بخصوص الشيك الملغي والحكومة الالكترونية

مرحبا جميعا

عندي كم سؤال اتمنى تساعدووني بخصوص الشيك الملغي

رحت للملحقية بس ماعطوني الورقة الفاضية اللي تقولون عنها..


1-هل اروح للببنك واخذ الشيك والزقه على ورقة فاضية من عندهم؟؟

2- وش اسم الحساب اللي لازم افتحه بالانجليزي؟؟وهل افتح حساب واحد لي ولمرافقي ولاكل واحد له حساب عشان المكافاءة؟

3-لمين ارسل الشيك هل للمشرف حقي ؟؟؟

وبالنسبة لملفي في الحكومة الالكترونية..

رحت للملف ابي اعدل في بياناتي لكن جنني وهو يطلب رقم للطوارئ دخلت رقم الملحقية مو راضي دخلت رقم شريحة زوجي الامريكية مو راضي يقول لي غلط مدري وش المشكلة؟؟

بليزززز ساعدوني الله ييسر لكم كل امر..

اختي بخصوص الشيك الملغي كل اللي تحتاجينه شيك (معطينك البنك يوم تفتحين حساب) وتكتبين عليه viod بخط عريض وبالخلف معلوماتك كامله وترسلينه فيدكس على عنوان الملحقيه في واشنطن ، ولك خيارين ياتكلمين مشرفك تقولين ارسله بأسم مين او ترسلينه وبعدين تكلمين المشرف انك ارسلتي الشيك ، في كل الحالتين امورك سليمه بإذن الله ،،

اما المرافق ايه كل واحد يفتح حساب عشان ينزل مكافاءته عليه ، كل مكافاءه مستقله

بالحكومه الالكترونيه والامرجنسي ( رقم الطوارئ ) اكتبي هالرقم اول شي

0119665

وبعدين حطي رقم جوال سعودي يكون للطوارئ ( اخوك ، ابوك ، امك والخ )

ان شاء الله اني افدتك لاتنسينا من دعائك
إي اسأله اخرى انا حاضر

الله يوفقك ويسر امرك

مو بس تكتب VOID لازم تكتب عليه من ورا بعد اسمها ورقمها الطلابي و عنوان سكنها يعني معلوماتها ،، عشان يعرفون الشيك لمين ،، انا كنت فاتحه حساب بالبنك ومعطيني شيكات مؤقته واخذت شيك واحد معاي الملحقيه وقالي المسؤول اكتبي معلوماتك ورا مع كتابة كلمة VOID علي الشيك من قدام ..

بالنسبه لنوعيه الحساب انا انصحك تروحين ل Bank Of America
وتقولين لهم ابي حساب طالب عشان مايصير عليه رسوم
وخلاص بيعطونك بطاقه وشيكات و حسابك اون لاين

بالنسبه للمرافق ماله شيك خاص فيه .. الملحقيه تنزل مكافأة المبتعث والمرافقين كلهم بحساب المبتعث نفسه ..

بالتوفيق

مشكور اخوي ابو فهد

بس الشيك قصدك نرسله للملحقية صح مش السفارة؟؟

وبالنسبة للحكومة الالكترونية..

زوجي المرافق هل يحتاج اضيفه ولاخلاص هو مضاف لاني لقيت هالعبارة You have no Dependants....


وربي يجزاك الخير

اقتباس:

---

المشاركة الأصلية كتبت بواسطة ابوفهد2000

اختي بخصوص الشيك الملغي كل اللي تحتاجينه شيك (معطينك البنك يوم تفتحين حساب) وتكتبين عليه viod بخط عريض وترسلينه فيدكس على عنوان السفاره في واشنطن ، ولك خيارين ياتكلمين مشرفك تقولين ارسله بأسم مين او ترسلينه وبعدين تكلمين المشرف انك ارسلتي الشيك ، في كل الحالتين امورك سليمه بإذن الله ،،

اما المرافق ايه كل واحد يفتح حساب عشان ينزل مكافاءته عليه ، كل مكافاءه مستقله

بالحكومه الالكترونيه والامرجنسي ( رقم الطوارئ ) اكتبي هالرقم اول شي

0119665

وبعدين حطي رقم جوال سعودي يكون للطوارئ ( اخوك ، ابوك ، امك والخ )

ان شاء الله اني افدتك لاتنسينا من دعائك
إي اسأله اخرى انا حاضر

الله يوفقك ويسر امرك

---

عفوا اخوي بس ترا مش صحيح كل واحد له حساب ..

