ادرس بكالريوس وابغى اكمل الباقي بامريكا ؟؟؟

السلام عليكم ...

ياشباب انا عندي بعض الاستفسارات الله لايهينكم ويوفقكم بدراستكم ..,

انا حاليا طالب بكالريوس حاسب
(الدراسه عندنا خمس سنوات سنه تحضيري واربع سنوات جامعيه ) الدراسه بالانجليزي حتى شرح المحاضرات

طيب حاليا انا انهيت التحضيري ووصلت للمستوى الثالث وابغى اعادل الساعات اللي خلصتها واكمل بامريكا
راسلت مكتب خاص بجامعة university of arkansas ارسلت لهم السجل الاكاديمي وشهادة الثانوي ورشحوللي تخصصين Computer Science او Business Administration
ال mis عندهم تحت Business Administration

وقالو انهم احتمال يعادلون كل سنه ونص ((عندنا)) بسنه ((عندهم))
طيب انا باقي لي هنا سنتين ونصف وعلى كلامهم راح يبقى لي هناك تقريبا نفس الشي (( حتى لو زاد الى سنه ماعندي مشكله ))
انا طموحي ورغبتي اكمل :: ""بامريكا "":: من تخرجت من الثانوي

طيب عندي كم سؤال الله لايهينكم
المكتب اللي راسلتهم عن طريقه يقول صعبه يعلمونك خطتك الدراسيه هناك وكم بتدرس وكم عادلو لكنهم بيعطونك بشكل عام القبول وقبول اللغه . اذا رحت هناك يعلمونك كذا اخاف مايعادلون شي او مايعادلون كثير
انا ابغى اتاكد كم باكمل هناك قبل ماروح(( وانا بالرياض )) وشرايكم كيف اقدر اتاكد??? :help:


2 بالنسبه للوزاره كيف وضعهم اجيب لهم القبول وقبول اللغه وخلاص ولا لازم اعطيهم خبر اني معادل ساعات ??

طبعا انا وضعي بالجامعه غثيث شوي يعني مواد البرمجه و الرياضيات كلهن ارسب فيهن اول مره :bawl:
واعيدهن من جديد وانجح ب d وهن مواد التخصص
وسويت بحث بكذا جامعه انهم ممكن يعادلون grade d كمواد اختياريه

اما باقي المواد الحمد الله انشاء الله فوق C

((ياليت اي شخص عنده لو معلومه بسيطه انه يفيدنا فيها الله يوفقكم ))

up ياجماعة الخير

والله ماقدر أفيدك بس قلت بما إني دخلت وقريت الموضوع ماينفع أطلع إلا أقل شي بدعوه حلوه .. والإخوان إن شاء الله مايقصرون معك

الله يسهل أمورك ويحقق لك ماتتمنى

الله يعافيك مشكوره

up الله يسهل علينا وعليكم

شوف اخوي ..

المكتب هذا ماعنده سالفه .. الجامعة الي بتعادلك بتقولك انا عادلت لك كذا وكذا وكذا وكذا .. من اصل كذا ويعطونك جدول بالمواد المعادلة .. زي الترانسكربت
وغالبا ً المواد الي يعادلونها من سي وفوق وحتى لو كانت معادة


انا اشوف انك تكلم القسم وتفهم منهم وش السالفه من دون المكتب .. حتى لو ما كنت تعرف انجليزي شوف اي احد من ربعك زملائك .. ورئيس القسم بيعطيك الزبده .. وكلها اقل من خمس دقايق . . . المكاتب لا تثق فيهم حتى لو عطووك عيونهم دام التعامل مادي بينك وبينهم لا تأخذ منهم كلام وبس .. يعني قالو وما قالو واحتمال .. انت مو رايح من الرياض لحائل مثلا ً .. خل شغلك كله سليم قبل ما تمشي من ديرتك

ثاني شغله .. انا رايي انك تكمل في جامعتك .. وتروح ماستر افضل بكثير .. ووضع االالحاق بالبعثه صعب بالبكالوريس الحين . .

والله يوفقك وان شاء الله بيفيدونك الاعضاء اكثر

الله يجزاك خير اخوي F A B R E G A S

طيب انا الحمدلله لغتي بالانجليزي كويسه ((دراستي كلها انجليزي بالجامعه هنا))
يعني بعد مايجي القبول اتصل عليهم او هم يرسلون لي المواد اللي تمت معادلتها من هنا مع القبول

انا اشوف انك تكمل البكالوريس في جامعتك و تدري الماستر في امريكا انا كنت افكر مثلك بس بعدين حسبتها و قررت اني اكمل بكالوريس mis بالسعوديه و بعدين ادرس ماستر في امريكا الله يعين باقيلي سنه و نص و اخلص
اتمنالك التوفيق

الشباب ماقصرووووووووووا


الله يوفقك يارب

ياخوان انا معدلي سئ هنا ولي فوق اربع سنين بالكليه هذي وتوي بالمستوى الثالث ابغى اروح هناك واكمل البكالريوس لاني متحطم هنا بالعربي ابغى ابدا بدايه كويسه هناك واستفيد من اخطائي ياليت تفيدوننا عن معادلة الساعات الله يوفقكم يارب

للرفع

ياخوان اي معلومه عندكم قد تنفع الله يجزاكم خير

الله يسهل عليك يارب

الله يجزاك خير ويسهل دربك

والله شوف
المعادله تعتمد على الجامعه اللي درست فيها

طيب اخوي كيف اقدر اتاكد وانا هنا كم راح يعادلونلي بالظبط ..؟

راسل كذا جامعه بالترانسكربت والسيلبس>>>>>سجل الاكاديمي ووصف المقررات
وهم بيردوا عليك بالمعادله المبدئية >>>
وبعد كذا خذ واعطي معاهم وخبرهم انك محصل قبول من كذا جامعه
وهم راح يأخذون الموضوع بجديه وبالتوفيق
انصحك تروح لاكثر من مكتب قبول وتاخذ العلم الاكيد منهم
ما اخفيك ياخوك العالم تروح قبل اوبعد وانت عزمت بنص السالفه
طبيعي بتحصل صعوبه شوي بس انت شد حيلك
والله يوفقك والجميع

الله يجزاك خير اخوي ماتعرف مكاتب تنصح فيها

وهل اكيد بيعلموني كم بيعادلون لي وانا هنا

up up
......................

> up

للرفع انشاء الله الاخوان مايقصرون

للــــــــــــــــــــــــــــــــــــــــــــــــ ـــرفــــــــــــــــــــــــــــــــع

للــــــــــــــــــــــــــــــــــــــــــــــــ ـــرفــــــــــــــــــــــــــــــــع