مالي بعد الله الا انتو تكفون الكل يدخل
السلام عليكم ورحمة الله وبركاته
اولا اشكركل من ساهم في هذا المنتدى الذي افاد الكثير واصبح مرجع للكثير من المغتربين واسال الله العلي العظيم ان يكون في ميزان حسناتكم
مشكلتي
انا دراسه تخصص لغه عربيه سنتين زوجي جته بعثه لامريكا وهو الحين راح له شهرين وطلب مني اجي واكمل بامريكا
سوالي
هل راح اجد مشكله في معادلة الساعات؟؟
والشي الثاني ايش التخصص اللي راح يعادلون لي الساعات كامله تكفون افيدوني؟
رد: مالي بعد الله الا انتو تكفون الكل يدخل
وينكم محد رد
اللي عنده معلومه لايبخل علي
رد: مالي بعد الله الا انتو تكفون الكل يدخل
ما أتوقع فيه معادلة لأن تخصصك غير موجود عندهم كما أعرف, المعادلة فقط في التخصصات المتشابهه, هذا ما أعرفه,
لكن إن كانت الغربة والحجاب ماعندك أي مشاكل فيهم وتتوقعين بتتأقلمين مع الوضع فنصيحتي روحي مع زوجك وعيدي دراستك في تخصص أفضل, وما راح شيء يسوى وربي بيعوضك لأنك أرضيتي زوجك, هذا رأيي أتمنى أكون أفدتك.
رد: مالي بعد الله الا انتو تكفون الكل يدخل
كلام سليم اخوي فارس الحرمين ,, وبعدين يا اختي سنتين تتعوض انشالله بالي احسن منها ,, وفي تخصص افضل ,,اتمنى لك حياه سعيده
رد: مالي بعد الله الا انتو تكفون الكل يدخل
لغة عربيه اتوقع زي ماقال الاخ فارس بس حاولي ماراح تخسرين شي ارسلي ايميل للجامعه اللي تبين تدرسين فيها. واكيد راح يطلبون منك السجل الاكاديمي و يمكن يكون حضك حلو ويكون الجامعه فيها مواد اختياريه ويعادلونها لك .
شكرا
رد: مالي بعد الله الا انتو تكفون الكل يدخل
اقول أغسلي السنتين بماء وانسيهم وروحي مع زوجك
واختاري تخصص جامد وكملي فيه
وترى تخصصك ينفع له تخصص((الاديكيشن))تلاقيه في كل الجامعات
الاديكيشن= التعليم
والله يوفقك يارب
وتراني مثلك>>>>عربي
رد: مالي بعد الله الا انتو تكفون الكل يدخل
مشكورين ع الردود والمساعده رغم اني تحطمت
بلدي تعالي انتي دارسه اديكيشن ؟؟
وشلون دراسته صعب ولا لا
وماينفع يعادلون لي ولو كم ماده
وياليت تقولولي شلون دراسة الجامعات بامريكا خايفه تكون صعبه هذا اللي مرددني اني اروح امريكا اخاف اتوهق بالدراسه
رد: مالي بعد الله الا انتو تكفون الكل يدخل
اخت لين
يمكن الي ردو عليك مافيه احد منهم سبق وعادل ساعات وفيه منهم شاف التخصص لغة عربيه وقال اغسلي يدك انتي وهالتخصص يعادلون لك
بس في نضام الجامعات في مواد عامه تتعادل
ممكن يعادلونها لك بمواد مشابهه في تخصصك
عندك الثقافة الاسلامية الي مالهم دخل فيها ممكن يعادلونها لك في مواد موازية لها
اخذي اوراقك كلها مترجمه معك وراح يعادلون لك ان شالله
ولاتنسيني من دعواتك وانا اخوك
رد: مالي بعد الله الا انتو تكفون الكل يدخل
اختي الكريمة تاكدي من الجامعات في مدينتك لان تخصص اللغة العربية والدين الاسلامي موجود في بعض الكليات الامريكية فانتي ابحثي ممكن تحصليه
رد: مالي بعد الله الا انتو تكفون الكل يدخل
ياحبيبتى تخصص لغة عربية ما يأكل عيش
شوفي احتياج البلد وخذي تخصص نادر ترجعين انشاء الله وانت معيده في إحدى الجامعات السعودية
جاتك فرصة لا تضيعينها عندي بعض الزميلات في العمل لغة عربية والله العظيم انهم موظفات على مسمى "مشرفة عاملات"
وراتبهم 800 ريال بالشهر ؟؟؟؟؟؟؟؟؟؟؟
رد: مالي بعد الله الا انتو تكفون الكل يدخل
ام عبد الوهاب ولbe4
مشكورين رجعتولي الامل انا بروح ع كلورادو ولايه دنفر
ومشكلتي ان خايفه تكون الدراسه صعبه واضيع الجامعه من يدي واندم
طيب لو بروح وش تنصحوني اي قسم
اخت ام عبدالوهاب عملت بحث بقوقل عن تخصص لغه عربيه او تخصص يعادلولي فيه المواد وراسلت كثيرين
بس للاسف دون جدوى
انا ما ابي ارجع اعيد جامعه من جديد لان خطتي اكمل دراسة ماستر ودكتوراه واذا عدت يبيلي 4 سنوات زياده غير سنه اللغه
وراح يروح عمري وانا ماخلصت جامعه
لازال فيني امل ان اجد من اصحاب الخبره في هذا المنتدى المساعده
رد: مالي بعد الله الا انتو تكفون الكل يدخل
اخت لين:
ثقي انك اذا ارضيتي الله سبحانه و تعالى بطاعة الزوج و الالتحاق معه في الغربه ، الله راح يعوضك خير بإذن الله.
و انصحك يا اختي الفاضله بصلاة الاستخاره .
رد: مالي بعد الله الا انتو تكفون الكل يدخل
اختي لين
انا بحثت لك عالسريع وانتي روقي وتبصري فيهم
هذي جامعة دنفر--تخصص لغة عربية
Arabic | University of Denver
وهذي كلية بدنفر تخصص لغة عربية برضو
Community College of Denver Course Descriptions
البحث بالانجليزي افضل وتأكدي تراني ما تبصرت فيهم
رد: مالي بعد الله الا انتو تكفون الكل يدخل
السلام عليكم ماتتخيلون مدى فرحتي في مشاركتم حيرتي اسال الله العلي القدير ان يرزق كل من اجاب ع استفساري رزقا عظيما من حيث لايحتسب
بوشافي يعلم الله اني استخير لكن زي ما انت عارف هذا مستقبل وصعب اتخاذ اي قرار فيه دون تأني وتفكير طويل فحبيت اجمع مابين الاستخاره والاخذ بالاراء راجيه من الله ان يهديني للاختيار الصواب الذي لاندم بعده
بالنسبه لك ياام عبدالوهاب فرجتي همي الله يفرج همك دنيا واخره رجعت من الجامعه وكان يوم ثقيل جدا جدا من كثرة التفكير في موضوع الدراسه وموضوع فراق زوجي
ولما فتحت الروابط كاني ملكت كنوز الارض من السعاده وتاكدي انتي وكل الاخوة اللي نوروا صفحتي لكم دعوة بظهر الغيب
تحياتي للجميع
رد: مالي بعد الله الا انتو تكفون الكل يدخل
Unfortunately, there are few chances to make *****alent to your cources
But maybe some schools make it to similar cources that you have taken it
The students who hold diploma suffer some problems but you have to try it out
In my opinion, you have nothing to lose, it is good chance to study in USA
I am sorry for typing in English but I replied from ELS computer.
Good luck