الحجز من واشنطن لمدينتي ! متى وكيف !

السلام عليكم

شباب انا عندي استفسار بسيط !

انا رحلتي في 13 اكتوبر لواشنطن ! لكي افتح ملف بالملحقيه ومن ذا الكلام

بس عندي سؤال متى احجز من واشنطن لمدينتي الي بدرس فيها (تامبا في ولاية فلوريدا) !

يعني احجز من الحين ؟ ولا اذا وصلت واشنطن وخلصت اجرائاتي ؟

ولامن حجزت من هنا على تاريخ كم احجز ؟ وكيف احجز ؟ وكم تكلفة التذكره على اسوح مقعد هع

لاني وربي ما اعرف ادبر اموري بمطار الملك خالد وولا عمري سافرت داخل السعوديه لحالي هع
يعني زي ما تقولون طازه ,, وهذي اول رحله لي دوليه ولا لوحدي كمان هع , وفوق هذا لأمريكا هع :(

فالي ابيه منكم مساعدتكم لا هنتم !

ولو احد عنده نصايح او يعرف مواضيع تساعدني لما اوصل امريكا لاني والله مو عارف وش اسوي هناك


فتكم بعافيه يا غالين وجزاكم الله الف خير

والله اخوي انا زيك بالضبط لكن رحلتي قبلك بثلاث ايام وسمعت ان في الملحقية مكتب للطيار يضبط الحجوزات وان شاءالله الاخوان يفيدونك ويفيدوني لكن كيف اقطع بطاقة صعود الطائرة علم اني ميح بالانجليزي

احجز منها اريح لك بكثير
انا عن نفسي حجزت كل شي من هنا
روح مكتب الطيار وهو يعطيك الاسعار
يعني انت وصلوك واشنطن يوم 13 اكتوبر الاربعاء
احجز رحله يوم الجمعه الي هو 15 اكتوبر الجمعه لي ولايتك
روح مكتب الطيار وهم يعطونك الاسعار

هلى والله ابو زهره :)

الصراحه انا واحد من الشباب شار علي اني اخلصها من هنا من مكتب سياحي وكذا

بس المشكله لامن وصلنا امريكا مين يستقبلنا ومين يودينا الملحقيه ومين يودينا لفندق وكذا !

وما ادري اجلس يومين بواشنطن ولا ثلاث ايام ؟!

هلا اخوي نواف
والله كلامك عين العقل انا حجزت من ابن بطوطه بروحله اليوم واقله احجزلي من واشنطن لتامبا
وانا كنت ابغى احجز على يوم 15 اكتوبر ,,!

ع العموم مششكور وما قصرت وعسى التذكره تطلع رخيصه بس

اقتباس:

---

المشاركة الأصلية كتبت بواسطة al3ndlib

اذا وصلت واشنطن وخلصت اجرائاتي ؟

---

هلا والله يالعندليب ،، اولآ عندكـ خطأ إملائي في العبارهـ اللي فوق ،،
كتبت واشنطن ،، والصحيح تكتب واشطنطن
ماعلينا ،، لاتخاف ولاشي كلنا كنا زيكـ طازهـ اول ماوصلنا أمريكا ،، على بالكـ يعني لفينا أوروبا والشرق الأوسط ؟
عالطول من التحليه على الثمامه على الملحقيه في واشطنطن ،، يعني طبيعي تكون طازهـ كلنا كنا طازات قبلكـ
عمومآ شوف ــ إذا عندكـ لغه كويسه أو شبه كويسه في الإنقلش ،، حاول تحجز عن طريق النت لأنه أسهل شئ
وتقدر تحجز وتدفع الفلوس وتقص التذكرهـ وإنت على جهازكـ ،، يعني يوم توصل لواشطنطن مايحتاج تروح محل
على طول على المطار ،، وتعطيهم التذكرهـ
أما اذا كنت طازهـ بعد في الإنقلش ،، فلا والله روح لمكاتب الحجز ،، صح إنهم بياخذون من وراكـ كم قرش
بس أهون من إنكـ تروح هناكـ وتضيع << عاد لاضعت في واشطنطن قابلني إن عاد عرفت ترجع للملحقيه ،،
هذي أحسن طريقتين أشوف إنكـ تسويها ،،

وبالتوفيق لكـ ولكـ المتجهين لأمريكا ،، ((نحن السابقون وأنتم اللاحقون))

لا تخاف بالعندليب انا معك بنفس الرحلة 13 اكتوبر

اي شيء تبيه احنا بالخدمة ولا تحسبني بلبل انجليزي بس يعني نطقطق شوي

اقتباس:

---

المشاركة الأصلية كتبت بواسطة النمسي

علم اني ميح بالانجليزي

---

ميح .. قعدت 5 دقآيق متفطس من الضحك والله يآنت ذكرتن بوآحد .. هههههههههه يآ حبي لك النمسي .. وربنآ يوفقك :lol: :hbeat: هع هع

بنشتآق لك كثيييييييييير ~> متى المعرفه !!


:)

اقتباس:

---

المشاركة الأصلية كتبت بواسطة anoooos

لا تخاف بالعندليب انا معك بنفس الرحلة 13 اكتوبر

اي شيء تبيه احنا بالخدمة ولا تحسبني بلبل انجليزي بس يعني نطقطق شوي

---

مآ شاء الله تخويتوا مع بض ..
ليتي معكم :hbeat:

" الله يصبرنا لين يجي القبول " :(

عليكم السلالالامـ
ان شاء الله تصل بالسلامـه وترجع وانت رافع راس اهلك بالشهادهـ حبيبي
الشئ الثاني :
انت طالع يومـ 13 اكتوبر .. يعنى خلي رحلتك الثانيه الحجز يومـ 15 اكتوبر مثل ما قالو لك الشباب
الشئ الثاني اذا كانت معك فيزا كارد او ماستر كارد
فحاول تحجز الطيران والفندقـ وكول شئ عن طريق النت ترى ارخص واسهل واحسسن واضمن ..
www.expedia.com
الموقع الثاني
www.travelocity.com

وكمان سوي للتذكرهـ طباعه .. وامورك في السليمـ
وبعدددين نصيحه اسئل ثم اسئل ثم اسئـــــــــل
لا تستحي كول مالقيت واحد في المطار اسئله وين البوابه حقت الرحله حقتك ..
و اصلا ما تحتاج تسأل عن البوابه لان راح تكون مكتوبه ع التذكرهـ
لكن لاقدر الله يمكن يغيرونها .. فأنت خلك ع اطلاعـ
انـ شاء الله اكون افدتك بالشئ اللى اعرفه والشباب ما قصرو معاكـّّ
تحياتي لك .. وبالتوفيق يا عسسسل
حـ ج ـازي