انا ما صورت ايصلات الفيزا ,,!!!

السلام

ياليت احد يفيدني
انا ما صورة ايصلات الفيزا
وهي مره مطلوبه ما يتم التعويض الا فيها
من يعرف طريقه اقدر اخذ صور من ايصال الدفع ؟؟؟
مع اني كنت دافعه كاش للبنك؟؟
هل ارسال البنك؟او السفاره الامركيه ؟
دلوني رجائا:dry:

انا نفس الكلام ياليت احد يدلنا

وانا كمان يارييييييييييييت

هذي صارتلي و راحت علي الفلوس. ممكن ترجع للبنك و تطلب منه انه يطلعك الايصال بس صعبة شوي
ممكن تصوري الفيزا نفسها كاثبات انك دفعتي لانه مافي فيزا تطلع من غير رسوم بس ما ادري اذا يقبلوها او لا

مافي حـل .. خلف الله عليها :p

اللي يقولوا مستحيل يعوضك عطونا اثبات ..لأنو بصراحة مو منطق عشان ماصورت الايصال مايعوضوني؟
اعتقد انو الفيزا اكبر دليل على انك مسدد رسومها ..

ايه الفيزا دليل انك دافع بس الوزاره طالبه صوره الايصال لكي تضمن عدم تلاعب احد بالملحقيه
لان كل المبتعثين يحطون صور الفيزا حقتهم بالملف حقهم الي بالملحقيه,,يعني يمديهم يرسلون الصور ويطالبون بالفلوس ويحطونها بجيبهم
لاكن الايصال عو الدليل الي يدل ان الي مطالب بالفلوس الطالب نفسه وانه حريص عليها وجايب الوصل معه
علشان كذا ما يقبلون الفيزا بلحاله

والله مشكله تروح الفلوس اكيد فيه حل بس ياليت الاخوان يتفاعلون معنا اكثر

اختي مآلك الا تجربين ترسلين صورة الفيزآ .. وان شاء الله يعوضونك ..

موفقه

انا كمان ماعندي صورة الفيزا

وتم اخذ الصورة بالسفاارة

علماً اني دافع الرسوم عن طريق النت(عن طريق مكتب)

مالعمل

تقصدون ان الملحقية تعوضنا مو الجامعة ؟؟

انا بعد مثلكم؟ لازم لنا حل

اقتباس:

---

المشاركة الأصلية كتبت بواسطة تحدي

تقصدون ان الملحقية تعوضنا مو الجامعة ؟؟

---

الوزاره الي تعوضنا عن طريق الملحقيه
وش دخل الجامعه ههههههههههههههه؟؟؟

بعدين صور الفيزا ما يفيد قلت للملحقيه انا قالو لازم صور الايصال معها
راجعت البنك ما قدر يطلع لي لاني كنت دافعه كاش قال لو دافعه بالبطاقه كان قدرنا نطلعها
والي دافع عن طرق النت يمديه يطلع الايصال من الموقع
بس انا الي راحت علي والي دافعين كاش:help:

ام عزوز خيتوة

متأكدة انتي من هالشي

اقتباس:

---

والي دافع عن طرق النت يمديه يطلع الايصال من الموقع

---

طيب شلون الطريقة

اذا ممكن

اعتقد ممكن تروحو سامبا تطلبو كشف حساب .. بس اعتقد هالطريقة تنفع للناس اللي عندهم حسابات فسامبا
كشف الحساب يبين لمين تم ايداع المبلغ .. واللي دفع بالنت برضو يقدر يجيب كشف حساب من الموقع من حسابه الاون لاين ويختار عرض كشف حساب ويختار الفترة الزمنية .. ويطلع باسم مشتريات سامبا كونكت .. بس دوبي شيكت عندي لقيت انه تفاصيل الايداع مو موجودة لمين غريبة .. بس ايامها اول ما دفعت كان مكتوب انه للسفارة الامريكية .. انتو شيكو وشوفو

موفقين

ترا كلهاا خمس ميه ريال

<<<<< من كثر ما دفعت ضرايب وخرابيط صارت الخمس ميه مثل الريال

^
^
الـ 500 مو شوية ابدا !!!!!

انا راسلت السفارة بعد اسبوعين تقريبا وقلت عطوني بالفاكس صورة من تسديدي للرسوم قالوا خلاص تخلصنا منها
جربت وراسلت الملحقية بالفيز بس بدون رسوم ردوا علي قالوا مانعطيك الا بصورة من ايصال التسديد

يعني بالمختصر المفيد اذا ماعندك ايصال يفيد بتسديدك
او اذا انت ماعندك حساب في البنك حق سامبا وحولت منه وتقدر بسهولة تجيب ورقة تفيد بانك حولت من حسابك للرسوم ولا انسى الموضوع خلاص راحت عليك

الموضوع يغلق
مسوي مشرف ههههههه

اقتباس:

---

المشاركة الأصلية كتبت بواسطة طبيب عازب

ترا كلهاا خمس ميه ريال

<<<<< من كثر ما دفعت ضرايب وخرابيط صارت الخمس ميه مثل الريال

---

والله إنك صادق كلها 500 ريال , يعني مايقارب الـ 134 دولار .
اللي صور الإيصالات يرسلها بس اللي ماصور ماله داعي يتعب نفسه مافي شي يستاهل .
وأصلا شرط وجود الإيصال شرط غبي لأنه كيف طلعت الفيزا من غير ماأدفع , المسأله تعقيد مو أكثر .