جهزت كل شيء وبالاخير انصدمت,.!

السسلام عليكم ورحمة اللله وبركاتة

أخواني أخواتي


انا معي قبول معهد وجامعة في تنسي مارتن


من شهر 4 وسويت تأجيل الى شهر 8
في اخر 8

المهم ياخوان

طلعت فيزتي وسويت حجز وأكدت الحجز وكل شيء


لكن تفاجات بأن المعهد أقفل بسبب التكدس

وش الحل وربي تعبت نفسيأ

والله علمي علمك طيب شوف احد برا من الطلبه السعودين يشوفلك قبول باقرب وقت ومتاكد اللي هنا لو يقدر ماحيقصروا من جد شي يقهر


موفق يارب ^_^

اخووووي والله مقدره تعبك النفسي :)
واتمنى الاخوان والاخوات يفيدونك:)
بس باقولك شي اكثر من الاستغفار وارجع اقرا توقيعك صراحه قليله فيه كلمة رائع....بالتوفيق

شوف لك معهد ثاني ,, وش فيك وقفت مكانك !! دور غيره وحاول ,, مشكلتك بسيطة باذن الله,, واسال اكثر من شخص لين مايجيك معهد ثاني في نفس المكان ومعترف فيه وتدخله
الله يوفقك ويسهل امرك ,,, امورك بتكون كويسة

سافر بمعهدك وفيزتك الحاليه من غير ماتغيرهم لان الاجراءات راح تطول

ولمى توصل ان شاءالله شوف لك اقرب معهد ثاني او انت حاطه في بالك وتروح لهم ويسوون لك تحويل من معهدك الاول ويقبلونك عندهم مباشره

من غير ماتروح لمعهدك الاول

غير معهدك , مافيها شي.. لسه قدامك تقريباً 20 يوم الين السفر

تقدر تجيب I20 ثاني من معهد ثاني, بس لازم تتحرك من الحين !

تواصل مع الملحقية وأخبرهم باللي حصل ومالعمل؟؟ ,
ممكن تدخل امريكا بالقبول الحالي ومن هناك تغير الى معهد غير مقفل,
الان اذا غيرت المعهد لا بد التأشيرة تتغير ,,,,الخ

ولا تنسى الكلام اللي موجود في توقيعك,,
تحياتي

أعتقد مافيه مشكلة بالنسبة لك لأنك مسجل فيه من زمان
أي أنه اعتبر معهد به تكدس مع العلم بأنك طالب فيه و محسوب طالب بذلك المعهد والله أعلم
اذهب للوزارة ةأسأل بنفسك وتأكد حتى لاتندم فيمابعد
إن شاء الله ماعندك مشكلة

ياخوي اذا تاريخ قبولك قبل تاريخ الإقفال ماعليك مشكلة إن شاء الله
ماهوب ذنبك إن الملحقية قفلت بعد ماجبت قبولك

إذا أنت دارس على حسابك الخاص فما عندك أي مشكلة إن شاء الله

تواصل مع الملحقية ووضح لهم موضوعك من البداية


بالتوفيق لك

يابن الحلال ازين لك .. وتراها خيره

المعهد زفت والمدينه ازفت من الزفت

كنت فيها 6 شهور .. مادرست إلا 3 شهور .. وثلاث شهور غيااب ..

فـ نصيحه فرصه ابعد عنها ..

الله يوفقك ويسهل امورررررك ان شاء الله

طيب ياخوان وش الحل ,.؟

ابي معهد ثاني لكن ماعندي ضمان مالي والله ياخوان النفسية زفت ابي احد يفزع لي بمعهد ثاني

والله لدعي له من كل قلبي

ياخوان تكفون ابي قبول معهد لكن ماعندي ضمان مالي والي يخليكم انا في أمس الحاجة لهذي المساعدة

الكلام الأكيد ياخوي أنه لا تخاف...
مثل ماقالوا الأخوان اللي قبلي...أنت محسوب طالب عندهم من قبل ما يعلنون الإغلاق...
إذا أنت مسجل في جامعة أو معهد ثم أقفلت بعد تسجيلك و أوقفوها فالشي ذا مايشملك لا تخاف!
روح و الله ييسر لك...و حلو أيضا تتأكد من الملحقية بأمريكا بايميل انشالله ما يقصرون معك.


و أنا حاولت أغير المعهد تبعي من السعودية قبل ما أوصل أمريكا لأني كنت أبغى معهد ثاني لكن الملحقية قالت لي لاااا صعب جدا تعال امريكا و يصير خير...لأنو زي ماقالولك قبلي رقم السيفيس مربوط بتأشيرة دخولك و بتدخل بدوامة ثانية خاصة أنو الواحد مايصدق ع الله فيزته تتطلعه.

اذا صدرت التأشيره ماينفع تغير المعهد من هنا

رايي سافر و غيره بدوله الابتعاث

بالتوفيق لك يارب

اذا اانت ع حسابك الخاص ف لاتتوتر
لأن سالفة الأغلاق تشمل المبتعثين على حساب الدولة
ومارح يقولون لك اطلع من المعهد لأن فيه تكدس ولارح يوقفو امورك
انت مسجل عندهم من زمان قبل لايتقفل

الله يوفقك ويسهل امرك

موفق أخي الغااالي ....

أخوي أنا تقدر تقول داخله عرض
بس خلاص مثل ماقالوا الإخوان توكل على الله وبلغ الملحقية بتاريخ تسجيلك
أنه قديم وإذا أشاروا عليك بمعهد ثاني حول عليه وكل الإجراءات راح يوضحونها لك هناك
توكل على الله هذا كله قلق لأن الواقع هناك تجهله لكن ثق بتجربة الآخرين خاصة في مثل وضعك...
الله يوفقك

اخوي شلون دريت انه مقفل ..

ثآني شيء .. كانك معتمد على موقع الملحقيه تراه مقفل نص معاهد امريكآ ..

انا نفسك قبل لا اجي مكتوب مقفل يوم جيب والله ولا قالوا ولآ شيء ..

لآ تقلق ابد وحاول ماتدخل النت واجد .. والله يضر اكثر من انه يفيدك ..

موفق