هل تذاكر العودة مجانية ونستطيع الحصول عليها في أي وقت0000

أعتقد هذا التساؤل فيه فايدة للجميع لأن أغلب الطلاب يبيون يسافرون ما فكرو في الرجعة
انا إنشاء الله راح ادرس 4 شهور في معهد els وبعدها راح اطلب إجازة و أرجع إلى السعودية0000سؤالي هل المعهد والملحقية يسمحون لي بذلك000ولو سمحو لي
هل التذاكر مجانية 000 مع التحية للجميع(سبب رجعتي أخذي لطفلي 00لأن سفره معي في البداية متعب له ولنا)

ياسلام ياجودي فعلا سؤال مهم واللي سمعته انهم يعطون تذاكر مجانيه للي راح يجيب زوجته وعياله بس ياليت أحد يفيدنا أكثر واذا كنت أبرجع بعد ستة أشهر بس كذا للسعوديه زياره هل يعطونا تذاكر مجانا نتمنى أحد يعرف ويجاوبنا وبالتوفيق

اللي اعرفه انه يحق لك تذاكر لما تخلصين سنه ، مو قبل كذا :)
وللاسف ما تقدرين تاجلين في دراسة اللغة :(
اما اذا فيه اصلا اجازة وبترجعين على حسابك ، فما عندك مشكلة ، كلمي الملحقية وقولي لهم انك بترجعين في فترة الاجازة وان شالله ما يرفضون

يؤ ياana
من جد مافي إجازة إلا بعد سنه؟؟:(

^
^
اكيد فيه اجازات في النص :D
انا اقصد استحقاقك للتذكرة

اقتباس:

---

المشاركة الأصلية كتبت بواسطة ana ana

اللي اعرفه انه يحق لك تذاكر لما تخلصين سنه ، مو قبل كذا :)
وللاسف ما تقدرين تاجلين في دراسة اللغة :(
اما اذا فيه اصلا اجازة وبترجعين على حسابك ، فما عندك مشكلة ، كلمي الملحقية وقولي لهم انك بترجعين في فترة الاجازة وان شالله ما يرفضون

---

لا اختي تقدرين تحصلين على تكت بعد انتها اول ترم وتكون فية عندك اجازه

ودايم حاولي تسئلين مشرفتك هي الي تعطيك الخبر الاكيد لانها مسئوله عنك

وبالتوفيق

سوري طلعت 9 شهور :$
http://www.mbt3th.us/vb/forum39/thread165735.html

اقتباس:

---

المشاركة الأصلية كتبت بواسطة اshoog

لا اختي تقدرين تحصلين على تكت بعد انتها اول ترم وتكون فية عندك اجازه

ودايم حاولي تسئلين مشرفتك هي الي تعطيك الخبر الاكيد لانها مسئوله عنك

وبالتوفيق

---

صاحبتي كانت بترجع في اجازة ، بعد 5 او 6 شهور من دراسة اللغة ورفضوا يعطونها تكت :)

انا ابي اررجع في الشهر الثامن

بس سمعت انه التذكره ما تنقص حتى لو قعدت 8 شهور + 29 يوم

يعني قالولي لازم 9 شهور بالظببط عشان اصلا الكمبيوتر ما يقبل

والله اعلم

والله يااختي انا نفس مشكلتك

لاني ان شاء الله راجع اتزوج في اجازة الكريسمس

وحبيت اتأكد بنفسي من الموضوع وراسلت الملحقيه

قالوا لازم اكمل 9 شهور

يعني التذاكر بتكون على حسابي

بس حاولي تحجزي من بدري بتكون رخيصه ان شاء الله

والله يعيننا

كلام سليم أخوي محمد

وعلى البركة مقدما

اقتباس:

---

المشاركة الأصلية كتبت بواسطة ana ana

صاحبتي كانت بترجع في اجازة ، بعد 5 او 6 شهور من دراسة اللغة ورفضوا يعطونها تكت :)

---

انا في كندا وحصلة علي اول تكت بعد اربع شهور لا وفية ناس بعد شهرين

ليش لانها اول تكت للمبتعث انا مبتعثه من سنتين والملحقيات كل يوم لهم قرار جديد

والله يصبرنا عليهم بسسسسس :dry:

اي صحيح الملحقيه ماتعطيك تذكره إلا اذا خلصت 9 شهـور ..

انا جاي في شهر واحد .. ان شاء الله برجع في رمضـآن ..

بس بقولكم على حاجه .. عمي شغال فالوزاره .. يقول اذا انت فـ اخر الشهر السابع او الثامن وتبغي ترجع اقنعهم وراح يرجعوك .. :D

على سبيل المثال :D .. الروميت اللي ساكن معاي :D .. اتصل على الافدايزر حقه وقالها ابغي ارجع وكان يستحق التذكره يعني خلص 9 اشهر .. رجع للسعوديه .. يوم رجع لـ امريكـآ درس اربع اشهر ثمن رجع السعوديه وعلى حساب الملحقيه برضو :D .. قلت له ليش شلوون .. قال اتصلت على الادفايزر وقلدت صوت شايب وكآني ابغي ولدي يرجع ورجعوني :D

اسف ع الاطاله ^_^

بالتوفيق :)

اقتباس:

---

المشاركة الأصلية كتبت بواسطة CERESTY

اي صحيح الملحقيه ماتعطيك تذكره إلا اذا خلصت 9 شهـور ..

