رخصة قيادة السياره .. ارجو الإفاده
سلام عليكم
مساكم الله بالغلا والخير ياغالين ..
قرّب السفر .. انشاءالله لولاية جورجيا ..
وعندي استفسار عن موضوع الرخصه والقياده في أمريكا ..
علماً ان رخصتي القديمه ( الكبيره ) باقي لها كم شهر .. وباللغة العربيه فقط ..
//
أولا ً / الرخصة الدولية التي تصدر من المكاتب السياحية هل فعلاَ تستخدم نظامياً لمدة سنه في أمريكا مثل ماقالي الموظف ؟؟ أم لا ؟؟
يقولي أمريكا من ضمن الدول الموقعة على الإتفاقيه .. والرخصه تمشيّك سنه ..
//
ثانياً / وش الإجراءات وياليت بالتفصيل لإصدار رخصه قياده في أمريكا .. وهل الرخصه اذا اصدرتها من أي ولايه تستخدم في جميع الولايات ؟؟
هل مثل هنا يختبرونك على سياره قير عادي وانتهينا والا دراسه و سالفه ؟؟ وكيف طريقة إختبارهم ؟؟
ياليت اللي اصدر رخصه يذكر لنا التفاصيل قد مايقدر ..
\\
آخر شي وش تنصحوني ؟
أجدد رخصتي السعوديه ؟ والا مامنها فايده ؟
أطلع رخصه دوليه ؟
أو
اروح بلا أي رخصه وأطلعها من هناك ؟؟
\\
شاكر ومقدّر لكم ياغالين
أدري طولت عليكم بس حبيت اسأل جميع الأسئله اللي ممكن تدور في ذهن أي طالب ..
علشان الجميع يستفيدون ..
رد: رخصة قيادة السياره .. ارجو الإفاده
حياك الله اخوي :)
تختلف الانظمه على حسب كل ولاية
لكن اكثر المحلات اللي مريت عليها يرفضون الرخصه الدوليه ويقبلون الرخصه السعوديه ( مكاتب تأجير أو مرور )
بعض الولايات يسمحون لك تستخدم الرخصه السعوديه لمدة طويله وبعض الولايات يعطونك مخالفه اذا تسوق بالرخصه الدوليه او السعوديه وانت لك اكثر من شهر في أمريكا
إجراءات الحصول على رخصه امريكيه سهله جدا وبرضو تختلف حسب الولاية
بتكلم لك عن ولايتي
1- تقدم أوراقك وتختبر على كمبيوتر :: اختبار سهل جدا وبعض الولايات توفر اختبار باللغة العربيه
2- يعطونك موعد علشان يختبرونك بالقيادة :: انا اختبروني بسيارتي
اذا تبي نصيحتي
جدد رخصتك السعوديه لأنها مهمه مرهـ
بالتوفيق لك اخي :)
رد: رخصة قيادة السياره .. ارجو الإفاده
والله انا رخصتي منتهية
بس ماراح اجددها ايش استفيد من التجديد بخسر 500 مع تأمين هذي 1000 ريال انا اولى فيها
الي اعرفه الرخصه السعودية ماتمشي عندهم
رد: رخصة قيادة السياره .. ارجو الإفاده
الرخصة السعودية تمشي عندهم .. واعتقد هذا حسب الولاية .. اشوف انك تجدد رخصتك وخذا لجديدة عربي وانجليزي وبتاريخ ميلاد ..
