طلعت فيزاء سياحيه علشان اروح بنفسي وابحث عن قبول افزعوا

بسم الله الرحمن الرحيم
والصلاة والسلام على اشرف الأنبياء والمرسلين
السلام عليكم ورحمة الله وبركاته .. وبعد

القصه ومافيها

نسبتي سلمكم الله يوم افارق الثانويه حسبي الله عليها كانت مثل وجهي
تنقط عسل بمعدل تراكمي " ٦٩ ٪ "
استفسرت من اكثر من مكتب للحصول على قبول في كندا من قبل وقالوا لي اغسسسسسل يدينك من كندا
روح لأمريكا يمكن تحصل قبول ونفس الحكايه المكاتب بدو يقولون لي علا بلاطه نسبتك رديه وزفت
ياجماعة الخير يالوجيه الفلحه اللي مثل حالتي وش يعمل
بالعربي طلعت فيزاء سياحيه لأمريكا
واللي عرفته ان مستحيل ادرس بالفيزاء هذه
كلها كم يووم وانا بأذن الله مسافر لأمريكا الحل ياناس :help:

وش بتسوي اذا طلعت ترا الجامعات ماهي جنب بعض تمر عليها مرور وتجيب قبول وبعدين انت عندك لغه ولا طالع كذاا ؟؟؟

فيه عندك جامعه بأوهايو اسمه youngstown state university

صاحبي مقدم عليه و معدله نفس معدلك بالضبط ووصل قبوله خلال اسبوعين

اقتباس:

---

المشاركة الأصلية كتبت بواسطة roko

وش بتسوي اذا طلعت ترا الجامعات ماهي جنب بعض تمر عليها مرور وتجيب قبول وبعدين انت عندك لغه ولا طالع كذاا ؟؟؟

---

ابي اسوي خبز صاج وابيعه بالشارع وش ابي اسوي يعني اكيد بسوي نفس مايقولون الناس سوه على اساس احصل قبول لنفسي عندي بسيط اللي تمشي الحال مافيه شيء كذا وانا كاتب الموضوع كذا يعني حاول تفهم يادبلوماسي

اقتباس:

---

المشاركة الأصلية كتبت بواسطة MOHTARF

فيه عندك جامعه بأوهايو اسمه youngstown state university

صاحبي مقدم عليه و معدله نفس معدلك بالضبط ووصل قبوله خلال اسبوعين

---

الله يوفقه ويسهل له أموره يآرب

اخبار زينه الله يسعدك

يعني الجامعه هذي احط فيها امل والأمل بالله

لا دبلوماسي ولا شي انا اقلك الواقع عشان انت راح تجي هنا ولا تستفيد شي لان اصلاً اغلب الجامعات تقلك ارسل على النت وعبي الابلكيشن على النت وكوووول شغلهم نت .... فكر فيها

طيب ليه ما قدمت عن طريق النت
انت قدمت عن طريق مكاتب ما ضبطت بتروح امريكا صراحة اسمحلي صرفية على الفاضي لو راسلت الجامعات جامعة جامعة افضل
ولو تبغا الصراحة اول شي جبلك قبول معهد لامريكا من السعودية و جيب فيزة طالب و بعدين ادرس لغة و في فترة دراسة اللغة حاول تجيب قبول جامعة
وبالتوفيق

اقتباس:

---

المشاركة الأصلية كتبت بواسطة o_piwi_o

طيب ليه ما قدمت عن طريق النت
انت قدمت عن طريق مكاتب ما ضبطت بتروح امريكا صراحة اسمحلي صرفية على الفاضي لو راسلت الجامعات جامعة جامعة افضل
ولو تبغا الصراحة اول شي جبلك قبول معهد لامريكا من السعودية و جيب فيزة طالب و بعدين ادرس لغة و في فترة دراسة اللغة حاول تجيب قبول جامعة
وبالتوفيق

---

هذا الكلام

سبحان الله , كنت جاي بنصحه وكان الكلام هذا على طرف لساني لكن سبقتني سلمك الله

عموما مثل ما قال اخونا رح ادرس لغه وفي اثنا فتره الدراسه تكون عرفت البلد والجامعات عن كثب ودور على مهل ورواقه

بالتوفيق ان شاء الله

الحين ابي اسئلكم اذا رحت انا هناك والفيزاء سياحيه ما اقدر ادرس بمعهد لغه ولا اقدر اقدم على جامعات واذا قبلوني اسبدلت الفيزاء من هناك اقدر ولا ما اقدر ؟؟

اقتباس:

---

المشاركة الأصلية كتبت بواسطة صمت المبآدي

الحين ابي اسئلكم اذا رحت انا هناك والفيزاء سياحيه ما اقدر ادرس بمعهد لغه ولا اقدر اقدم على جامعات واذا قبلوني اسبدلت الفيزاء من هناك اقدر ولا ما اقدر ؟؟

---

سألت واحد وقالي
بالنسبه للمعهد
يقدر يدرس فيه ... بس ما يقدر يأخذ كورس انجليزي مكثف ...
بالنسبه للجامعات
ما اتوقع يبلوك بفيزة سايح

بس الافضلك زي ما قالو الشباب
قدم من السعوديه وجيب قبول من المعهد والجامعه وقدم على فيزة طالب ... ومالك ومال وجع الراس

بس السؤال
هل تقدر تغير فيزتك من سياحيه الى فيزة طالب وانت بأمريكا ... هذي والله ما اعرف اجاوب عنها ... وممكن الشباب يقولون لنا؟

بالنسبة لنسبتك لا تخاف راح تحصل جامعات تقبلك حتى لو تبي هندسة
لكن المهم
هل هذا هو التخصص اللي تحبه ... او عندك الامكانيات اللازمه بانك تخش مثل هذا التخصص
اتمنى لك التوفيق

الي اعرفه نوعين الفيزا الي هيا f1 - f2 هيا الي تسمحلك بالدراسة بامريكا f1 فيزة طالب و تسمحلك بدراسة اللغة مكثف مو مكثف جامعة اي نيلة اما f2 الي اعرفه انها تقدر تدرس بيها لغة بس وقت اقل
فيا حبيبي لو تبغا الكلام السنع اتركك من السفرة و جيب قبول معهد و اطلع رسمي دراسة لغة و ريح دماغك ودقها سنة و خلال السنة دور قبول لعلمك بتتعب شوي نفسيا بحكم انك ودك تسافر بس فيزة الطالب 5 سنين و السياحية حدك الظاهر 3 شهور و ترجع فطلع فيزة دراسة و روح سنة ولا ترجع :) وبالتوفيق
بس حبيت انصحك لان روحتك صراحة بتكون صرفية بدون فائدة لو بتروح سياحة اقولك روح بس انت بتروح بفيزة سياحة بس ما راح تستمتع تبغا قبولات فروح طالب و ضبط وضعك

اقتباس:

---

المشاركة الأصلية كتبت بواسطة oska88

سألت واحد وقالي
بالنسبه للمعهد
يقدر يدرس فيه ... بس ما يقدر يأخذ كورس انجليزي مكثف ...
بالنسبه للجامعات
ما اتوقع يبلوك بفيزة سايح

بس الافضلك زي ما قالو الشباب
قدم من السعوديه وجيب قبول من المعهد والجامعه وقدم على فيزة طالب ... ومالك ومال وجع الراس

بس السؤال
هل تقدر تغير فيزتك من سياحيه الى فيزة طالب وانت بأمريكا ... هذي والله ما اعرف اجاوب عنها ... وممكن الشباب يقولون لنا؟

---

الله يكتب اللي فيه الخير . وشاكر لك مساعدتك

اقتباس:

---

المشاركة الأصلية كتبت بواسطة oska88

بالنسبة لنسبتك لا تخاف راح تحصل جامعات تقبلك حتى لو تبي هندسة
لكن المهم
هل هذا هو التخصص اللي تحبه ... او عندك الامكانيات اللازمه بانك تخش مثل هذا التخصص
اتمنى لك التوفيق

---

وييييينه هالجامعه بس

انت اصلا ما تقدر تدخل اي جامعة الابعد ما تخلص لغة لذلك شف لك قبول معهد لغة زي ماقالو الاخوان وهناك دور على قبول جامعة

الحالة ابحث عن قبول

وانا ماقلت شيء لكن فيه معاهد تضمن لك بعد ماتخلص من المعهد كرسيك بالجامعه محجوز انا ابي هالساااالفه

لا ما فيه كرسي محجوز فيه قبول مشروط انك تجتاز اختبار التوفل تبع اللغه وهذا مثل ما قلنا لك لين رحت امريكا وانت بفتره اللغه دور لك قبول مشروط

اماعن تسالك بخصوص الفيزه مستحيل تقدر تصلحها وانت بامريكا لزم تصلحها من هنا والفيزه السياحيه هذي تنلغي وتقدم على فيزه بالايتوني الا هو قبول المعهد راح يعطونك فيزه f1مدتها 5 سنوات وهذي طريقتها انك تاخذ موعد بالسفاره بعد ماتعبي النموذج ولما تروح للموعد اشرح لهم كل وضعك اعتقد راح يكنسلون فيتك السياحيه ويعطونك فيزه طالب لكن اذا تبي نصيحتي اصبر الين تنتهي الفيزه الي معك ثم قدم على السفاره واطلب موعد بس اول جب لك قبول معهد

