عرض للطباعة
السلام عليكم جميعاً
الشباب المتزوجين وان شاء الله طالعين او الي طلعوا .. ممكن تتكرمون و تعطونا شوي من خبرتكم في هالموضوع.. لاني بصراحه محتار وخايف .
مثل ماهو مكتوب في العنوان, هل تفضل تاخذ زوجتك معك الى بلد الابتعاث ؟
أو
هل تفضل ان تذهب سنة دراسه في بلد الابتعاث وبعدها تاخذ زوجتك معك؟
أو
لا تأخذها ؟
السلام عليكم ورحمة الله وبركاته ...
كل اقاربي الي راحوا بعثه متزوجين طلعوا مع زوجاتهم ...
لاتخلي الوساوس او الخوف اواي مكان يفرقكم ..ترا البعاد على اسمه يبعد القلوب ..ولاهو مجال قصص والا كان حكيت ..
نصيحه مني لاتترك زوجتك ابداااا ابدااااا..
خذها معاك ممكن تسجلون معهد واحد وتروحون سوا وتطلعوا سوا ..
ولاتنسى ان تلك الديار مغريات فقرب زوجتك راح يسهل عليك حتى الدراسه ..وبتكون مرتاح نفسيا ..
وتذكر مافي فرق بين اول سنه وثاني سنه ..بالعكس راح تزيد ذكرياتكم الحلوه ..
والحافظ رب العالمين ..
وبالتوفيق ياررب..
افكر اروح لحالي اخلص اللغة وبعدين اجيب الاهل
اعتقد اني راح اتعلم اللغة احسن وامارسها اكثر اذا رحت لحالي
واللغة أهم شي ، اذا ضبطت ـ ضبطت كل الدراسة اللي بعدها
والله كل واحد مسؤول عن زوجته وعياله ..اما الي بيروح ويخليهم ليش يتزوج احسن ..مو كفو ..
ويقولون ليش مافي رجال ..وين الرجوله الي يخاف والي يتردد ..الرجل يكون قوي وحازم اموره ..
سلام
والله اذا الشخص اخذ زوجتة وعيالة وهو ما يعرف يستاجر مايعرف المدينة ما يععرف يتكلم انجليزي انا اشوف ان الواحد يروح يرتب امورة ويتعلم لغة شهرين ثلاثة اربعة بس لا يزيد بعدين يرجع يجيب عيالة
هذا الي انا راح اسوية والله ييسر الي فية الخير
ماااااااااااااااااشااااااااااااااء الله !!!
ناوييين تخلووون حريمكم هااااااااا ؟؟
اجل حتى حنا بنقول نفس الشي
المبتعثااات اللي ازواجهم مرافقين ..
يروحون ويدرسون لغه اول ... مو اهم شي اللغه ؟!!.. والااااااااا يابو لغه ؟؟!!!
وبعدها نرسل لكم تذاكر تجون فيها
يعني انت وياهـ فكرتو بهالسنه شلوون تأسسون نفسكم وسكن وحوسه ومدري وشو
ومافكرتو بهالسنه حريمكم هنا بروحهم شيسووون ؟؟؟
يشيلون هم غربتكم ووالا العيال والا البيت والا .. والا ... والا ...........
يلاااا مااشوف ولا واحد يقول بيخلي حرمته ....
بمشيئة الله إنها طالعة معي على نفس الرحلة
وإن شاء الله ندرس بنفس المعهد
هلا اختي .. شكرا على التعليق.. ويعلم الله ان ما اقدر اغيب عنها يومين .. لكن الظروف فوق كل شيء.. اهي عمرها 17 واخاف امريكا تسوي لنا مشاكل لان العمر بالنسبة للقانون الامريكي يعتبرها قاصر.. وثاني شيء اهي لسه تدرس ..وفي الثانوي.. ف مو حلوة احرمها من الدراسه.. وانا اول مرة اسافر برا .. ولا اعرف شيء هناك.. لكن هذا اخر سبب يمنعني من اخذها معي.اقتباس:
المشاركة الأصلية كتبت بواسطة استغفرالله
اشكر مداخلتك .. وجزاك الله خير
كذا انا فكرت.. لكن الظروف الي ذكرتها للاخت (استغفر الله ) تخليني اطبقها واسوي الي قلته.اقتباس:
المشاركة الأصلية كتبت بواسطة ابوخليفة
صح كلامك ياخوي بس عندي تعليق صغير... انا اقول اذا مافي شيء يمنع انك تاخذها معك الا اشياء بسرعه تخلص وتنحل , توكل على الله ووخذها معك... مثل اذا انت اول مرة تسافر.. اكيد اهي مثلك راح تطلع اول مرة .. لكن تذكر ان انت ماراح تتعذب كل مرة تروح .. خلاص راح تعرف كل شيء من اول اسبوع تقريبا.. و ممكن يكون هذا اصعب اسبوع عليك بس.. ف لو انا ظروفي واقفه على هذا.. كان حتى مافكرت فيها ..اخذها معي وين ما اروح .. حتى السوبر ماركت..اقتباس:
المشاركة الأصلية كتبت بواسطة ssmz
شكرا اخي العزيز على مداخلتك