الطقس في امريكا طوال العام
السلام عليكم
انا عندي استفسار بخصوص اجواء الطقس طوال العام في امريكا
يعني الولايات الشرقية مثلا كم اعلى درجة في الصيف وكم ادنى درجة في الشتاء ووكذلك بالنسبة لجميع الولايات
وانا ما اتحمل البرد نهائيا لذلك ياليت انكم تدلوني على الولايات والمدن الاقل برودة طوال العام بالذات في الشتاء
انا في انتظار ردودكم ومشاركاتكم وجعل هذا الموضوع لكل من اراد ان يعرف الاجواء في امريكا طوال العام
رد: الطقس في امريكا طوال العام
بكل بساطة في الموقع ذا دخل اسم المدينة او الرمز البريدي وشوف الأجواء وتقدر تختار وتشوف الجو طوال العام او باختيار شهر معين او متوسط او اعلى او اخفض درجة حرارة تمر على المكان اللي تبيه
يعني انت حط في بالك وش تبي وابحث .. ترا النت مصدر رائع بس العرب ما يستغلونه !!
www.weather.com
www.wunderground.com << أفضل ذا الموقع
الطقس في الشمال الشرقي حار في الصيف بارد في الشتاء .. وحار قصدي توصل 35 في الصيف و بارد قصدي توصل -15 اي 15 الى 20 تحت الصفر في عز الشتاء بس ترا والله بردهم زين لولا الثلج والقلق
عندك الجنوب لويزيانا رطوبة وحر تجيب الهم
اريزونا كأنك جالس في الرياض نفس الجو حر ولا فيه مطر ولا شي
كولورادو باردة بشكل عام طول السنة
ابحث والا عطني مكان معين وابحث لك عنه .. لأن امريكا قارة مو دولة او مدينة .. اذا السعودية اجوائها تختلف من مكان الى مكان فما بالك بــ قااااااارة
اتمنى اني افدتك واي شي قللي وما يصير خاطرك الا طيب
رد: الطقس في امريكا طوال العام
تسلم أخوي الكنق على الموقع الرائع
الله يعينا على جو كولورادو
رد: الطقس في امريكا طوال العام
انا اعتقد كل ما اتجهت الى الشمال يكون اكثر بروده.....يعنى الولايات الشماليه اغلبها بارده....بالتوفيق
رد: الطقس في امريكا طوال العام
مشكور اخوي كينق ما قصرت بس المشكلة ما افهم انجليزي توني اتعلم قاعد ساعة افتر في الموقع وما فهمت شئ فيه
وياليت انتم تعلموني عن الولايات والمدن الاقل برودة مو تقولون 20 تحت الصفر واااااااااااااااااااااااو والله اروح فيها
وايضا فيها جامعات حلوة اجرءات القبول فيها سهلة
وشكرا للهيامي وهيما على مروركم
رد: الطقس في امريكا طوال العام
^^^
انت يصلح لك فلوريدا ولا تاكساس :p
سؤالك حقيقه صعب :D
رد: الطقس في امريكا طوال العام
كيف جو فلوريدا وتكساس في الصيف والشتاء
رد: الطقس في امريكا طوال العام
الصيف مثل الريااض ,, والشتاء برد .. بس اعتقد في مناطق في فلوريدا مو بارده فالشتاء
رد: الطقس في امريكا طوال العام
وين اهل امريكا
والله عيب هذا الموضوع ذات اهمية كبرى بالنسبة لي
رد: الطقس في امريكا طوال العام