اخ الكريم معدلك مثل معدل زوجي
اول شي لازم يكون عندك قبول لغة
بالنسبة للجامعات في جامعات شرطت يأخد كورسات زياده و في جامعات طلبت يعيد اخر سنة في البكالوريوس
طبعا في جامعات غير معترف فيها عند وزارة التعليم العالي راح تقبلك


دعواتك
بالتوفيق

اقتباس:

---

المشاركة الأصلية كتبت بواسطة صمت المبآدي

الحالة ابحث عن قبول

وانا ماقلت شيء لكن فيه معاهد تضمن لك بعد ماتخلص من المعهد كرسيك بالجامعه محجوز انا ابي هالساااالفه

---

ارسلت لك ع الخاص ومنتظر منك الرد

غلطان غلط كبييييييييير وراح تندم بعدين على هالحركة

اقتباس:

---

المشاركة الأصلية كتبت بواسطة oska88

سألت واحد وقالي
بالنسبه للمعهد
يقدر يدرس فيه ... بس ما يقدر يأخذ كورس انجليزي مكثف ...
بالنسبه للجامعات
ما اتوقع يبلوك بفيزة سايح

بس الافضلك زي ما قالو الشباب
قدم من السعوديه وجيب قبول من المعهد والجامعه وقدم على فيزة طالب ... ومالك ومال وجع الراس

بس السؤال
هل تقدر تغير فيزتك من سياحيه الى فيزة طالب وانت بأمريكا ... هذي والله ما اعرف اجاوب عنها ... وممكن الشباب يقولون لنا؟

---

ما عمري سمعت احد درس بفيزا سياحية صراحة... وبالنسبة للسؤال: لا ما يقدر لازم يرجع للسعودية ويسوي المقابلة والاجراءات من جديد

سلام عليكم ورحمة الله وبركاته...
اسمع الكلام اللي يجمد على الشارب وخل عنك الخربطة
بالنسبة للدراسة داخل امريكا بالفيزا السياحية بامكانك دراسة كورس انجليزي فقط لا يزيد عن شهرين حسب النظام
اما بالنسبة لتغيير الفيزا داخل امريكا فهذا هباااال لا يمكنك اصدار فيزا من داخل امريكا لابد تكون من احدى السفارات في الخارج لانه اذا انتهت فيزتك وانت بامريكااا عادي اهم شي يكون وجودك نظامي عبر اي تونتي موضح فيها لك الى كم عشان تجلس بامريكا...
الحل ترجع للسعودية وتقدم فيزا جدييييدة دراسية بعد الحصول على القبول

بالنسبة لوضعك ترا مهوب صحييييح ابد ابد اذا كنت جاي تدور قبول تبي ترجع خالي اليدين لانك مامعك لغة ونسبتك غير جيدة ولا عندك ضمان مااالي وركز لي على ضمان مالي...
انا سويت زيك السنة اللي راحت وجبت اوراقي كاملة وهي عبارة عن السجل الاكاديمي مع معادلة حسب النظام الامريكي عبر ش ركة ويس او اي شركة اخرى ومعي ضمان مالي من جهة عملي انه تبي تدفع كلشي وشهادة البكالوريوس لاني دراسات عليا والتوفل معي 92 من 120 ومختبر الجي ار اي ومع ذلك
درت 4 ولايات خلال 15 وصرفت قرابة 24 الف ريال وزرت كذا جامعة وقالي ترا قبولاتنا كله للطلبة الانترناشيونال عبر النت مافيه داعي تجي وتاخذ وقت لا يقل عن شهر عشان القبول
نصيحتي لك لاتسافر وتبهذل عمرك
ولاتنسى لو شافوا معك اوراق قبول ودراسة وانت سياحة ممكن يستقعدون لك بالمطار مثل ماصار لبنت كانت جاية اخته زيارة وتبي تقدم وجايبه كل اغراضة واستقعدوا له بمطار ديترويت

نصيحتي لك وفر على عمرك وجب قبول انجليزي فقط لمدة سنة من الرياض وقدم على فيزا دراسية ولاجيت قدم طلب انضمام للبعثة وخلال هالسنة وانت تدرس انجلش دور قبول لك وسلامتك......

هذا موضوع ممكن يفيدك ... ولا عندي اي فكره عن هالشغلات

http://www.mbt3th.us/vb/forum16/thread45803.html

بالتوفيق