكم يوم عشان اعمل حسابي ؟؟؟!!!
و ربي راسي صدع :(
اممم انا دفعت الثلاثمية هذي
انا رحت لمكتب ال registrar وشرحت لهم السالفه قلت اني انا محوله وان الاوراق راح تاخذ وقت وان الملحقية مسئوله عني وكلها فترة واجيب لكم الضمان المالي فقالوا لي عادي بس لا تتاخرين
بعدين لمى فتحوا لي الملف وعينوا لي المشرف الدراسي طلبت منه الضمان المالي واعطيته للجامعه
فيه طلاب في نفس الجامعه طلبوا منهم الاصل هو بعد ما يرسل لك المشرف الضمان بالايميل يرسله لك بالبريد
وعلى فكرة اسبوعين اتوقع كافيه مررة بس اذا تبي ينفتح ملفك بيوم واحد وتخلص امورك كلها رووح على واشنطن اول وافتح ملفك بعدين روح على بلد دراستك
انا وصلت امريكا تقريبا 18 اوغست ودراستي كانت تبدا في 31 اوقست
وفيه في كل جامعه مكتب الانترناشونال ستيودنت هذا اول ما توصل لازم تروح له كلم الشخص المسئول وقول له انك مبتعث والضمان يبغاله وقت وهو يمكن يكلم لك التسجيل وانت كمان حاول معاهم
انا زوجي ما جاب لهم الضمان المالي الا بعد شهر تقريبا بس كانوا مسويين له هولد على اشياء معينه ما يقدر يستخدمها
ترى الامريكين مررررررررررة متعاونين فررررررررق بينهم وبين الكنديين
ايه صصح وجيب معاك ضمان المالي حق كندا لو عقدوا السالفه وريهم اياها وقول لهم بس باغيره واخليه باسم الجامعه حقتكم
رد: المحولون من اي بلد الى امريكا يدخلو
YOU &I انا بالنسبة لية ماعندي مشكلة في الفيز والاجراءات الامنية الجديدة لاني امريكية واعتقد كمان نفس الشي بالنسبة لدوندي
وبالنسبة للقبولات انا حصلت على قبول في امريكا وقبول في كندا بس فضلت امريكا عشان التخصص افضل اللي كنت مقدمة عليها
ومن غير توفل ولا ايلتس بس يشترطو GRE
حتى على الامريكان ...
وانا ان شالله رايحة على كاليفورنيا
وعلى ماعتقد ماتقدرو تحولو الى استراليا لانهم مقفلين عليها
والله يسهل للكل
رد: المحولون من اي بلد الى امريكا يدخلو
عندي سؤال بالنسبة لفتح الملف في الملحقية للمحولين
كم يوم يحتاج مني اذا رحت واشنطن لفتح الملف ؟؟
انا خايفة ما ينفتح الا لمن كندا يرسلو ملفي واتعطل
اللي عنده فكرة يفيدني الله يجزاكم خير
رد: المحولون من اي بلد الى امريكا يدخلو
اقتباس:
المشاركة الأصلية كتبت بواسطة hanouf abd
اممم انا دفعت الثلاثمية هذي
انا رحت لمكتب ال registrar وشرحت لهم السالفه قلت اني انا محوله وان الاوراق راح تاخذ وقت وان الملحقية مسئوله عني وكلها فترة واجيب لكم الضمان المالي فقالوا لي عادي بس لا تتاخرين
بعدين لمى فتحوا لي الملف وعينوا لي المشرف الدراسي طلبت منه الضمان المالي واعطيته للجامعه
فيه طلاب في نفس الجامعه طلبوا منهم الاصل هو بعد ما يرسل لك المشرف الضمان بالايميل يرسله لك بالبريد
وعلى فكرة اسبوعين اتوقع كافيه مررة بس اذا تبي ينفتح ملفك بيوم واحد وتخلص امورك كلها رووح على واشنطن اول وافتح ملفك بعدين روح على بلد دراستك
انا وصلت امريكا تقريبا 18 اوغست ودراستي كانت تبدا في 31 اوقست
وفيه في كل جامعه مكتب الانترناشونال ستيودنت هذا اول ما توصل لازم تروح له كلم الشخص المسئول وقول له انك مبتعث والضمان يبغاله وقت وهو يمكن يكلم لك التسجيل وانت كمان حاول معاهم
انا زوجي ما جاب لهم الضمان المالي الا بعد شهر تقريبا بس كانوا مسويين له هولد على اشياء معينه ما يقدر يستخدمها
ترى الامريكين مررررررررررة متعاونين فررررررررق بينهم وبين الكنديين
ايه صصح وجيب معاك ضمان المالي حق كندا لو عقدوا السالفه وريهم اياها وقول لهم بس باغيره واخليه باسم الجامعه حقتكم
طيب مو لازم المفروض اروح اول على مكان الدراسة عشان افتح حساب في البنك عشان الملحقية تودع فيه الحساب و ينفتح الملف ؟
ما ادري الي سمعتو كدا !
رد: المحولون من اي بلد الى امريكا يدخلو
