الملحقيه وما ادراك ما الملحقيه؟؟؟

السلام عليكم ورحمة الله وبركاته

حبايبي واخواني وخواتي المبتعثين
شخباركم ان شاء الله بخير
والله يوفقكم بدراستكم وترجعون رافعين روسكم بشهاداتكم
اللهم اميين يااااارب


انا عندي مشكله وحبيت استفسر منكم بما انكم اعرف مني

انا قدمت على معهد els بكاليفورنيا بمدينه سان رافييل
وجاني القبول وبعده قدمت على السفارة والحمد لله قابلت ووصلت الفيزه
مسجل فيها اسم الولايه والمدينه
ودراستي تبدا بـ 20 سبتمبر

وطبعا انا رايح على حسابي واول ما اوصل لواشنطن بقدم على الملحقيه

لكن بعد ماقريت عن المدينه والولايه استخرت ونويت اغير الولايه

وقررت اروح لولايه كارولينا وبقدم على معهد هناك وبجيب قبول جامعه من هناك
هل الملحقيه تقبل قبول المعهد الي بجيبه من كارولينا
ولا انه تجبرني اروح للمعهد الي بالولايه المسجله بالفيزه وهي كاليفورنيا ؟

او اني اجيب قبول معهد من الولايه الي ابيه واقدمه على الملحقيه
واروح على طول لولايه كارولينا يعني بالعاميه (اسحب على ام els)
او فيه مشاكل بالطريقه ذي


اتمنى منك تفيدوني والله راح تاخذون اجري
ويسلموا واسف ع الاطاله ..

السلام عليكم
اولا الله يوفقك وين مارحت
وانا مثلك دراستي في 20/9/2010 في كالفورنيا في مدينه هايوارد وتحديدآ في جامعه كلفورنيا في ايست باي
والصراحة حبيت استفسر منك وش الي قريته عن كلفورنيا عشان تغير رايك عنها

وبالنسبه لأستفسارك بالصراحة ماقدر افيدك فيه بس اتوقع لو تخاطب الملحقية يمكن يفيدونك اكثر

والله ياخوي نايف الصراحه الي خلاني اغير رايي فيها هو غلا المعيشه بشكل غير طبيعي
والصراحه بيني وبينك نه لي جماعه بروح لمهم

على حد علمي إذا طلعت الفيزة على المعهد اللي في كلفورنيا لازم تروح تدرس فيه أول وبعدين تطلب تحويل من المعهد إلى المعهد الجديد .. لكن انتبه تروح للمعهد الجديد وتترك المعهد اللي مسجلك بالفيزة ...

شكرا لكم عالايضاح والمعلومات القيمة

مافيه اي مشكله وباذن الله الامور بسيطه

اول ماتوصل ان شاءالله تروح للملحقيه وتعيهم اوراقك ولاتقولهم اي شي عن التحويل

وبعد ماتخلص اوراقك تطير على الديره اللي انتي تبيها

وتروح للمعهد اللي انت تبيه وتعطيهم اوراقك وتقول انا عندي قبول بكالفورنيا وابي احول عندكم مباشره يعطونك قبول جديد وهم يراسلون معهدك القديم ويسحبون اوراقك من عندهم بكل سهوله

يعني لاتروح الى ال اس اي ولاشي مباشره على الديره اللي انت تبي

بالتوووفيق لك ودعواتك

up................................

والله ياخوي رويال فيه ناس حذرتن وناس تقول مافيه مشكله وانا الحقيقه محتار
والحين فيه وقت ويمديني اجيب قبول من المعهد الثاني وبالولايه الجديده
بس الي مخوفني ان فيزتي مكتوب فيها اسم المدينه الاولي والولايه
لكن ياليت اذا احدن عنده خبر يفيدنا ولكم مني الشكر والتقدير

انا اللي اعرفه انه لازم تروح للمعهد اللي بفيزتك وبعدين تحول او تقدم على فيزا من جديد
انت للتاكيد استفسر من المعهد الجديد واشرحلهم حالتك وهما ادرى بنظام الايميجريشن
اما الملحقية ما اظن عندهم مشكلة

انا مسوي هالشي اول ماجيت يعني تجربه شخصيه

انا طبعا جاي على حسابي يمكن المبتعث على الوزارة يفرق