-
الي تقديره مقبول أو جيد ينتحر يعني ؟
السلام عليكم
لي أسبوع أدور في المواقع عن جامعة تقبل بمعدل مقبول أو جيد
طبعا عمنا قوقل المشهور ب(شيخ الخراطين ) ماقصر عطاني من يمين ومن يسار وطبعا شيخ الخراطين قعد يدلني على ناس تخرط على ناس مساكين مثل حالتي
دخلني على مواضيع فيها ناس تضرب صدورها بايديها وتقول خذ هذا الرابط تجي تدخل تلقى الجامعة ماتقبل اقل من 3 طيب مافكرت ياخي ان فيه ناس ممكن ترسل ملفها لمثل هالجامعات ويقعد ينتظر شهر او شهرين وبالاخير يقولون له ماقبلناك معدلك تحت المطلوب ؟ وضيع من حياته فصل دراسي كامل ووقت وفلوس
الي ابي اقوله الناس الي لقت قبول بنفسها وهي معدلها جيد او مقبول ( مو والله سمعنا )
يجي يخدم اخوانه واخواته
انا محتاسة ابي قبول ماجستير لتخصص TOESL ولا TESL ولا Linguistics في اي مكان معدلي جيد ومعي ايلتس خمسة ونص
لاتخاف ماحد بيقول روح جيب لنا قبول بس عطنا اسم الجامعة وحنا بنتعافر معها لين تقبلنا
بديت احس ان الموضوع مستحيل يعني ضحكوا علينا يوم قالوا امريكا هي بلد المقبول ولا ايش
ولا خلاص المفروض الي متخرج بتقدير جيد ولا مقبول خلاص معد له امل المفروض معد يفكر يدرس !!
HELP
-
رد: الي تقديره مقبول أو جيد ينتحر يعني ؟
صراحه دخلت على الموضوع بعدما شدني جدا ((تم ترشيحك))
الله يكتب لنا ولك الخير ويتم ترشيحك على ارض الواقع قريبا بأذن الله
اتمنى من الي عنده معلومة يتفاعل معانا
-
رد: الي تقديره مقبول أو جيد ينتحر يعني ؟
والله اختي اللي اقدر افيدك فيه بروح الجامعه شخصيا وأسألهم لك وانشالله الاقي عندهم قبووول او يعطوني روابط او ارقام جامعات موثوقه تقبل هالمعدل بهالتخصصات
اهم شئ تكون عزيمتك قويه وانا انشالله بكره او بعده بالكثير برد لك خبر
تحياتي لك
-
رد: الي تقديره مقبول أو جيد ينتحر يعني ؟
بالنسبة لي معدل مقبول وجاب لي القبول مكتب بالرياض وريحني من البحث...
ان كان تبين اسم المكتب ورقمه ابشري..
الله يوفقك وتحققي نهدفك..
-
رد: الي تقديره مقبول أو جيد ينتحر يعني ؟
كم معدلك بالضبط , لان الجيد من 2.75الى3.74 كلهم جيد لكن فيه فرق كبير
-
رد: الي تقديره مقبول أو جيد ينتحر يعني ؟
مشكورين الله يخليكم ويوفقكم
معدلي 2.9 من 5
يامساعد
قاانوني لا والله مابي اسم المكتب عشان ياخذ مني 2000 ريال والشغلة كلها رسالة لاانا بسويها بنفسي لغتي تمشيني ولله الحمد اذا تبي تخدمني وتخدم ناس كثير عطني اسم الجامعة الله يجزاك خير
ياشين امريكا ماتقصر والله
هاجسي البعثة ويارب تنقبلين
رديت من تحت لفوق من الحوسة لي ست ساعات على النت ادور في مواقع الجامعات
-
رد: الي تقديره مقبول أو جيد ينتحر يعني ؟
مشاء الله عزيمتك مرررررررررررررة قوية الله يوفقك
-
رد: الي تقديره مقبول أو جيد ينتحر يعني ؟
مشاء الله عزيمتك مرررررررررررررة قوية الله يوفقك
-
رد: الي تقديره مقبول أو جيد ينتحر يعني ؟
انا راسلت جامعة: وقالولي اذا المعدل اقل من المطلوب ندخلك بقبول مشروط: واذا انتي عندج ايلتس حلو يساعد اذا دخلتي معهد اللغة
لانه على مااعتقد الايلتس اغلب الجامعات تطلبه 6 للماستر
بس مرات يغضون البصر ويوافقون عليه
هي السالفة انج تدورين على جامعة فيها قبول مشروط
