أيام حلوة كانت في امريكا وأنشاء الله ترجع قريب
موفقين ياشباب .
عرض للطباعة
أيام حلوة كانت في امريكا وأنشاء الله ترجع قريب
موفقين ياشباب .
والله اخوي انا متواجده في عاصمة ولايه كاليفورنيا ( ساكرمنتو)
كاليفورنيا ولايه غاااليه جداا حتى القرى فيها غاااليه ..
مدينتي تعتبر من ارخص المدن فيها مع انها العاصمه لكنها مدينه عاديه وليست سياحيه..
نسبة الضرائب ٨.٢٥ ٪
عدد السكان تقريبا ٥٠٠ الف
هاديه وتصلح للعوائل .. اسعارها متوسطه الى غاليه
ومثل ماقلت لك تعتبر من ارخص مدن كاليفورنيا ..
نصيحتي اذا انت بتعتمد على المكافأه بس بدون دخل ثاني كاليفورنيا ماتصلح .. يعني مثلا عائلتي مكونه من ٣ اشخاص انا وزوجي و ولدي والمكافأه يالله يالله تكفي سكن فواتير واكل وبنزين سياره ، وآخر الشهر نطفر ونجلس نحتري المكافأه تنزل.. الترفيه والتسوق والسفر فلوسه تجينا من السعوديه يعني حسبه ثانيه تماما.
اشكركم كل من شارك ...
بس حبيت اعرف متوسط اسعار الشقق في الولايتين تقريبآ اذا انا في هيوستن مثلن في شقه يعتبر السكن 5 ستار 866 دولار
بدون الفواتير..
اشوفها غاليه بس دامها في مكان ارتاح فيه مافي مشكله والمعيشه انت وصرفك من ناحيتي ماني راعي صرف الا بعض الاوقات ويك اند مثلن ولاهو كل ويك اند حتى ...
انا عندي مبلغ احتياط بس مافكرت اني استعمله ابدآ بداية دراستي يعني مخليها احتياط لأي ظرف كان
جزاكم الله خير جمعيا ووفقكم الله دنيا واخره
انا ساكن مع عائلة في سان رافاييل مدينة جميلة مرة وطبيعة خلابة وسان فرانسيسكوا قريبة مرة
الايجار طال عمرك مع العائلة 1010 دولار ويقولون في اقل بس يعتبر غالي بس اللي مصبرني المعهد مرة رائع بمعنى الكلمة يعني تشتاق للدراسة والرجوع له
مرحبا اخوي ..
أنا من سكان كاليفورنيا وأعرف مجموعة من الاشخاص هنا في لوس أنجلوس وفي سان فرانسيسكو
متوسط أسعار الشقق غرفة+ دورة مياة+ مطبخ +صالة .. من 1000 دولار وهذا قليل إلى 2000
حتى السكن مع العوائل مقارب لهالاسعار .. وإذا كنت أعزب ومضطر للسكن هنا أنصحك تشارك أكثر من واحد
غير أسعار المواصلات + الاكل والشرب + فاتورة الكهرب والغاز إن وجد ..
يعني أقل شي تصرفه فالشهر 2000 دولار بالراحة ..
ومدام توك ماوصلت فلك الخيار .. وأنصحك ماتختار لوس انجلوس أبدا ..
المدينة سيئة جدا .. جدا .. نسبة الامريكان هنا 20% والبقية جنسيات من أنحاء العالم
المتشردين شي فضيع .. وبكثرة في كل مكان الله يعافينا مما بلاهم ..
والخافي أعظم ..
أعتذر ع الاطالة .. ولعلي أفدتك ..
انا في مدينه اوستن عاصمة ولاية تكساس المدينه كبيره جدا وجمليه ورخيصه مقارنه بالولايات الثانيه وفيها معاهد وجامعة قويه
سعر السكن غرفه وصاله وصاله طعام صغيره مع المطبخ ودورة المياه اعزكم الله 650 دولار بالشهر طبعا من غير الفواتير
المدينه حلوه بس المتزوج مثلي يبغاله سياره اما العزابي يقدر يمشي نفسه بالباصات فيه مجانا وفيه بفلوس بدولار واحد او اشتراك شهري
انا اشوف ان الواحد يشوف اهم شي المعهد اللي يدرس فيه لانه راح يغير الولايه بعدين حسب قبول الجامعه والتخصص
مع خالص تحياتي
ياهلا والله اخوي الاسعار لا تخاف مهب غاليه
انا في فلوريدا مدينة تامبا اسعار متوسطه ولاتقارن في كالفورنيا
وانا اعتبرها رخيصه
وبالتوفيق لك
انا بسان دييغو والاسعار تقريبا غاليه
شقه غرفه وحده وحمام وانت بكرامه و وصاله ومطبخ من 900 الى 1200 او 1500 في بعض المناطق
بالنسبه للمعاهد لاتتعب نفسك وتفكر بهالمدينه لأن اطلق معهد فيها مقفلته الملحقيه .. الباقي لك عليها ومن بينها معهدي ..
وسكن العوائل يتراوح من 600 الى 800 وتقريبا 800 دولار يعني ضاحكين عليك الا شوي :p