بوصل لواشنطن 9 اكتوبر ان شاء الله .. وانصدمت من اسعار الفنادق

السلام عليكم ..


مساء الخير اخواني ..

حبيت اكلكم بخصوص اني بطلع لواشنطن في 9 اكتوبر .. السبت القادم ودورت حجز فنادق وحصلت اسعاره خياليه .. ارخص فندق نجمتين وبسعر 285 دولار لليله الواحده .. وطبعا ً بكون السبت بواشنطن يعني بدفع حق ثلاث ايام .. بصراحه يا اخواني وربي كثير علي ..

وانا ودي اسال هل احصل ارخص من كذا .. ؟ لاني قرات في بعض الردود من الاخوان ان فيه اسعار بتسعين دولار جمب السفاره السعوديه وحبيت اتاكد قبل لا احجز من الانترنت



والمشكله الثانيه بروح من واشنطن لكنتاكي طيران وطلع سعرها غالي مع الضرائب ب 575 دولار ,, في ارخص من كذا تتوقعون ؟

او الاقي حل ثاني ؟


لاني رايح على حسابي وجالس احاول اوفر بعض المبالغ ؟؟ تكفون ابي حل



والله يوفقني ويوفقكم يآآآآآرب

عزيزي, مايحتاج تحجز فندق ولا شي

الملحقيه تاخذك من المطار اذا انت جاي على الخطوط السعوديه , وتوصلك لفندق جنب المطار اسمه دبل تري

سعره 93 دولار في الليله , واذا في احد تعرفت عليه معاك تقدرو تاخذوها بـ 47 دولار للشخص وتقعدو فيها انتو الاثنين

بالنسبه لاسعار التذاكر لازم تكون حاجز قبلها بفتره عشان تسير ارخص

حاول تجرب هذا الموقع وتحجز

www.Priceline.com

هلا وغلا انا طالع انشالله ب 8 اكتوبر

يوم الجمعه والمشكله ان السبت والاحد اجازه هناك بس هل الملحقيه ةالسفاره يكونو ماجزين يعني يومين على الفاضي

ولو فيه احد بيروح ب 8 اكتوبر نجلس انا وياه بغرفه وحده نوفر للجايات الله يعين

بس انا جداي على الخطوط البريطانيه حبيبي ..

ومدري ارسلهم رساله ولا كيف ؟؟


لاني من جد متوهق واسعار الفنادق نااار

اقتباس:

---

المشاركة الأصلية كتبت بواسطة مُـتفائـل

بس انا جداي على الخطوط البريطانيه حبيبي ..

ومدري ارسلهم رساله ولا كيف ؟؟


لاني من جد متوهق واسعار الفنادق نااار

---

أرسل رسالة للملحقية ( إستقبال مبتعث جديد ) طبعا في موقع الملحقية
واذا وصلت واشنطن بتلقى مندوب الملحقية موجود
وفيه باصات الفنادق خارج المطار توديك للفندق الخاص بكل باص مجانا وتستأجر من عندهم
اذا شفت باص دبل تري اسأله عن توفر الغرف واطلع معه للفندق
طبعا الفنادق هذه بالقرب من المطار وتبعد عن الملحقية ساعة تقريبا

وبالتوفيق

الله يعينك وانا اختك

احنا جينا واشنطن ويالله العافية خلصنا كل اللي معنا من ميزانية في واشنطن
لان الملحقية توديك على فندق هم متعاونين معه وهو دبل تري او كمفورت ان اعتقد
اضطرينا نجلس 3 ليالي
ومندوب الملحقية يدلك على باص الفندق برا
هذي شغلته
اما يودونك للفندق اللي تبيه لا
واصلا انت شبه مجبر انك تروح الفندق اللي مختارينه لانك بتلاقي مندوبهم يستناك هناك
وياخذ منك اوراقك عشان تجي اليوم الثاني بسيارتهم اللي يرسلونها للطلاب الجدد وتستلمها من الملحقية

مالك الا انك ترضى بالواقع وتحسب حسابك بأي طريقة

وعلى فكرة انا بلغتهم بوصولي قبل وفوق كذا مالقيت اسمي بالقائمة كتبته بورقه المندوب لمن وصلت
والله يفرجها عليك ويرزقك من حيث لاتحتسب

مو شرط تكون جاي على الخطوط السعوديه

الفندق اللي بيودونك له الملحقية راح يكون لازم تسكن اقل شي ليلتين

ليلتين ياطويل العمر +اكلك ومصاريفك الشخصية باذن الله ماراح تتجاوز 250 دولار

موفق ان شاء الله

السلام عليكم ورحمة الله وبركاته


انا مسافر امريكا تاريخ 7/10 يوم الخميس الجاي يعني بعد اربع ايام ان شاء الله

الدراسه على حسابي طبعن لكن المشكله انا رايح وقت اجازه اللى ابي اعرف هل مؤظف الملحقيه يستقبلني او لا....؟

اقتباس:

---

المشاركة الأصلية كتبت بواسطة hamoud-2k

السلام عليكم ورحمة الله وبركاته


انا مسافر امريكا تاريخ 7/10 يوم الخميس الجاي يعني بعد اربع ايام ان شاء الله

الدراسه على حسابي طبعن لكن المشكله انا رايح وقت اجازه اللى ابي اعرف هل مؤظف الملحقيه يستقبلني او لا....؟

---

إذا طالع يوم الخميس بتلحق على الملحقيه يوم الجمعه ( لان اجازتهم هناك سبت ويوم الاحد )

وإذا رحلتك من السعوديه الصباح
بتوصل امريكا المغرب او العشاء ليل الخميس عندهم
بتلحق على الملحقيه
والباص هناك والطلاب بتشوفهم هناك وما راح يقصرو معاك
وراسل الملحقيه بموعد وصولك زياده ....
بالتوفيق

ياجماعه للحين ماستفدت شيء .. تقولون لي روح هناك ..


يعني تنصحوني احجز من هنا على الانترنت ولا هناك ... وبعدين كيف اكلك وشرب ولمدة يومين 250 دولار وين احصلها هذي ؟؟

اقولك ارخص غرفه حصلتها بــ 250 دولار لليله الوحده .. يعني 750 لمدة ثلاث اياام ..

ياشباب تكفون ابي حل اذا تقدروون .. .