هذا اللي عرفته من حوستي شهور
-
رد: الي تقديره مقبول أو جيد ينتحر يعني ؟
ولا تنتحرين الموضوع مايستاهل! :fireman:
-
رد: الي تقديره مقبول أو جيد ينتحر يعني ؟
ولا يقصون عليج المكاتب: انا ضاع وقتي شهر كامل بس علشان اخذ رد من مكتب واحد اذا في جامعة تقبلني: وحضرتهم طنشوني: الحين انا اللي راسلت وردوا علي الجامعات وان شاء الله بقدم عليهم
افضل شي تسوينه تدورين الجامعات عن طريق موقع الوزارة علشان تعرفين اذا كانت موقوفة الخ الخ
وترى عادي 6 ساعات: هي القصة متعبة بس ركزي وصبري شوي وان شاء الله تتوفقين
-
رد: الي تقديره مقبول أو جيد ينتحر يعني ؟
شوفي اختي انا كنت ابي انتحر بسبب معدلي عشان ابعث فيكي الامل معدلى كان 2.56 من 5 يعني مقبول
ههههههههههههههههههههههههه:tongue4:
بس جاني واحد من الشباب و قالي سو معادلة لشهدتك و ان شاء الله تحصل قبول بالراحة
و سويت المعادلة من عند شركة wes و الحمد لله حصلت قبول ماستر علوم حاسبات بتنسي
يعني حاولي بالجامعات اللي تقبل معدلات ضعيفة مثل جامعة ميدل تنسي و جامعات تنسي بشكل عام
و حاولي تدخلي مواقع الجامعات و تشوفين وش طالبين بالظبط
و الله يسهل الامور ان شاء الله
-
رد: الي تقديره مقبول أو جيد ينتحر يعني ؟
مالي خلق اعادل شهادتي بروحي بعد الجامعات انعصرت: خلاص مافي طاقة!
الجامعة اللي لقيتها concordia- Wisconsin
and
Michigan Flint
مع اني للحين ماقتلهم معدلي علشان ماينفجعون: انا جيد 3.24
كونكورديا قالولي اذا اقل من 3 يعني قبول مشروط
تقريبا لمن حولت المعدل الى 4 كنه طلعلي 2 وشوي
انا براسلهم اوراقي واشوف ايش يقولون
ومبروك على القبول هاذي اهم خطوة وبعدها كلشي سهل
-
رد: الي تقديره مقبول أو جيد ينتحر يعني ؟
الجامعه هذي ان شاءالله تقبلك
قبولهم سهل troy university
-
رد: الي تقديره مقبول أو جيد ينتحر يعني ؟
مشكورين والله
بالنسبة لموضوع معادلة الشهادات ترى ماهو شرط يرفع المعدل انا عادلت ونزل المعدل مدري ليه هههههههه
انتظر المزيد من الاخبار عن جامعات تقبل معدلات منخفضة وراح ادور في ميسوتي مدري وش اسمها انا مايهمني الايلتس يقبلونه لاني ممكن اختبر مرة ثانية واجيب درجة اقوى بس ابي جامعة ماتعقد موضوع المعدل
-
رد: الي تقديره مقبول أو جيد ينتحر يعني ؟
البدر على فكرة كم الحد الأدنى للجامعة الي حطيت اسمها ماقالوا شي في موقعهم
-
رد: الي تقديره مقبول أو جيد ينتحر يعني ؟
بالله يا اخوان الي معدلاتهم جيد مرتفع من 3,50/5 وطالع كيف وضعهم في القبول وهل ينقبلون في بعض الجامعات المرموقة في امريكا بالله الي عنده خلفيه يرد علي الله يرحم والديه
-
رد: الي تقديره مقبول أو جيد ينتحر يعني ؟
راسلت اغلب الجامعات المقترحة في هذا الموضوع كلهم تقريبا الحد الادنى 3
بغض النظر عن اللغة لديهم حد يعرف جامعة كاتبة بالبنط العريض نقبل اي معدل ؟
لاني جربت قبل فترة ارسلت ملفي لجامعة وطولوا وضيعوا وقتي وبالاخير رفضوا القبول ويوم قلت عطوني ملفي قالوا لا من يوم ماتقدم يصير ملكية للجامعة قلت وش تبون فيه وانتوا رفضتوا طلبي ؟ قالوا هذي سياستنا
بلا سياسة بلا بطيخ ماعندي الا النسخ هذي عطوني اياها بس وكانوا مستغربين من جد !!!!!!