انا جاي في شهر واحد .. ان شاء الله برجع في رمضـآن ..

بس بقولكم على حاجه .. عمي شغال فالوزاره .. يقول اذا انت فـ اخر الشهر السابع او الثامن وتبغي ترجع اقنعهم وراح يرجعوك .. :D

على سبيل المثال :D .. الروميت اللي ساكن معاي :D .. اتصل على الافدايزر حقه وقالها ابغي ارجع وكان يستحق التذكره يعني خلص 9 اشهر .. رجع للسعوديه .. يوم رجع لـ امريكـآ درس اربع اشهر ثمن رجع السعوديه وعلى حساب الملحقيه برضو :D .. قلت له ليش شلوون .. قال اتصلت على الادفايرز وقلدت صوت شايب وكآني ابغي ولدي يرجع ورجعوني :D

اسف ع الاطاله ^_^

بالتوفيق :)

---

ههههههههههههههههههه

حلوة والله

بس ترى للمعلومية لوجالس تتحايل عليهم وكل فترى لك تذاكر
التذاكر الي راح تاخذها بعدد سنين ابتعاثك
اذا كان قرارك 5سنين لك 5تذاكر رايح جاي
وبالنسبة للخويك المرة الجايىة بمن يبي يرجع لازم بكمل 5شهور(الي المفروض يمكملهاُ)+9شهور الجديدة

جميع الكلام الي فوق من ملحقية استراليا بناء على تعليمات الوزارة

لاتحسبون بتضحكون عليهم لان كل شي مسجل عندهم

الي اعرفه انهم يعطون للي مقيم كل سنتين

^^
كل شئ مسجل عندهم آجل ! :D

اسمع اجل .. الروميت حقي يوم اتصل ع الادفايزر .. ماطلب رحله من واشنطن لـ الرياض .. طلب واشنطن وترانزيت على بيروت وثم الرياض .. وللمعلوميه الترانزيت مدته شهر :D

يعني جلس فـ بيروت شهر وسع صدرهـ وثم رآح للرياض .. :D

طبعن انا اتكلم عن اخر رجعه له :D لانو اللي قبلها سوى ترانزيته ع بريطانيا :D كان يدرس فيها وعندو فيزـآ .. وعندهـ اصحاب هنـآك ,, فـ جلس فـ بريطـآنيـآ سبوعين :)

تقولي كل شئ مسجل عندهم .._^_

اقتباس:

---

المشاركة الأصلية كتبت بواسطة CERESTY

^^
كل شئ مسجل عندهم آجل ! :D

اسمع اجل .. الروميت حقي يوم اتصل ع الادفايزر .. ماطلب رحله من واشنطن لـ الرياض .. طلب واشنطن وترانزيت على بيروت وثم الرياض .. وللمعلوميه الترانزيت مدته شهر :D

يعني جلس فـ بيروت شهر وسع صدرهـ وثم رآح للرياض .. :D

طبعن انا اتكلم عن اخر رجعه له :D لانو اللي قبلها سوى ترانزيته ع بريطانيا :D كان يدرس فيها وعندو فيزـآ .. وعندهـ اصحاب هنـآك ,, فـ جلس فـ بريطـآنيـآ سبوعين :)

تقولي كل شئ مسجل عندهم .._^_

---

هههههههههههههههههههه

اجل محلل التذاكر خويك

انا ماتطرقت الى خط السير

لان خط السير مو شغلهم كيف يكون تبي تروح بيروت ترانزيت ولا كازا انت بكيفك هذي انت تسويها مع الطيار

لاني انا ناوي كل روحة ورجعة خط سير مختلف

والله يعز الحكومة

بس ترى التذاكر مسجلة عندهم كم وحدة اخذت

اقتباس:

---

المشاركة الأصلية كتبت بواسطة اshoog

انا في كندا وحصلة علي اول تكت بعد اربع شهور لا وفية ناس بعد شهرين

ليش لانها اول تكت للمبتعث انا مبتعثه من سنتين والملحقيات كل يوم لهم قرار جديد

والله يصبرنا عليهم بسسسسس :dry:

---

النظام واضح وثابت, والملحقية لها صلاحية بالإستثنائات

اخوي خلص اللغة بعد 6 شهور هو وكثير من طلاب القروب اللي معاه
هو ارسل للملحقية ورفضوا. حسب النظام
الطلاب اللي معاه تناقضوا مع الملحقية واخذ ورد. الين وافقوا يصرفون لهم. ولكن المسألة تظل استثناء

(تنبيه هام وعاجل بخصوص الإجازات والتذاكر)

الإخوة المبتعثون والأخوات المبتعثات :
السلام عليكم ورحمة الله وبركاته ، وبعد:

تصل الملحقية يومياً مئات الطلبات الخاصة بالإجازات ، ونظراً لأن كثير من هذه الطلبات ناقصة أو غير مستوفية للشروط مما يسبب بعض الإرباك والتأخير ، نود أن نوضح ما يلي:

1- نهيب بالجميع التعاون والتقدم بالمعاملة للمشرف الدراسي قبل وقت كافي ، ومراعاة توفر الضوابط واستكمال جميع الشروط الموجودة في الموقع (الرابط) ، وإعطاء فرصة للموظفين لإنجاز المعاملة ، وفي العادة فإن تقرير استحقاق الإجازة يحتاج نحو أسبوع بعد اكتمال النواقص لدى قسم الشؤون الدراسية ، أما تقرير استحقاق التذاكرثم إصدار أمر الإركاب فيحتاج نحو 3 إلى 5 أيام لدى قسم الشؤون الفنية ، وذلك بسبب الضغط الشديد هذه الأيام.

2- يتقدم كثير من الطلبة بطلبات للحصول على تذاكر مع عدم استحقاقهم لها نظاما ، وذلك من باب الإلحاح والمحاولة ولعل وعسى ، وهذا يؤدي إلى إشغال الموظفين في قسمي الشؤون الدراسية والفنية وتأخير خدمة من يستحق التذاكر نظاماً ، فنرجو من المبتعثين غير المستحقين كما هو موضح في الموقع وفي هذا الإيميل ترك الفرصة لزملائهم المستحقين حتى لا نتأخر في خدمتهم . إننا نعول عليكم كثيراً كطلبة متعلمين ومثقفين في الإلتزام بالأنظمة والتقديم في المواعيد المحددة وذلك حتى نتمكن من إنجاز معاملات زملائكم المستحقين.

3- التذكرة حسب النظام تسمى تذكرة سنوية ، وهذا يعني أنها تصرف مرة واحدة في السنة ، وتسهيلاً للإجراءات يمكن صرفها بعد مرور تسعة شهور من آخر مرة عاد فيها الطالب لمقر البعثة ، ومساعدة من الملحقية للطلاب وتعاوناً معهم ، يمكن النظر في تقديم استحقاق التذكرة لفترة شهر أو شهرين ، وذلك في حال وجود ظروف معينة تستوجب التقديم وبموافقة المعهد أو الجامعة وأن ذلك لا يؤثر على البرنامج الدراسي للطالب مع تقديم الطالب لتعهد بعلمه بذلك وأن استحقاقه القادم سيتم احتسابه من التاريخ الأساسي وليس من تاريخ التقديم.

4- الإجازة شيء ، والحصول على تذكرة شيء آخر فهما موضوعان مختلفان وكثير من الطلبة يخلط بينهما. الموافقة على الإجازة تتم من قبل قسم الشؤون الدراسية بعد الحصول على موافقة الجامعة أو المعهد ، أما تقرير استحقاق التذاكر فهذا من مهام قسم الشؤون الفنية حسب بيانات الطالب في النظام والأنظمة والضوابط الموجودة في الموقع. يرجى الاطلاع على الموقعين:

سياسة إجازات الطلبة المبتعثين اضغط هنا

طلب تذاكر سفر اضغط هنا

5- تمديد المرحلة لا يعني مكافأة الطالب بتذاكر إضافية ، بمعنى أن الطالب الذي لم يستطع التخرج في الوقت المحدد ينظر في تمديد المرحلة له قبل مرور شهرين من نهاية البعثة حسب تقاريره الدراسية ، لكن هذا التمديد لا يعني منحه تذاكر إضافية. فالطالب المبتعث للماجستير (مثلاً ) ومدة بعثته ثلاث سنوات يحق له الحصول من الملحقية على 3 تذاكر فقط: تذكرتان سنويتان ذهاب وعودة ، وتذكرة عودة فقط بعد التخرج. وكذلك طلاب البكالوريوس والدكتوراه يقتصر الحصول على التذاكر السنوية فقط على سنوات البعثة الأصلية المحددة في قرار الابتعاث.

وأخيراً فإننا نأمل من جميع المبتعثين الاطلاع على هذه الإرشادات والالتزام بها ، والالتزام بجميع الضوابط والشروط الموجودة في الموقع والتعود على الاطلاع على الموقع أولاً وقبل التقديم لأي معاملة ، كما نأمل من الطلاب الذين لا يستحقون التذاكر نظاماً ترك الفرصة للملحقية لإنهاء إجراءات زملائهم المستحقين وانتظار الحصول على تذاكرهم في الوقت المحدد لهم نظاماً.

والله الموفق.

الملحقية الثقافية في أستراليا



هذا من ملحقية استراليا واكيد منفذ في كل الملحقيات

اقل فتره لكي يقطعون لك تذكره 9 اشهر

اخواني ..

نظام الملحقه يقول :-
ان الطلاب يستحق التذكر بعد 9 اشهر من بدايه الدراسه

اقتباس:

---

المشاركة الأصلية كتبت بواسطة abdoood

اخواني ..

نظام الملحقه يقول :-
ان الطلاب يستحق التذكر بعد 9 اشهر من بدايه الدراسه

---

صــــــــدقــــــــــــت