رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
اقتباس:
المشاركة الأصلية كتبت بواسطة بدر الحامد
وأنتي بألف خير يا غلاااا
مشكور على ردكـ وتفاعلكـ..
بس حبيت اوضح نقطه انا ما حبيت احول دراستي لاني ما ابي اعيد من جديد ..
قلت فرصــه اطلع مرافق ومنها آخذ لغه وبعد كذا ارجع للاردن واكمل السنه على حسابي الخاص واتخرج
:-)
اكون كسبة لغه
وكسبة تخرجي
بس الى الان محد ايد القرار اللي اتخذتـــه <-- غريبه وش السبب ؟؟
أخي في الله بدر الحامد....،،،
المعذره انا ردي كان حسب فهمي لكلامك وهو انك راح تلغي البعثة نهائي وتبدأ من جديد في امريكا
لكن فكرتك فكرة معقولة وجيدة في نفس الوقت بحيث تجمع بين الامرين ، وتذهب مع أختك وتكتسب لغة ثم تعودوتكمل دراستك وتقدم على البعثة للماسترفي امريكا
والافضل اذا استطاعت اختك التأجيل حتى تنهي دراستك وتذهب معها
ولكن نصيحة من أخت لك في الله هذا الموضوع مصيري والقرار فية يحتاج مجازفة لذلك قبل ان تقوم باي خطوة استخير الله عز وجل ثم استشير اصحاب الرأي السديد ممن تثق برايهم من معارفك والاخذ برأي والديك فقلب الوالد دليله
أسأل الله لك التوفيق وأن يختار لك مافيه خير الدنيا والاخرة
رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
اقتباس:
المشاركة الأصلية كتبت بواسطة بدر الحامد
ملاحظه مهمه جدا
بعد اجراء اتصالات دخلوني على مكتب المدير
وكان في قمه التواضع وقال لي
ياولدي انت قررت الغاء بعثتكـ لاكن انصحك
اول ما توصل الملحقيه في امريكا افتح لك ملف مبتعث من جديد وراح يعطونك ضمان مالي عشان تدرس اللغه مع اختكـ
وانصحك تاخذ شهاداتك بعد ما تترجمها وتاخذ كشف درجات بالمواد اللي خلصتها وكمان ترجمه وصدقه
وراسل الجامعات هناك يمكن يعادلون لك ساعات واذا عادلو لك فوق 30 ساعه اضمن لك انهم يلحقونك بالبعثه
والله يوفقكـ
ريحني بكلامــه ولا انتم وش رايكم
كذا ما اخسر شي صح :)
نشوفكم في أمريكاااااا
كلام منطقي وانا اويده
رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
خلي اختك تاجل رحلتها
حــــــــــــــــرام واللـــــــــــــه تضيع كل اللي سويت
انت بتاجل شي بسيط 10 شهور ولازم ترضى اختك
خليها تدخل دوره E وتستفيد
وترى الايام تعدي سريع انتم احجزوا طيران على بعد 10 شهور بالضبط
واذا قدرت تنزل 20 ساعه الترم الاول
و 20 الترم الثاني
ويصير لو لا قدر الله حملت ماده يصير تنزلها صيفي
وماده وحده ولا 3 مواد
والله يوفقك
رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
نصيييييييييييييييحه اخويه لا تغير الاردن خلص الدراسه فيها وتعال ادرس ماستر هنا انت مابقي لك شي والله لتندم , واختك خل تأجل بعثتها 10 شهور إلى ان تخلص انت وتطلع معها ... بالتوووووووووووفيق
رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
تبي النصيحة كلكم تستفيدون منها
تآجل اختك دراستها وتدخل معهد واقوى معهد عندكم وتاخذ كورس في اللغه علشان تجي هنا وتكون مستعده
لانها اول ماتجي يسون لها اختبار توفل لو جابت فيه الدرجة المطلوبه تدخل الجامعه
ولو ماجابتها تدرس في المعهد لين تجيبها ممكن سنه ممكن اقل ممكن اكثر واذا كانت دارسه قبل تجي بيكون الوضع اسهل عليها
وانت خلال ١٠ شهور تكون مخلص ومتخرج واطلع معها مرافق وكمل ماجستير
رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
أخي الكريم..
خلني أسألك وش الفائدة إذا عدت دراستك من جديد؟
الخبرة الوظيفية (الي بتاخذها بعد تخرجك من دراستك الحالية) أفضل من الشهادة الي بتاخذها من أمريكا.
يعني بعد خمس سنوات من اﻵن إما يكون عندك بكالوريوس علوم حاسب من اﻷردن + خبرة عملية 3 سنوات (بافتراض انك تحتاج سنة بعد التخرج إلى أن تجد وظيفة) أو بكالوريوس علوم حاسب بدون أي خبرة عملية (الفرق فقط أن الشهادة من أمريكا)
سوق العمل بيفضلك في الحالة اﻷولى بالتأكيد.
رد: معانات مرافق((محرم)) الى أمريكا + معلومات + رأيكم بآخرحل قبل ما أتهور <--:)
ربي يعطيكم العافيـــــــــــــــــه ولا يحرمني منكم ...
بصراحـــه احس اني بدوامه مالها نهايــة
وقف التفكير عندي ...
الله يجيب اللي فيه الخير