الي خلاني اقول كذا صعبة اغامر ارسل ملفي لاحد وانا عندي شك انهم ماراحوا يقبلون وبعدين اجلس في مراسيل رجعوا ملفي لا مابنرجعه
فالي يعرف جامعة تقبل بصراحة اي معدل ( ومكتوب في موقعها ) يدلنا عليها وله ان شاء الله الدعوة الصادقة
-
رد: الي تقديره مقبول أو جيد ينتحر يعني ؟
http://www.cuw.edu/Departments/inter...haiChinese.pdf
ادخل على هالرابط خاص بقسم الطلاب الانترناشونال ارسلهم ايميل او كلمهم ان شاء الله يفيدونك خصوصاً ان هالجامعه مافيها الا 3 سعوديين فقط لحد الآن
انا اعرف واحد نسبته 63 بالثانوي قبلوه بكالوريوس عندهم مع ان سكان المدينه الي عند الجامعه يقولون هالجامعه غاليه جداً ماندرس عيالنا فيها والجامعه هذي ماتقبل اي احد لكن توافيق
بالتوفيق للجميع
-
رد: الي تقديره مقبول أو جيد ينتحر يعني ؟
ان شاء الله انا الرابعة :)
وتعالي معاي خلينا نصير*****!
بروح بروحي !!
-
رد: الي تقديره مقبول أو جيد ينتحر يعني ؟
طيب ليش تشفر كلامي.....اقولج خلينا نروح نصير "غورووووب"
-
رد: الي تقديره مقبول أو جيد ينتحر يعني ؟
سعود التميمي شكرا على المشاركة كلمتهم قالوا 3 الحد الادنى والقرار مو للقبول بس ولكن للقسم ايضا وقال ايضا لو قبلناك راح نقبلك كطالب خاص يعني يعطوني كورس قبل ماادخل الماجستير لمدة ترم
ثناء ان شاء الله بس خلي الجامعة تجي بس
-
رد: الي تقديره مقبول أو جيد ينتحر يعني ؟
هلا بصديقاتي واصدقائي المقبول والجيد
انا معدلي جيد مرتفع << ابد ماتهايط
جيت امريكا الكل يقولى راح تلاقين قبول لكن مالقيت شئ والحين حايسه بامريكا الله يعين بس
وكل مادخل جامعه كاتبين 3 وش ذا
نصبوا علي الناس
المهم ارسلت لمكتب بالرياض للحين مارد
وش اسوي مستعده ادفع اى شئ بس يرتاح بالي والقى قبول واسوي بارتي
المهم لو جاني القبول بشرتكم باسم الجامعه انشاءالله
اللي جرب اى مكتب ثقه يعلمني بلييييييييييز
بالتوفيق لنا كلنا
-
رد: الي تقديره مقبول أو جيد ينتحر يعني ؟
سكر زيادة.............لا تعتمدين على مكتب تراهم خراطين ولا يبون يشتغلون حتى لو دفعتيلهم فلوس!
قدمي انتي بنفسج
-
رد: الي تقديره مقبول أو جيد ينتحر يعني ؟
(تم ترشيحك) ماعليه خليهم يعطونج كورس..بالعكس تستفيدين علشان يمديج تقدمين على البعثة من هناك وعلما تتعودين على نظام الجامعة وطريقة دراستهم
-
رد: الي تقديره مقبول أو جيد ينتحر يعني ؟
فيه جامعه قبولهم سهل في تخصص غالبية الجامعات يصعبون القبول فيه وهو "القانون"
فأعتقد ما دام قبولهم سهل في تخصص القانون راح يقبلونك اذا كان يتوفر تخصصك عندهم ان شاء الله وقبلو معدلات اقل منك
الجامعه اسمها Pace University موجوده في نيويورك مدينة وايت بلينز " وانا مقدم على الجامعه وانتظر قبولهم بإذن الله "
واي استفسرات انا بالخدمه