اما عن رخصة الولاية بالنسبة لي اختبرتها على ورق مو كمبيوتر وبعدها اختبار قيادة بسيارتك قير عادي كانت او توماتيك المهم السيارة اللي عندك .. وسلامتك
رد: رخصة قيادة السياره .. ارجو الإفاده
اقتباس:
المشاركة الأصلية كتبت بواسطة MA7MED
والله انا رخصتي منتهية
بس ماراح اجددها ايش استفيد من التجديد بخسر 500 مع تأمين هذي 1000 ريال انا اولى فيها
الي اعرفه الرخصه السعودية ماتمشي عندهم
حبيبي وين عايش انت تأمين الرخصة قد شالوه من زمااااااااان
وتجديد الرخصة حدود 400 ريال لعشر سنوات اتوقع ماهي خسارة لأنهم راح يغرمونك بعدين لو ما سددت
الرخصة الامريكية فعلا تختلف من ولاية لولاية في كلفورنيا
تروح تختبر اختبار تحريري بالعربي ومسموح لك 6 اخطأ تقريبا والاسئلة تلقاها مع الشباب او في النت
وبعدها يعطونك ورقة تعتبر رخصة مؤقته ويعطونك موعد بعد شهر او حولها علشان تختبر عملي
واذا كان عندك رخصة سعودية مسموح لك تسوق بالرخصة المؤقته
واذا ما كان عندك فغير مسموح لك الا بشرط انه يكون راكب معك شخص معاه الرخصة الامريكية
ان شاء الله اكون افدتك.
رد: رخصة قيادة السياره .. ارجو الإفاده
.
الرخصة السعودية الجديدة بها عربي وأنجليزي
وتحرى من الأسبلنق يكون نفس اللي بالجواز ,,,
وتراني أستخدمتها في بريطانيا ومشى الحال ,,,
وأعتقد أن أغلب الدول يتعاملون بها لأن بها فصيلة الدم
والمعلومات عربي أنجليزي,,,
ما أدري عن أمريكا لكن دام بريطانيا وهي من فئة المعقدين يمشونها
فمن باب أولى أمريكا اليسرة راح تمشيها ,,,
وجهة نظر !!
تحياتي,,,
رد: رخصة قيادة السياره .. ارجو الإفاده
اقتباس:
المشاركة الأصلية كتبت بواسطة سيد المدينة
حياك الله اخوي :)
تختلف الانظمه على حسب كل ولاية
لكن اكثر المحلات اللي مريت عليها يرفضون الرخصه الدوليه ويقبلون الرخصه السعوديه ( مكاتب تأجير أو مرور )
بعض الولايات يسمحون لك تستخدم الرخصه السعوديه لمدة طويله وبعض الولايات يعطونك مخالفه اذا تسوق بالرخصه الدوليه او السعوديه وانت لك اكثر من شهر في أمريكا
إجراءات الحصول على رخصه امريكيه سهله جدا وبرضو تختلف حسب الولاية
بتكلم لك عن ولايتي
1- تقدم أوراقك وتختبر على كمبيوتر :: اختبار سهل جدا وبعض الولايات توفر اختبار باللغة العربيه
2- يعطونك موعد علشان يختبرونك بالقيادة :: انا اختبروني بسيارتي
اذا تبي نصيحتي
جدد رخصتك السعوديه لأنها مهمه مرهـ
بالتوفيق لك اخي :)
الله يعطيك العافيه ..
أنا توقعت العكس .. توقعت تمشي الرخصه الدولايه والسعوديه لا ..
مشكور ياغالي
رد: رخصة قيادة السياره .. ارجو الإفاده
اقتباس:
المشاركة الأصلية كتبت بواسطة MA7MED
والله انا رخصتي منتهية
بس ماراح اجددها ايش استفيد من التجديد بخسر 500 مع تأمين هذي 1000 ريال انا اولى فيها
الي اعرفه الرخصه السعودية ماتمشي عندهم
أنا مريتهم .. الرسوم اذا مانسيت 400 ريال فقط .. لأن التأمين على السياره مو على الرخصه ..
والله مدري .. بعد كلام الشباب .. شكل التجديد أفضل ..
منوّر ياغالي
رد: رخصة قيادة السياره .. ارجو الإفاده
أبوغلا
أبو طيف
كحيلان 2010
مشكورييين ياغالين .. بس ماقلتو شي عن الرخصه الدوليه هل ممكن تمشّي أو لا ؟؟
رد: رخصة قيادة السياره .. ارجو الإفاده
انا كانت عندي السعودية وقالو ما تمشي لازم يكون عندك الدولية + السعودية لمدة 3 شهور بعدين تصير لازم تطلع حقت الولاية