الله يوفقكم ساعدوني انا مررره محتاره ؟!

السلام عليكم
بليز ابغاكم تساعدوني اللى يوفقكم
انا مرره محتاره
ابغى اكمل في تخصص الماليه باامريكا
وسويت بحث عن الجامعات الموصى بها والمعتمده من الوزاره
وهي

ARIZONASTATE UNIVERSITY - MAIN CAMPUS
CATHOLICUNIVERSITY OF AMERICA
FAIRFIELDUNIVERSITY
GEORGEMASON UNIVERSITY
ILLINOISINSTITUTE OF TECHNOLOGY
PACEUNIVERSITY-NEW YORK
SOUTHEASTMISSOURI STATE UNIVERSITY
TEMPLEUNIVERSITY
UNIVERSITYOF CHICAGO
UNIVERSITYOF HAWAII AT MANOA

ولااادري وش الانسب والافضل
ابغى الجامعه تكون مرره كويسه وفيها معهد تبعها عشان ادرس لغه >> ولازم اجيب فبول من المعهد اللغه خلال هالويمين واسلمه هالاسبوع

وطبعا يكون مكان مناسب الجو والناس وامان ومو غاليه
الله يخليكم ساعدوني
وانا سالت واللكل قال لي اريزونا كويسه الجامعه والمعهد وش رايكم
بس ابغى مكتب عشان يعطيني فبول من المعهد لانو سالفة الضمان المالي متعبتني بعد


وشكراااااا مقدما لكل من يساعدني ويقولي رايه

وين الناس الطيبه
ضروري الرد

تخصص الـFinance صعب جدا الحصول على قبول مشروط فيه لأنه يتطلب اختبار الـTOEFL و الـGMAT

وللأمانة لا أذكر أن أحداً من الجامعات أعـلاهـ تعطي قبول مشروط لهذا التخصص

ولكـن , هل إنتِ مبتعثة أو دارسة على حسابك الخاص ؟ وإذا كنتِ مبتعثة من هي جهة ابتعاثك ؟

اهلا بكل من مر هنا الله يجزاكم كل خير
اخوي انا تبع الجامعه واهم طلبوا مني اجيب قبول من مكتب عشان اللغه لازم خلال هالاسبوع والا يلغون الوظيفه
وبحثت عن معهد تبع الجامعه مبدئيا يعني عشان اللغه وقع اختياريا على اريزونا
بالنسبه للجامعات اللى ذكرتها انا مافي الا هذي بس الى فيها التخصص ومعتمده من الوزاره مالي الا هذي
ها وش رايكم وش اسوي وشلون اجيب قبول الله يعين بس
وشكرااا جزيلا لك

الله يخليكم ودي باسم معهد تابع لاحدى الجامعات اللى ذكرتها بالاعلى ولالاهم المدينه رخيصه امان وجامعه كويسه
وش رايكم بجورج مايسون هذي الجامعه لها نعهد تابع لها ؟؟؟

سؤال وش قصدك بقبول مشروط ؟؟؟
ياكثر اسئلتي اعذروني

اقتباس:

---

المشاركة الأصلية كتبت بواسطة انا السعوديه

اهلا بكل من مر هنا الله يجزاكم كل خير
اخوي انا تبع الجامعه واهم طلبوا مني اجيب قبول من مكتب عشان اللغه لازم خلال هالاسبوع والا يلغون الوظيفه وبحثت عن معهد تبع الجامعه مبدئيا يعني عشان اللغه وقع اختياريا على اريزونا
بالنسبه للجامعات اللى ذكرتها انا مافي الا هذي بس الى فيها التخصص ومعتمده من الوزاره مالي الا هذي
ها وش رايكم وش اسوي وشلون اجيب قبول الله يعين بس
وشكرااا جزيلا لك

---

أختي قبول لغة هالأٍسبوع صعبة. بكرة وبعد بكرة ويك اند والجامعات مقفلة. الإثنين تداوم الجامعات وممكن تحصلين قبول على يوم الثلاثاء أو الأربعاء.

السؤال , هل القبول شرط يكون من معهد تابع لجامعة فيها التخصص ؟

هل صورة القبول مقبولة ؟

القبول المشروط يعني قبول ماجستير + قبول لغة ويعني ان الطالب مقبول بشرط اجتياز معهد اللعة وهو يآخذ وقت.

بالمناسبة , الجامعات الموصى بها من قبل التعليم العالي في تخصص المالية أكثر من 200 جامعة :: رابـــــــــط ::

الله يجزاك كل خير
يؤ ضاق صدري اخاف مايمدي اجيب لهم القبول
سبحان الله انا لما بحثت ماطلعت لي الا هذي الجامعات >>>مضيقه على نفسي هههه عشاني كتبت ادارة ماليه
المهم طيب الله يخليك رشحلي جامعه قويه شروط سهله والاهم فيها معهد تابع لها وامان ورخيصه انا لما بحثت عجبتني ولايه اريزونا كل اللى طلبته لقيته فيها بس اخاف المعهد مايقبل وشوطهم صعبه
طيب لو رحت لمكتب يجيب لي قبول لغه تتوقع بيعرف يعطيني معهد تابع لجامعه ؟؟
طيب ساعدني وش اختار وش رايك

لا انا من نفسي ابغى معهد تابع للجامعه لانهم قالو لي افضل عشان ماتختبري توفل عالطول من تخلصي دراسه اللغه تكملي بالجامعه

اقتباس:

