عرض للطباعة
السلام عليكم ..
انا ناويه اكمل ماستر ان شاء الله في ويست فرجينيا مورقن تاون .. حابه استفسر عن العرب فيها وكيف الجو .. والسكن غالي والا رخيص .. وياليت الي عنده فكره عن جامعه ممتازه في البزنس يقولي عنها ..
.. وسمعنا ان سكانها عنصريين ما ادري صحيح والا لا ؟؟
ياليت الي عنده فكره مايبخل علينا في الرد ..
بالتوفيق للجميع يارب
لا حرام ولا احد يعرف عنها شي ؟؟
اممممممممممممممممم انا حسسب علمي فرجينيا كلها ما فيها عنصريه
وللمعلوميه كلام الناس هذا ولا بدولار >يعني ولا بريال ههههههههههههه
يعني توكلي على ربك ولا تسمعين احد وبالنسبه للبزنس موجود بنسبه 95 % بجامعات امريكا
بالتوفيق
السلام عليكم ورحمه الله وبركاته ...
اولاً اهلا وسهلا بك الى مدينه مورقان تاون وان شاء الله تعجبك
ثانيآ :- انا رحلتي ان شاء الله 8 اوغست جده - واشنطن بعدها لمدينه مورقان تاون
المدينه شبه صغيره , مدينه دراسيه , العنصريه غير موجوده ,جوها اكثر من رائع , تكثر فها الانهار , طبعآ الارض خضراء طوال العام
الجو بارد بالشتاء واغلب االاحيان الارض ما تشوفينها من الثلوج , وقت الشتاء قد يصل ارتفاع الثلج 25-30 سم
وبالنسبه للعرب كثيررر
العربي مدينه تصلح للعوائل .
اي استفسار انا حاضر خيتؤ
المعلومات اللي ذكرتها عن اخوي و ولد خالي هناك
يعني موثوقه ,
اتمنى اني افدتك
تحياتي
اقتباس:
المشاركة الأصلية كتبت بواسطة هتـ ـ ـآف
يعطيك العافيه اخوي على الرد .. طيب بسال في محجبات كثير هناك والا كيف .. لاني بصراحه خايفه كثير من هذي الناحيه وشايله هم ..:sad2:
مدينه مورقان تاون كلها طلبه يعني تعودو على شوف الحجاب والغطاء
واغلب البنات متحجبات
ولد خالي يدرس ماستر هو و زوجته , تروح معاه وهي متغطيه , يعني الوضع عادي جدآ
الله يوفقك اختي وانا بالخدمه بآي وقت
تسلم اخوي والله يوفقك يارب ويسهل دربك .. توصل بالسلامه
الله يسلممك اختي
وان شاء الله اشوفك قريب عندنا
الله يوفقنا وياك
تحياتي لكـ
الله يسمع منك يارب ..
انا كنت في الولاية قبل كم شهر المدينة رخيصة و الشعب ماعليه منك و متفاهم الجامعة ممتازة و ارامكوا تبتعث طلاب هناك في قسم الهندسة اذا تدورين مدينة ما فيها عرب او سعوديين في امريكا اقولك ما فية امل حاولت قبلك بس مستحيل مليان عرب هناك. اسعار السكن 850 دولار غرفتين و صالة و دورت مياه الله يكرمك ميزت المدينه ان فيها قطارات مجانية لطلاب الجامعة تتنقل في كل انحاء المدينة بس لا تتوقعين انك بتشوفين امريكا الي بالفلام حطي في بالك اتك بتدرسين وبس و اذا جا وقت الوناسة روحي على فلوردا او كلفورنيا اكثر السعوديين كذا يرصون على نفسهم اوقات الدراسة ثم اذا جت اجازة رحنا على فلوردا او اي ولاية حلوة
بالتوفيق
اقتباس:
المشاركة الأصلية كتبت بواسطة hah666
تسلم اخوي .. انا مو همي الترفيه كثير لان الواحد رايح يدرس بصراحه .. بس شايله هم الغربه .. يالله ربك يسهل
السلام عليكم : حبيت اسال عن west virginia university كيف المعهد حقها صح المدينة فيه عنصرين