انا وزوجي و ولدي مكافأتنا كلهم تنزل بحساب واحد اللي هو حسابي وزوجي كان فاتح له حساب لحاله وقالوا لنا الملحقيه لا كلكم بحساب المبتعثه او المبتعث والمرافق ماينزل له لحاله .. وهالكلام قبل ٤ شهور ..

اقتباس:

---

المشاركة الأصلية كتبت بواسطة H2n

عفوا اخوي بس ترا مش صحيح كل واحد له حساب ..

انا وزوجي و ولدي مكافأتنا كلهم تنزل بحساب واحد اللي هو حسابي وزوجي كان فاتح له حساب لحاله وقالوا لنا الملحقيه لا كلكم بحساب المبتعثه او المبتعث والمرافق ماينزل له لحاله .. وهالكلام قبل ٤ شهور ..

---

اختي زميلي جاي مع اخته طلبوا منهم كل واحد رقم حسابه .. ونزل لهم راتب ثلاث ايام في حساباتهم ( هالكلام الاسبوع اللي راح ) :)
يمكن يقدرون يخلونها حساب واحد هذا مادري ، انا تكلمت عن حاله شفتها ونقلتها للفائده ..
وشكرا ً على زيادتك للمعلومات

عفوا اختي فتون بقول الملحقيه قلت السفاره

اقتباس:

---

المشاركة الأصلية كتبت بواسطة ابوفهد2000

اختي زميلي جاي مع اخته طلبوا منهم كل واحد رقم حسابه .. ونزل لهم راتب ثلاث ايام في حساباتهم ( هالكلام الاسبوع اللي راح ) :)
يمكن يقدرون يخلونها حساب واحد هذا مادري ، انا تكلمت عن حاله شفتها ونقلتها للفائده ..
وشكرا ً على زيادتك للمعلومات

عفوا اختي فتون بقول الملحقيه قلت السفاره

---

غريبه صراحه !! يعني الملحقيه كل مره لهم رأي ؟؟
ولا يمكن الزوج المرافق غير الاخ المرافق ؟؟

طيب شف هذا الموضوع .. الكاتب زعلان يقول ليه انا واختي بحساب واحد ( اخته المبتعثه)
http://www.mbt3th.us/vb/forum40/thread175491.html


مشكور

اقتباس:

---

المشاركة الأصلية كتبت بواسطة H2n

غريبه صراحه !! يعني الملحقيه كل مره لهم رأي ؟؟
ولا يمكن الزوج المرافق غير الاخ المرافق ؟؟

طيب شف هذا الموضوع .. الكاتب زعلان يقول ليه انا واختي بحساب واحد ( اخته المبتعثه)
http://www.mbt3th.us/vb/forum40/thread175491.html


مشكور

---

شفت الموضوع ، غريبه .. او يمكن غيروا النظام او انهم يمشون على البركه ( شغل طقها والحقها )

ولاهوب مستغرب من ملحقيتنا !!!

السلام عليكم
بالنسبة لي انا ارسلت فدكس الى الملحقية ماسوت شي
وعن طري الحكومة الالكترونية ولا صار شي بعد
واخر شي كلمت على الادارة المالية 2022988832
وقالت الموظفة ارسل على الفاكس الشيك ومعلوماتك كاملة
رقم الفاكس 2022988875
والحمدلله كل شي صار تمام
اللي اعتقده انه المبتعث والمرافقين بحساب واحد بس اتصلي عليهم وتاكدي بنفسك
اما بنتي *نايا* فاضفتها عن طريق الحكومة الالكترونية
بس انا كنت ارسل ايميلات للمشرف الدراسي حقي وهو كان بعد يتابع الموضوع

بالتوفيق للجميع

راح يجيك ايميل من مارتن وفيه النموذج اللي تحطين فيه الشيك
تطبعينه وتكتبين معلوماتك فيه وتحطين الشيك وتسوين له سكان وترسلينه على نفس الايميل

اما الحساب تطلبين ستيودنت اكاونت وهم يحطون مرافقك معاك وانتي صاحبة الحساب ولكم بطاقتين
واذا هو يدرس والحق بالبعثه يصير له حساب لوحده

اذا ما وصلك الايميل انا ارسله لك عندي النموذج

موفقه يارب