---

المشاركة الأصلية كتبت بواسطة انا السعوديه

الله يجزاك كل خير
يؤ ضاق صدري اخاف مايمدي اجيب لهم القبول
سبحان الله انا لما بحثت ماطلعت لي الا هذي الجامعات >>>مضيقه على نفسي هههه عشاني كتبت ادارة ماليه
المهم طيب الله يخليك رشحلي جامعه قويه شروط سهله والاهم فيها معهد تابع لها وامان ورخيصه انا لما بحثت عجبتني ولايه اريزونا كل اللى طلبته لقيته فيها بس اخاف المعهد مايقبل وشوطهم صعبه
طيب لو رحت لمكتب يجيب لي قبول لغه تتوقع بيعرف يعطيني معهد تابع لجامعه ؟؟
طيب ساعدني وش اختار وش رايك

---

اقتباس:

---

المشاركة الأصلية كتبت بواسطة انا السعوديه

لا انا من نفسي ابغى معهد تابع للجامعه لانهم قالو لي افضل عشان ماتختبري توفل عالطول من تخلصي دراسه اللغه تكملي بالجامعه

---

أول شيء لازم تتأكدين من جهة ابتعاثك متى أخر وقت علشان تقدمين لهم القبول.

ثانيا , هل يقبلون صورة من القبول أو لا ؟

معك ضمان مالي ؟

عطيني خبر وحزّتها أقدر أفيدك أكثر.

عزيزتي اريزونا ولاية كأنك بالرياض نفس الجو ونفس الطينة
بر ولاحولك خضرة ولا طبيعة

لك القرار

بالنسبه لصوره من القبول ماادري ماقالوا لنا شئ يمكن عادي انا على السبت بسالهم اتاكد
اما الضمان مامعي لانو لسى ماتعينت رسمي بس هذا من شروط القبول بالوظيفه اجيب القبول من المعهد عشان يتم التعيين وهذا اللى محيرني سالفة الضمان وشلون اجيبه ؟؟

الله يوفقك يااخوي احس اني ازعجتك
الف شكر

اقتباس:

---

المشاركة الأصلية كتبت بواسطة الكنق707

عزيزتي اريزونا ولاية كأنك بالرياض نفس الجو ونفس الطينة
بر ولاحولك خضرة ولا طبيعة

لك القرار

---

انا قالوا لي نفس كلامك الجو جو الرياض
بس حولها مدن كويسه هذا اللى قريته عنهم ومدحوا الجامعه اللى فيها والمعهد وقالوا انها امان وكل شئ قريب منها عشان كذا
انا حاليا ارشح بس ماحددت اريزونا عرفت
الف شكر لك على مرورك الله يوفقك

الله يسهل امرك،،

ويسهل عليك يارب
شكرا لمرورك

للرفع!!!!!!!!!!!!!!!!!!!!!!!!!

الله يوفقك اولا اختي في دراستك . المهم فيه جامعة FIU في ولاية فلوريدا فيها ماستر ماليه .وبرضه عندهم معهد للغه.
للامانه انا مادرست في هالمعهد بس سمعته حلوه وبرنامجه قوي . انا حاليا ارس ماليه بكالوريس في نفس الجامعه وان شاء الله ابداء الماستر حقي في نفس الجامعه مع بداية السنه بس راح اكمل في تخصص غير الماليه عشان مانكشف على بعض هههههههه وربي امزح عارف محتاسه وقلقانه ومو وقت تريقه بس الله يعينك.

للاهميه حاولت احتي اشوف لك اذا هالتخضض معترف في الوزاره او لا بس الموقع كالعاده ما اشتغل معاي الحين بس هو بعض الاحيان عليه حركات يوم نحتاجه المهم تاكدي قبل كل شي الجامعه معترفه او لا في هالتخصص.
والله يوفقك.

راي خاص بما انك سالت عن الجو والامان والاسعار : فانتبهي مو عشان مستعجله ترمين نفسك في اي محل لان فيه ولايات بارده جدا وقرف ثلووج وفيه ولاياات غاليه جدا وفيه ولايات الامان فيها شوي لك عليه يعني انتبهي من هالنقطه وبرضه انت دوري وابحثي عن افضل الامااكن للدراسه والامان والاسعار ومن ثم ابحث في جامعات هالاماكن .

والله يوفقك واتمني افدتك بشي وان فعلت اتمنى خالص الدعاء.

موفقه يالغلا ....

الاخت / انا السعودية.. زوجتي نفس تخصصك ومبتعثة من الجامعة وجبنا قبول لغة من معهد جامعة UNIVERSITY OF OREGON وبالنسبة للقبول المشروط اذا كنت مستعجلة لاتستطيعي احضار قبول للماستر لأنو يطول مررره ممكن يوصل 8 شهور ,وانا انصحك بهدي الولاية لأنها قوية في تخصصات المالية وتخصصات البزنس بسكل عام وكمان مايشترطو توفل او ايلتس لقبول الماستر فقط مجرد ماتخلصي كل الليفلات في اللغة راح تنقبلي في الماستر انشاءالله...
اتمنى اني افدتك وعسى ربي يوفقك

وعلى فكرة ترى الولاية حلوة ورخيصة وناسها حلوين..اسم المدينة اللي فيها الجامعة EUGENE وانتي ابحثي واسألي عنها كمان

الله يوفق كل من رد ويسهل اموركم يارب
ماقصرتوا

انصحك تروحي مكتب هما راح يساعدوك

وخصوصا انك مستعجله